Homeຂ່າວພາຍ​ໃນກຽມຊົມມວຍສະຫວັນ ວັນອາທິດ ເລີ່ມເດືອນພະຈິກນີ້

ກຽມຊົມມວຍສະຫວັນ ວັນອາທິດ ເລີ່ມເດືອນພະຈິກນີ້

Published on

ພິ­ທີ​ເຊັນ​ສັນ­ຍາ​ຮ່ວມ​ມື​ລະ­ຫວ່າງ​ສະ­ຫະ­ພັນ​ມວຍ​ລາວ​ແຫ່ງ​ຊາດຫົກ​ແຂວງ​ພາກ​ກາງ-ພາກ​ໃຕ້ (ຝ່າຍ​ຈັດ­ການ​ແຂ່ງ­ຂັນ) ແລະ ​ບໍ­ລິ­ສັດ​ແມ່ ຂອງ​ຟ່າຍ ຈຳ­ກັດ (ຝ່າຍ​ສະ­ໜັບ­ສະ­ໜູນ) ໄດ້​ຈັດ​ຂຶ້ນ​ທີ່​ຫ້ອງ​ປະ­ຊຸມ​ຮ້ານອາ­ຫານ​ຮຸ່ງ​ທິບ ໂດຍ​ການ​ເຂົ້າ​ຮ່ວມ​ເປັນ​ສັກ­ຂີ​ພິ­ຍານ​ຂອງ​ທ່ານ ຖາ­ວອນ ອິນ​ສີ​ຊຽງ​ໃໝ່ ຮອງ​ຫົວ­ໜ້າ​ພະ​ແນກ​ສຶກ​ສາ​ທິ​ການ ແລະ ​ກິລາ​ແຂວງ​ສະຫວັນ​ນະ​ເຂດ.

ໂຄງ­ການ​ແຂ່ງ­ຂັນ​ຊົກ­ມວຍ ໃນ​ລາຍ­ການ “ມວຍ​ສະ­ຫວັນ ວັນ​ອາ­ທິດ SAVAN SUNDAY FIGHT” ຈະ​ໄດ້​ຈັດ​ຂຶ້ນ​ທີ່​ສະ­ໜາມ​ກະ­ລາ​ມວຍ ຫຼັກ 4 ໃນ​ທຸກໆ​ວັນ​ອາ­ທິດ, ເວ­ລາ 11:30 ໂມງ ຫາ 13: 30 ໂມງ ໂດຍຈະ​ມີ​ການ​ຖ່າຍ​ທອດ​ທາງ​ໂທລະ­ພາບ 3 ສະ­ຖາ­ນີ​ພ້ອມ​ກັນ​: SVK TV12, LAO STAR ແລະ LAO PSTV ເຊີ່ງ​ການ​ແຂ່ງ­ຂັນ​ຈະ​ມີນັກ​ມວຍ​ໃນ​ລາຍ­ການ 4 ຄູ່ ແລະ​ນັກ​ມວຍ​ປະ­ກອບ​ລາຍ­ການ 3 ຄູ່ ໂດຍໂຄງ­ການ​ນີ້ ຈະ​ເລີ່ມ​ຈັດ​ຕັ້ງ​ປະ­ຕິ­ບັດ​ໃນ​ວັນ​ອາ­ທິດ​ວັນ​ທີ 8 ພະ­ຈິກ 2015 ທີ່​ຈະ​ມາ​ເຖິງ​ນີ້ ສ່ວນ​ຝ່າຍ​ສະ­ໜັບ­ສະ­ໜູນ​ຈະ​ໄດ້​ຮັບ­ຜິດ­ຊອບ​ຄ່າ​ໃຊ້​ຈ່າຍ ທັງ​ໝົດ​ຄັ້ງ​ລະ​ປະ­ມານ 60 ລ້ານ​ກີບ, ນອກ­ຈາກ​ນັ້ນ ຝ່າຍ​ສະ­ໜັບ­ສະ­ໜູນ ຍັງ​ໄດ້​ມີ​ການ​ນຳ​ເອົາ​ສິນ­ຄ້າ​ຈາກ​ພາກ­ສ່ວນ​ຕ່າງໆ​ລົງ​ໂຄ­ສະ­ນາ ເພື່ອ​ເປັນທຶນ​ໃນ​ການ​ໃຊ້​ຈ່າຍ​ເຂົ້າ​ໃນ​ການ​ຈັດ­ການ​ແຂ່ງ­ຂັນ ຈາກ​ນັ້ນ​ທັງ​ສອງ​ຝ່າຍ ຍັງ​ໄດ້​ຮ່ວມ​ມື​ກັນ​ຈັດ­ການ​ແຂ່ງ­ຂັນ​ຢ່າງ​ຕໍ່​ເນື່ອງ ແລະ​ ໃຫ້​ມີ​ຄຸນ​ນະ​ພາບ, ມີ​ຄວາມ​ເປັນ​ທຳ​ເປັນ​ທີ່​ໜ້າ​ເຊື່ອ​ຖື​ຈາກ​ກອງ​ເຊຍ.

