spot_img
Homeຂ່າວທ້ອງຖິ່ນສະພາເຂດ 13 ກຽມປະຊຸມ ພ້ອມເປີດສາຍດ່ວນ ໃຫ້ ປຊ ປະກອບຄຳເຫັນ

ສະພາເຂດ 13 ກຽມປະຊຸມ ພ້ອມເປີດສາຍດ່ວນ ໃຫ້ ປຊ ປະກອບຄຳເຫັນ

Published on

12096245_710635995734020_3910477757112650351_n

ຖະແຫຼງກຽມເປີດກອງປະຊຸມສະພາປະຈຳເຂດເລືອກຕັ້ງທີ 13  ຮຽກຮ້ອງໃຫ້ປະຊາຊົນຈົ່ງໄດ້ມີການຕິດຕາມ ແລະປະກອບຄຳເຫັນຢ່າງສ້າງສັນ
ວັນທີ 14 ຕຸລາ ນີ້ທ່ານ ບຸນເຕັມ ຊວງສາຍະວົງ ສະມາຊິກສະພາແຫ່ງຊາດ ຜູ້ປະຈຳການຫ້ອງວ່າການສະພາແຫ່ງຊາດ ເຂດເລືອກຕັ້ງທີ 13 ແຂວງສະຫວັນນະເຂດ  ໄດ້ມີການຖະແຫຼງຂ່າວກ່ຽວກັບການ ກະກຽມເປີດກອງປະຊຸມຄົບຄະນະຂອງສະມາຊິກ ສະພາແຫ່ງຊາດປະຈຳເຂດເລືອກຕັ້ງ ປະຈຳປີ 2015 ທີ່ຈະມີຂຶ້ນໃນວັນທີ 20-22 ຕຸລາ ທີ່ຈະມາເຖິງນີ້.
ທ່ານ ບຸນເຕັມ ຊວງສາຍະວົງ ໃຫ້ຮູ້ໂອກາດນີ້ວ່າ: ໃນວາລະກອງປະຊຸມນັ້ນ ແມ່ນຈະໄດ້ຮັບຟັງການລາຍງານແຜນພັດທະນາ ເສດຖະກິດ-ສັງຄົມຂອງແຂວງຈາກທ່ານເລຂາບໍລິຫານງານພັກແຂວງ, ພະແນກການອ້ອມຂ້າງແຂວງຈຳນວນໜຶ່ງເປັນຕົ້ນ: ພະແນກແຜນການ-ການລົງທຶນ, ພະແນກການເງິນ, ພະແນກໂຍທາທິການ ແລະຂົນສົ່ງ, ພະແນກສຶກສາທິການ ແລະກິລາ, ພະແນກແຮງງານ-ສະຫວັດດີການສັງຄົມ. ຈາກນັ້ນກອງປະຊຸມຍັງຈະໄດ້ຮັບຟັງການລາຍງານຈາກຄະນະສະມາຊິກສະພາແຫ່ງຊາດ ໃນການຈັດຕັ້ງປະຕິບັດວຽກງານຂອງ ສະພາແຫ່ງໃນໄລຍະ 5 ປີຕາມພາລະບົດບາດສິດ ແລະໜ້າທີ່ຂອງຕົນ, ພ້ອມດຽວກັນນັ້ນກໍ່ຍັງມີການ ປະກອບຄຳເຫັນຂອງຕາງໜ້າອົງການຈັດຕັ້ງ ມະຫາຊົນຕໍ່ກັບການເຄື່ອນໄຫວໄລຍະຜ່ານມາ ຂອງຄະນະສະມາຊິກສະພາເຊັ່ນກັນ.
ດ່ັງນັ້ນ, ຈຶ່ງຮຽກຮ້ອງໃຫ້ບັນດາພາກສ່ວນຕ່າງໆ, ພໍ່ແມ່ປະຊາຊົນທຸກຂົງເຂດ ກໍ່ຄືພໍ່ແມ່ປະຊາຊົນໃນ 15 ຕົວເມືອງຈົ່ງໄດ້ຕິດຕາມ ເຊິ່ງກອງປະຊຸມຈະໄດ້ມີການຖ່າຍທອດສົດ ອອກອາກາດທາງໂທລະພາບ, ວິທະຍຸ ແລະໜັງສືພິມທັງທ້ອງຖິ່ນ ແລະສູນກາງ, ທີ່ສຳຄັນແມ່ນໄດ້ມີໂທລະສັບສາຍດ່ວນເບີ 041 156 ໂທໂດຍບໍ່ເສຍຄ່າ ໄວ້ໃຫ້ຜູ້ທີ່ສົນໃຈຢາກປະກອບຄຳຄິດຄຳເຫັນ ໃນກອງປະຊຸມຄັ້ງນີ້.
ຂ່າວ-ພາບ: ພຸດທະສິນ

