ເຫັນຫົວຂໍ້ຂ່າວແລ້ວບໍ່ໄດ້ຝັນຢູ່ເດີ ເພາະສື່ໃນຕ່າງປະເທດຕີຂ່າວວ່າ Google ຊື້ໂດເມນໃໝ່ທີ່ສຸດແສນຍາວແລະແຫວກແນວໃນຊື່ Abcdefghijklmnopqrstuvwxyz.com ເພື່ອນຳມາໃຊ້ກັບບໍລິສັດແມ່ Alphabet
Google ເຮັດໃຫ້ຕົວເອງມີຂະໜາດນ້ອຍລົງ ແລ້ວກໍ່ຕັ້ງ Alphabet ເປັນບໍລິສັດແມ່ ແຕ່ຫລ້າສຸດ Google ໄດ້ຊື້ໂດເມນໃໝ່ເພື່ອໃຊ້ເປັນອີກໜຶ່ງເວັບໄຊຕ໌ຫລັກຂອງບໍລິສັດ Alphabet ໃນຊື່ສຸດແຫວກແນວນັ້ນຄື Abcdefghijklmnopqrstuvwxyz.com
ການຍື່ນຊື້ໂດເມນດັ່ງກ່າວກຳລັງລໍຖ້າການປະກາດຢ່າງເປັນທາງການຈາກ Google ແລະ Alphabet ແຕ່ແນ່ນອນວ່າການເພີ່ມໂດເມນສຳລັບບໍລິສັດແມ່ອີກໜຶ່ງຊື່ ເພື່ອເປັນການຮອງຮັບໂດເມນ abc.xyz ທີ່ອາດຖືກລະງັບການໃຊ້ ເນື່ອງຈາກໂດເມນດັ່ງກ່າວເປັນລິກຂະສິດຂອງບໍລິສັດລູກພາຍໃຕ້ການເບິ່ງແຍງຂອງຄ້າຍລົດ BMW ຊຶ່ງອາດຈະເກີດຂຶ້ນໃນອະນາຄົດ ຄືການທີ່ BMW ຍື່ນຟ້ອງຮ້ອງຕໍ່ Alphabet ຖານລະເມີດສິດການໃຊ້ໂດເມນ abc.xyz