ໃນ​ໂອ­ກາດ​ດັ່ງ­ກ່າວ​ທັງ​ສອງ​ຝ່າຍ​ລະ­ຫວ່າງ​ຜູ້​ຈັດ­ການ​ແຂ່ງ­ຂັນ ເຊີ່ງ​ປະກອບ​ດ້ວຍ ທ່ານ ໂສ­ພາ ສຸ­ລິ­ຍະ​ວົງ­ສາ ປະ­ທານ​ສະ­ຫະ­ພັນ​ມວຍ​ແຂວງ ສະ­ຫວັນ​ນະ​ເຂດ ແລະ ​ທ່ານ ຫົງ​ຄຳ ໂພ­ທິ​ສານ ຮອງ​ປະ­ທານ ກໍ​ໄດ້​ມີ​ການເຊັນ​ສັນ­ຍາ​ຮ່ວມ​ມື​ກັບ​ຝ່າຍ​ສະ­ໜັບ­ສະ­ໜູນ ຈັດ­ການ​ແຂ່ງ­ຂັນ ເຊີ່ງ​ປະ­ກອບ​ມີທ່ານ ວິ​ໄຊ ຈັນ​ວິ­ເສດ ປະ­ທານ​ບໍ­ລິ­ສັດ ສະ­ຫະ​ມັ່ງ​ຄັ່ງ (ກາ­ເຟ​ວັນ​ແຟນ) ແລະ ​ທ່ານ ນັດ​ສະ​ລັດ ກິດ​ທະ­ນະ ຕົວ​ແທນ​ສາຍ​ການ­ບິນ Hue-Air ກໍ​ໄດ້ຮ່ວມ​ກັນ​ເຊັນ​ສັນ­ຍາ​ຮ່ວມ​ໃນ​ໂຄງ­ການ​ນີ້​ດ້ວຍ ໂດຍ​ການ​ເປັນ​ພະ­ຍານ ຈາກ​ຫຼາຍ​ພາກ­ສ່ວນ.

078c74cf160fb15a7af87ae280f35b97_L

ບົດຄວາມຫຼ້າສຸດ

ແຂວງຊຽງຂວາງ ໄດ້ຊີ້ແຈງເຫດການປາຕາຍ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາ

ໃນວັນທີ 19 ພະຈິກ 2026, ຄະນະທີມງານສະເພາະກິດເມືອງແປກ ແຂວງຊຽງຂວາງ ໄດ້ຊີ້ແຈງເຫດການປາຕາຍເປັນຈໍານວນຫລາຍໃນນໍ້າຫ້ວຍຫີນລາຍ ລະຫວ່າງຊາຍແດນບ້ານຍວນ ແລະ ບ້ານໂພນງາມເໜືອ ເມືອງແປກ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາທີ່ບໍ່ຖືກຕ້ອງຕາມກົດໝາຍ ຢູ່ບ້ານໂພນງາມເໜືອ....

ໂດຍຕອບສະໜອງຄໍາເຊື້ອເຊີນຂອງສະຫາຍ ຢູນ ເຈີງ ໂຮ, ລັດຖະມົນຕີກະຊວງພົວພັນເສດຖະກິດກັບຕ່າງປະເທດ ແຫ່ງ ສປປ ເກົາຫຼີ, ສະຫາຍ ມະໄລທອງ ກົມມະສິດ, ລັດຖະມົນຕີກະຊວງອຸດສາຫະກໍາ ແລະ ການຄ້າ...

ໄລຍະ 9 ເດືອນ ປີ 2026, ແຂວງອັດຕະປື ກໍ່ຄືພະແນກໂຍທາທິການ ແລະ ຂົນສົ່ງແຂວງ ໄດ້ເປັນເຈົ້າການຕິດຕາມ ແລະ ຄວບຄຸມຄຸນນະພາບໂຄງການກໍ່ສ້າງ-ສ້ອມແປງຂົວ-ທາງ ທີ່ເປັນໂຄງການສືບຕໍ່ ຈໍານວນ...

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...