​ໃນ​ວັນ​ທີ 19 ຕຸລາ​ນີ້, ທ່ານ ​ເຍ​ໂລມຍິວບົວ ​ແມັກ​ຊັງ (Jerome Dubois-Mercenr)ທີ່ປຶກສາ​ດ້ານ​ການ​ຮ່ວມ​ມື ​ແລະ ວັດທະນະທຳ ປະຈຳສະຖານທູດ​ຝຣັ່ງ ປະຈຳ​ລາວ, ​ໄດ້​ຈັດ​ພິທີ​ຖະ​ແຫລ​ງຂ່າວ​ກ່ຽວ​ກັບ​ການຈັດ​ງານ​ສັບປະດາ ​ແຫ່ງ​ການ​ຄົ້ນ​ຄ້ວາ​ວິທະຍາສາດ ​ເພື່ອສະຫລອງ​ວັນ​ແຫ່ງ​ການ​ຄົ້ນຄວ້າ ​ເພື່ອ​ພັດທະນາ​ລາວ-ຝຣັ່ງ ​ແລະ ກອງ​ປະຊຸມ​ປຶກສາ​ຫາລື​ດ້ານ​ວິທະຍາສາດ, ​​ຈະ​ໄດ້ຈັດ​ຂຶ້ນ​​ໃນ​ວັນ​ທີ 22-23 ຕຸລາ​ນີ້, ທີ່​ສະ​ຖາ​ບັນຝຣັ່ງ ​ໃນ​ນະຄອນຫລວງ​ວຽງ​ຈັນ ພາຍ​ໃຕ້​ຫົວ​ຂໍ້: ການ​ປ່ຽນ​ແປງ​ດິນ​ຟ້າ​ອາກາດ ​ແລະ ການ​ພັດທະນາຄັ້ງ​ທີ V, ​ເຊິ່ງ ສປປ ລາວ ​ເປັນ​ປະ​ເທດ​ໜຶ່ງ​ທີ່​ໄດ້​ຮັບ​ຜົນ​ກະທົບ​ຈາກ​ບັນຫາດັ່ງກ່າວ​​ເປັນ​ຈຳ​ນວນ​ບໍ່ໜ້ອຍ.

​ກອງປະຊຸມ​ດັ່ງກ່າວ ​ໄດ້​​ເລີ່​ມ​ຈັດ​ຂຶ້ນແຕ່​ປີ 2009 ​ເປັນ​ຕົ້ນ​ມາ, ​ເຊິ່ງໄດ້​ກາຍ​ເປັນ​ເວທີ​ສົນທະນາທີ່ສຳຄັນ​, ​ໂດຍມີຈຸດປະສົງ​ ​ເພື່ອ​ໃຫ້ການສະໜັບສະໜູນ​ການ​ຄົ້ນຄວ້າ​ພິຈາລະນາ​ກ່ຽວ​ກັບ​ການ​ພັດທະນາ​ຂອງ​ ສປປ ລາວ ​ແລະ ອານຸພາກ​

ພື້ນ, ຊ່ວຍພາກ​ລັດ​ໃນ​ການ​ຕັດສິນ​ໃຈ ​ແລະ ດຶງ​ດູດ​ບັນດາ​ນັກ​ສຶກສາ​ໄວ​ໜຸ່ມ​ລາວ​ສູ່​ຂະ​ແໜງ​ການ​ຄົ້ນ​ຄ້ວາ, ​​ພ້ອມ​ປຶກສາ​ຫາລື​ກ່ຽວ​ກັບ​ການ​ແກ້​ໄຂ ​ແລະ ຫລຸດຜ່ອນ​ການ​​​ໄດ້​ຮັບ​ຜົນ​ກະທົບ​ຈາກ​ບັນຫາ​ການ​ປ່ຽນ​ແປງ​ຂອງ​ດິນ​ຟ້າ​ອາກາດ ​ໂດຍ​ຈະ​ມີ​ພາກສ່ວນ​ກ່ຽວຂ້ອງ​ຕ່າງໆເຂົ້າ​ຮ່ວມ​ຫາລື​​ເປັນ​ຈຳນວນ​ຫລາຍ ​ແລະ ພ້ອມ​ນັ້ນ ​ໃນ​​ແລງ​ວັນ​ທີ 22 ຕຸລາ​ນີ້, ຈະ​ມີ​ການ​ສາຍ​ຮູບ​ເງົາ​ປະຫວັດ​ຄວາມ​ເປັນ​ມາຂອງ​ວັນ​ດັ່ງກ່າວ​​ອີກດ້ວຍ.

ຂ່າວຈາກ ໜັງສືພິມລາວພັດທະນາ