ໜ່ວຍກູ້ໄພມູນນິທິຊ່ວຍເຫຼືອຄົນທຸກຍາກ ແຫ່ງ ສປປລາວ ລາຍງານວ່າ ເມື່ອວັນທີ 30 ຕຸລາ 2015 ທີ່ຜ່ານມາ ໄດ້ຮັບການແຈ້ງເຫດວ່າມີເຫຼັກໜີບຄົນ. ດັ່ງນັ້ນ, ທາງໜ່ວຍກູ້ໄພຈຶ່ງຟ້າວໄປຍັງຈຸດເກີດເຫດ ພົບເຫັນຮ່າງຂອງຄົນງານເພດຊາຍ ໄວກາງຄົນຕິດຄາຢູ່ກັບເຄື່ອງຈັກ ຂອງໂຮງງານແຫ່ງໜຶ່ງໃນນະຄອນຫຼວງວຽງຈັນ ກວດສອບພົບວ່າຜູ້ເຄາະຮ້າຍເສຍຊີວິດແລ້ວ ເຊິ່ງສະພາບແມ່ນ ຫົວແຕກເປີດກວ້າງ ແລະຂາຫັກ ສ່ວນບໍລິເວນແອວຂຶ້ນຫາເອິກ ມີເຫຼັກເຄື່ອງຈັກໜີບຢູ່ ຈຶ່ງພາໃຫ້ເສຍຊີວິດຄາທີ່ ກ່ອນໜ່ວຍກູ້ໄພຈະນຳສົ່ງມູນນິທິຈີນ ເພື່ອລໍຖ້າໃຫ້ຍາດພີ່ນ້ອງຜູ້ກ່ຽວມາຮັບ ເອົາໄປປະກອບພິທີທາງສາດສະໜາຕໍ່ໄປ.
ສ່ວນສາເຫດລະອຽດ ເຈົ້າໜ້າທີ່ກຳລັງ ດຳເນີນການລວບລວມຢູ່.
ຂອບໃຈຂ່າວແລະຮູບຈາກ: ໜ່ວຍກູ້ໄພມູນນິທິ ຊ່ວຍເຫຼືອຄົນທຸກຍາກແຫ່ງ ສປປລາວ 1623