ສຳນັກຂ່າວຕ່າງປະເທດ ລາຍງານໃນວັນທີ 8 ຕຸລານີ້ວ່າ ສະຫະພາບເອີຣົບ ຈະຍົກລະດັບຄວາມພະຍາຍາມທີ່ຈະສົ່ງຜູ້ອົບພະຍົບ ທີ່ພາກັນຫລົບໜີຈາກຄວາມທຸກຍາກ ແລະ ຄວາມຮຸນແຮງຈາກໄພສົງຄາມຕ່າງໆຢູ່ພາກພື້ນອາຊີຕາເວັນອອກກາງ ກັບຄືນສູ່ຖິ່ນຖານເດີມ ດ້ວຍການເລັ່ງເນລະເທດອອກນອກປະເທດຕົນ ແລະ ອອກແຮງກົດດັນບັນດາປະເທດບ້ານເກີດຂອງຜູ້ອົບພະຍົບ ໃຫ້ຮັບບັນດາບຸກຄົນເຫລົ່ານີ້ກັບຄືນຖິ່ນຖານ ເນື່ອງຈາກສະຫະພາບເອີຣົບ ບໍ່ສາມາດຮັບມືໄດ້ກັບການໄຫລບ່າເຂົ້າມາລີ້ໄພ ຂອງບັນດາຜູ້ອົບພະຍົບທີ່ເກີດຂຶ້ນຄັ້ງໃຫຍ່ທີ່ສຸດໃນຮອບຫລາຍສະຕະວັດ .