ຊຳ​ຊຸງ​ກຽມ​ຜະລິດ Galaxy A Series ອອກ​ມາ​ອີກ​ແລ້ວ ຊຶ່ງ​ນອກ​ຈາກ Galaxy A9 ກໍ​ຍັງມີ​ລຸ້ນ​ອື່ນໆ​ອີກ​ເຊັ່ນ​ກັນ ບໍ່​ວ່າ​ຈະ​ເປັນ Galaxy A3X, Galaxy A5X ຫລື Galaxy A7X ຊຶ່ງ A9 ເປັນ​ລຸ້ນ​ທີ່​ພັດທະນາ​ຕໍ່​ຈາກ A8 ຊຶ່ງ​ກໍ​ຍັງ​ບໍ່​ມີ​ຂໍ້​ມູນ​ອື່ນ​ເປີດ​ເຜີຍ ນອກ​ຈາ​ກສະ​ເປກ​​ຂອງ A9 ເທົ່າ​ນັ້ນ

Galaxy A9 ມາ​ກັບ​ຈໍ​ຂະໜາດ 5.5 ນິ້ວ Full HD Super AMOLED, ຊີ​ພີ​ຍູ Snapdragon 620, ຈີ​ພີ​ຍູ Adreno 510, ແລມ 3GB, ຫນ່ວຍ​ຄວາມ​ຈຳ​ພາຍ​ໃນ 32GB, ສ່ວນ​ຄວາມ​ລະອຽດ​ກ້ອງ​ໜ້າ​ຈະ​ຢູ່​ທີ່ 16MP ພ້ອມ​ກັບ​​ລະບົບ​ປະຕິບັດການ Android 5.1.1 Lollipop ອີກດ້ວຍ