„ແຜ່ນດິນໄຫວນັບສິບເທື່ອໃນລັດໂອຄາໂຮມາ ມີລາຍງານເຫດແຜ່ນດິນໄຫວຂະໜາດນ້ອຍແລະຂະໜາດກາງນັບສິບເທື່ອເກີດຂຶ້ນໃນລັດໂອຄາໂຮມາຂອງສະຫະລັດ ລະຫວ່າງແລງມື້ວັນເສົາຫາເຊົ້າວັນອາທິດ ຄາດວ່າອາດເປັນຜົນມາຈາກການຂຸດເຈາະນ້ຳມັນ ວັນຈັນທີ່ 12 ຕຸລາ ເວລາ 9:00 ນາທີ ສຳນັກຂ່າວຕ່າງປະເທດລາຍງານຈາກເມືອງຄຸດຊິງ ປະເທດສະຫະລັດອາເມຣິກາ ເມື່ອວັນທີ່ 12 ຕຸລາ ວ່າ ສຳນັກງານສຳຫລວດທໍລະນີວິທະຍາສະຫະລັດ (ຍູເອັສຈີເອັສ) ລາຍການເກີດແຜ່ນດິນໄຫວຂະໜາດນ້ອຍຄວາມຮຸນແຮງລະດັບ 2.5 – 3.7 ໃນລັດໂອຄາໂຮມາຂອງສະຫະລັດ ບັນທຶກໄດ້ລະຫວ່າງເວລາ 17.07 ນາທີ ວັນເສົາ ເຖິງ 05.27 ນາທີຂອງມື້ວັນອາທິດ ຕາມເວລາທ້ອງຖິ່ນ ຍັງບໍ່ມີລາຍງານຄວາມເສຍຫາຍຫລືຜູ້ໄດ້ຮັບບາດເຈັບ ໂດຍນັກທໍລະນີວິທະຍາກ່າວວ່າຄວາມເສຍຫາຍມັກບໍ່ເກີດຂຶ້ນ ຈາກແຜ່ນດິນໄຫວທີ່ມີຄວາມຮຸນແຮງຕ່ຳກວ່າລະດັບ 4 ນອກນີ້ແຮງສັ່ນສະເທືອນຫລາຍເທື່ອທີ່ບັນທຶກໄດ້ ເກີດຂຶ້ນຫລັງເຫດແຜ່ນດິນໄຫວ 2 ເທື່ອກ່ອນໜ້າ ໄດ້ແກ່ ແຜ່ນດິນໄຫວຂະໜາດ 4.4 ເມື່ອເຊົ້າມື້ວັນເສົາ ທາງຕະເວັນຕົກສຽງໃຕ້ຂອງເມືອງເມດຟອດ ແລະ ແຜ່ນດິນໄຫວຂະໜາດ 4.5 ໃນຕອນສວຍຂອງມື້ດຽວກັນ ໃກ້ກັບເມືອງຄຸດຊິງຊຶ່ງເປັນແຫລ່ງເກັບນ້ຳມັນດິບສຳຄັນຂອງໂລກ ໂດຍສຳນັກງານສຳຫລວດທາງທໍລະນີວິທະຍາລັດໂອຄາໂຮມາເຜີຍວ່າ ຄາດວ່າແຮງສັ່ນສະເທືອນທີ່ເກີດຂື້ນຫລາຍເທື່ອຕໍ່ເນື່ອງ ໜ້າຈະເປັນຜົນມາຈາກຂັ້ນຕອນການອັດສີດນ້ຳເສຍໃນຂະບວນການຂຸດເຈາະນ້ຳມັນ ແລະ ແກັສ. “