spot_img
Homeຂ່າວພາຍ​ໃນມອບລາງວັນສິ່ງປະດິດຄິດສ້າງແບບສ້າງສັນ

ມອບລາງວັນສິ່ງປະດິດຄິດສ້າງແບບສ້າງສັນ

Published on

ມອບລາງວັນສິ່ງປະດິດຄິດສ້າງແບບສ້າງສັນ

ໃນ​ໄລຍະ​ຂອງ​ການ​ຈັດ​ງານ​ສັບປະດາ ລາວ-ຝຣັ່ງ ຢູ່​ນະຄອນຫຼວງ​ວຽງ​ຈັນ ໜຶ່ງ​ໃນ​ບັນດາ​ການເຄື່ອນໄຫວ​ກິດຈະກຳ ມີ​ກອງ​ປະຊຸມ​ຄົ້ນຄວ້າ​ດ້ານ​ວິຊາ​ການ ໃນ​ຫົວຂໍ້ ເມືອງ​ໃຫຍ່​ທີ່​ພັດທະນາ​ໃນ​ເຂດ​ອາຊີ​ຕາເວັນ​ອອກສຽງ​ໃຕ້ ທີ່​ໄດ້​ຈັດ​ຂຶ້ນ​ໃນ​ວັນ​ທີ 26-28 ພະຈິກ 2013 ຈາກ​ການ​ຈັດ​ສຳ​ມະ​ນາ​ດັ່ງກ່າວ ທາງ​ສະ​ຖາ​ບັນ​ຝຣັ່ງ ຍັງ​ໄດ້​ຈັດ​ໃຫ້​ມີ​ການ​ປະ​ກວດ​ການ​ປະດິດ​ຄິດ​ສ້າງ​ແບບ​ສ້າງສັນ ພາຍ​ໃຕ້​ຫົວຂໍ້ Vientiane Art 2.0 ໂດຍ​ເປີດ​ກວ້າງ​ໃຫ້​ແກ່​ບັນດາ​ໂຮງຮຽນ​ໃນ​ນະຄອນຫຼວງ​ວຽງ​ຈັນ ບັນດາ​ນັກຮຽນ ນັກ​ສຶກ​ສາ ໃຫ້​ສົ່ງ​ຜົນງານ​ປະດິດ​ສ້າງ ເຂົ້າ​ຮ່ວມ​ທີ່​ມີ​ເນື້ອ​ໃນ​ກ່ຽວ​ກັບ​ການ​ວາງ​ແຜນ​ຈັດ​ສັນ​ຕົວ​ເມືອງ ແລະ ອີງໃສ່​ແນວ​ຄວາມ​ຄິດ​ການ​ດຳລົງ​ຊີວິດ​ໃນ​ຕົວ​ເມືອງ​ທີ່​ສົມບູນ​ແບບ ດ້ວຍ​ການ​ນຳ​ໃຊ້​ອຸປະກອນ​ເພື່ອ​ນຳ​ສະເໜີ​ບັນດາ​ຜົນງານ​ດັ່ງກ່າວ ໄດ້​ຖືກ​ວາງສະແດງ​ຕະຫຼອດ​ໄລຍະ​ຂອງ​ການ​ສຳ​ມະ​ນາ ທີ່​ຫ້ອງ​ວາງສະແດງ​ໃນ​ງານ​ສັບປະດາ ລາວ-ຝຣັ່ງ ທີ່​ຫໍ​ປະຊຸມ​ແຫ່ງ​ຊາດ ໂດຍ​ການ​ຄັດ​ເລືອກ​ຜົນງານ​ຂອງ​ຄະນະ​ກຳມະການ​ຮັບຜິດຊອບ ແລະ ສາມາດ​ຄັດ​ເລືອກ​ໄດ້ 3 ຜົນງານ​ທີ່​ເດັ່ນ ໃນ​ລະດັບ​ນັກ​ສຶກ​ສາ ແລະ 3 ຜົນງານ​ຂອງ​ນ້ອງ​ນັກຮຽນ​ຄື:

