ເຊື່ອວ່າໃນຫຼາຍອົງກອນປະກອບມີຄົນຫຼາຍປະເພດ,ໄວ,ວຸດທິການສຶກສາ,ແຕກແນວຄິດ-ແຕກວິຖີການໃຊ້ຊີວິດ,ແຕກຕ່າງກດ້ານລົດສະນິຍົມ ແລະ ອື່ນໆ ທີ່ອາດເຮັດໃຫ້ເກີດເປັນຄວາມຕ່າງກ້າວໄປສູ່ຄວາມຫ່າງ ແລະ ໄຕ່ຂັ້ນໄປສູ່ຄວາມແຕກແຍກໃນທີ່ສຸດ. ແຕ່ໃນເມື່ອດຳລົງຢູ່ໃນຫຼັງຄາເຮືອນຫຼັງດຽວເຮັດແນວໃດເພື່ອໃຫ້ສາມາດເຮັດວຽກໄດ້ຢ່າງບໍ່ມີຄວາມກັງວົນ,ມີແຕ່ຄວາມສຸກ ແລະ ສາມາດຮັບມືກັບເຫດການທີ່ອາດຂໍຈະເກີດ ຫຼື ບໍ່ເກີດແກ່ຕົນເອງໃນກໍລະນີເພື່ອນຮ່ວມງານເຮັດຫຼາຍໜ້າເຂົ້າມາຫາເຮົາ.
5 ຄຳແນະນຳລຸ່ມນີ້ແມ່ນວິທີຮັບມືກັບເພື່ອນຮ່ວມງານຫຼາຍໜ້າ ທີ່ສາມາດນໍາເອົາປັບໃຊ້ໃນຊີວິດການເຮັດວຽກຂອງແຕ່ລະຄົນ:
1.ເຮັດໂຕຕາມປົກະຕິ
ການເຮັດໂຕຕາມປົກະຕິໂດຍບໍ່ມີການຕອບໂຕ້ ຫຼື ສະແດງປະຕິກິລິຍາໃດໆແມ່ນເປັນທາງອອກ ແລະ ເປັນຜົນດີໃນໄລຍະຍາວເພາະມັນຊ່ວຍໃຫ້ເຮົາເປັນມິດກັບທຸກຄົນໃນສາຍຕາເພື່ອນຮ່ວມງານອື່ນໆ ແລະ ຍັງບໍ່ເປັນການເຕີມເຊື້ອເພີງຈົນກາຍເປັນຂໍ້ຂັດແຍ່ງແບບຈົ່ງແຈ້ງໃນອົງກອນ.
2.ໃຊ້ຄວາມນີ້ງໃຫ້ເປັນອາວຸດ
ການໜີ້ງບໍ່ໜາຍວ່າບໍ່ສູ້ແຕ່ເປັນກົນລະຍຸດອັນໜື່ງທີ່ເຮັດໃຫ້ຄູ່ຕໍ່ສູ້ຕາຍໃຈ ແລະ ສົ່ງຜົນກະທົບຕໍ່ເຂົາເອງກັບສິ່ງທີ່ເຂົາສະແດງອອກຕໍ່ເຮົາ ສະເໝືອນກັບການໂຍນໝາກບານໃສ່ຝາສຸດທ້າຍແລ້ວມັນກໍ່ເຕັ້ງໃສ່ຜູ້ໂຍນ ຫຼື ເຕັ້ງໄປທາງອື່ນ
3.ສ້າງມິດຕະພາບສະເໝີ
ການດັບໄຟ ຫຼື ແກ້ບັນຫານີ້ດ້ວຍການຜູກມິດແມ່ນເປັນອິກວິທີທີ່ນັບວ່າໄດ້ຜົນ ເພາະສັດຕູ (ຄູ່ກໍລະນີ)ໃນມື້ນີ້ອາດກາຍເປັນມິດໃນມື້ໜ້າ ແຕ່ການສ້າງສ້າງມິດຕະພາບສະເໝີກໍ່ບໍ່ຄວນເຮັດແບບສ້າງພາບຕໍ່ໜ້າເພາະມັນຈະຂາດຄວາມຈິງໃຈ
4.ເຮັດໂຕໃຫ້ຊິດກັບຄົນ ຫຼື ກຸ່ມຄົນນັ້ນສະເໝີ
ຈົ່ງກັບອ່ານຄືນເອົາຂໍ້ 2 ແລະ ຂໍ້ 3 ເພື່ອແກ້ບັນຫາເລັກນ້ອຍດ້ວຍສັນຕິວິທີ ແລະ ປ່ຽນສັດຕູໃຫ້ກາຍມິດ
5.ຄິດບວກສະເໝີ
ການທີ່ມີຄົນຄ່ອຍຈັບຜິດ ຫຼື ຕຳນີເຮັດໃຫ້ເຮັດມີສະຕິ ແລະ ກະກຽມຄວາມພ້ອມສະເໝີຈົນກາຍເປັນນິໄສເຮົາ ແລະ ເມື່ອປະຕິບັດຢ່າງຕໍ່ເນື່ອງມັນຈະກາຍເປັນຈຸດແຂງ ເຊີ່ງຈຸດແຂງຫຼາຍຢ່າງນີ້ເອງຈະເຮັດໃຫ້ເຮົາມີພາວະຄວາມເປັນຜູ້ນໍາ ແລະ ມີທັດສະນະຄະຕິອັນດີຕໍ່ເພື່ອນຮ່ວມງານໃນອົງກອນ ເຊີ່ງມັນອາດກາຍເປັນທີ່ “Soft Power” ທີ່ເຮັດໃຫ້ເພື່ອນຮ່ວມງານເຊື່ອໝັ້ນ ແລະ ເຄົາລົບໃນທີ່ສຸດ.

ບົດຄວາມ: ຈ໊ອບສະບາຍ