ບົດຄວາມຫຼ້າສຸດ

14 ຂໍ້ຫ້າມພາຍໃນບຸນອອກພັນສາ ແລະ ຊ່ວງເຮືອປະເພນີ້່ ທີ່ທ່າວັດຈັນ ເມືອງຈັນທະບູລີ ນະຄອນຫຼວງວຽງຈັນ ຈັດຂຶ້ນໃນ ວັນທີ 04-08 ຕຸລາ 2025

ທ່ານ ແສງສາທິດ ພິມເມືອງ ຕາງໜ້າອົງການປົກຄອງເມືອງຈັນທະບູລີ ປະທານຄະນະກໍາມະການຈັດງານບຸນອອກພັນສາປະວໍລະນາ ແລະ ຊ່ວງເຮືອປະເພນີ ທີ່ທ່າວັດຈັນ ປະຈໍາປີ 2025 ໄດ້ຖະແຫຼງຂ່າວຕໍ່ສື່ມວນຊົນໃນການກະກຽມ ແລະ ຈັດງານບຸນ ລະຫວ່າງ...

ສປປ ລາວ ແລະ ສ ອາເມລິກາ ຈະສືບຕໍ່ແກ້ໄຂບັນຫາທີ່ຍັງຄົງຄ້າງຮ່ວມກັນ

ສປປ ລາວ ແລະ ສ ອາເມລິກາ ຈະສືບຕໍ່ແກ້ໄຂບັນຫາທີ່ຍັງຄົງຄ້າງຮ່ວມກັນ ໃນທ້າຍເດືອນກັນຍາ 2025 ຜ່ານມານີ້, ທ່ານ ສອນໄຊ ສີພັນດອນ ນາຍົກລັດຖະມົນຕີ ແຫ່ງ ສປປ...

ສສກ ຈະສຸມໃສ່ປະຕິຮູບລະບົບການສຶກສາ ສາຍສາມັນ ຈາກ 5+4+3 ເປັນ 6+3+3

ອົງຄະນະພັກ ສສກ ຈະສຸມໃສ່ປະຕິຮູບລະບົບການສຶກສາ ສາຍສາມັນ ຈາກ 5+4+3 ເປັນ 6+3+3 ສະຫາຍ ຮສ.ປອ ທອງສະລິດ ມັງໜໍ່ເມກ ເລຂາທິການສູນກາງພັກ, ເລຂາຄະນະບໍລິຫານງານພັກ, ລັດຖະມົນຕີ...

ແຈ້ງເຕືອນຈາກກົມໃຫຍ່ຕຳຫຼວດ ໃຫ້ລະວັງ 10 ລັກສະນະການກໍ່ເຫດທີ່ເປັນການສໍ້ໂກງຊັບ ຖ້າພົບເຫັນເຫດລັກສະນະນີ້ ສາມາດແຈ້ງດຳເນີນຄະດີໄດ້

- ອີງຕາມ ຂໍ້ຕົກລົງຂອງລັດຖະມົນຕີກະຊວງປ້ອງກັນຄວາມສະຫງົບ ລົງວັນທີ 05 ມັງກອນ 2022 ວ່າດ້ວຍການຈັດຕັ້ງ ແລະ ການເຄື່ອນໄຫວຂອງກົມໃຫຍ່ຕໍາຫຼວດ. ເພື່ອປ້ອງກັນ ບໍ່ໃຫ້ທຸກຄົນໃນສັງຄົມ ຕົກເປັນເຫຍື່ອຂອງກຸ່ມແກ້ງສໍ້ໂກງຊັບທາງໂທລະຄົມ ແລະ...