ຜົນງານ​ການ​ຄົ້ນຄວ້າ​ທີ່​ຊະນະ​ເລີດ​ທີ 1 ໄດ້ແກ່​ທ້າວ ໂກສົນ ສິດທິ​ລາດ ກັບ​ຫົວຂໍ້​ຊຸມ​ຊົນ​ທີ່​ເປັນ​ມິດ​ກັບ​ນ້ຳ ໄດ້​ຮັບ​ລາງວັນ​ເປັນ​ທຶນ​ການ​ສຶກ​ສາ​ປະລິນຍາ​ໂທ ທີ່​ປະເທດ​ຝຣັ່ງ ທີ 2 ໄດ້ແກ່​ທ້າວ ທະນູ​ເພັດ ອ່ອນ​ມາ​ວົງ ໃນ​ຫົວຂໍ້​ໂຄງການ​ອອກ​ແບບ​ສວນ​ສາທາລະນະ​ທີ່​ຍັງ​ຄົງ​ຮັກສາ​ວິຖີ​ຊີວິດ ວັດທະນະທຳ ແລະ ການ​ກະສິກຳ ໄດ້​ຮັບ​ລາງວັນ​ທຶນ​ການ​ສຶກ​ສາ​ປະລິນຍາ​ໂທ ຢູ່​ໃນ​ອະນຸ​ພາກ​ພື້ນ​ອາຊີ-ປາ​ຊີ​ຟິກ ແລະ ລາງວັນ​ທີ 3 ໄດ້ແກ່​ນາງ ວິ​ດາ​ວັນ ສີ​ສຸວັນ ໃນ​ຫົວຂໍ້​ຊຸມ​ຊົນ​ກະສິກຳ​ທີ່​ຕິດ​ພັນ​ກັບ​ພື້ນ​ທີ່​ນ້ຳ​ຖ້ວມ ໄດ້​ຮັບ​ລາງວັນ​ຄອມ​ພິວ​ເຕີ 1 ເຄື່ອງ ແລະ ລາງວັນ​ສິລະ​ປະ​ສຳລັບ​ນັກຮຽນ​ທີ 1 ໄດ້ແກ່​ໂຮງຮຽນ​ກຽດ​ຕິ​ສັກ ທີ 2 ໄດ້ແກ່​ໂຮງຮຽນ ​ມສ.ວຽງ​ຈັນ ແລະ ທີ 3 ໄດ້ແກ່​ໂຮງຮຽນ​ກຽດ​ຕິ​ສັກ.

ພິທີ​ມອບ​ລາງວັນ​ຄັ້ງ​ນີ້ ໄດ້​ຈັດ​ຂຶ້ນ​ໃນ​ວັນ​ທີ 28 ພະຈິກ 2013 ນີ້ ຢູ່​ທີ່​ຫໍ​ປະຊຸມ​ແຫ່ງ​ຊາດ ໂດຍ​ເປັນ​ກຽດ​ມອບ​ລາງວັນ​ຂອງ​ທ່ານ ສົມ​ມາດ ພົນ​ເສນາ ລັດຖະມົນຕີ​ວ່າການ ກະຊວງ​ໂຍທາ​ທິ​ການ ແລະ ຂົນສົ່ງ ທ່ານ ອິວ ກາກ​ໂມ​ນາ ເອກ​ອັກ​ຄະ​ລັດ​ຖະ​ທູດ​ຝຣັ່ງ ປະຈຳ ​ສປປ ລາວ ທ່ານ ຫຸມພັນ ອິນ​ທິ​ລາດ ລັດຖະມົນຕີ​ຊ່ວຍ​ວ່າການ ກະຊວງ​ວິທະຍາສາດ-ເຕັກ​ໂນ​ໂລ​ຊີ.

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...