ວັນທີ 5 ຕຸລາ 2015 ນີ້ ແຫຼ່ງຂ່າວຈາກຕ່າງປະເທດ ໄດ້ລາຍງານວ່າ ເຫດການຝົນຕົກໜັກແລະນ້ຳຖ້ວມໃນລັດ ເຊົາແຄໂລໄລນາ ທາງຕາເວັນອອກຂອງສະຫະລັດ ອາເມລິການັ້ນ ເປັນຝົນຕົກໜັກທີ່ສຸດໃນຮອບ 1,000 ປີ ເຮັດໃຫ້ມີຜູ້ເສຍຊີວິດແລ້ວຢ່າງໜ້ອຍ 8 ຄົນ ແລະເສັ້ນທາງຫຼາຍສາຍຖືກນ້ຳຖ້ວມຢ່າງໜັກໜ່ວງ ພ້ອມທັງໄດ້ເລັ່ງອົບພະຍົບປະຊາຊົນ ທີ່ຕິດຄ້າງຕາມເຮືອນອອກໄປຢູ່ ສະຖານທີ່ປອດໄພ. ໃນຂະນະທີ່ທ່ານ ບາຣັກ ໂອບາມາ ປະທານາທິບໍດີ ສະຫະລັດ ອາເມລິກາ ປະກາດສະຖານະການສຸກເສີນ ໃນລັດດັ່ງກ່າວ ພ້ອມທັງເລັ່ງໃຫ້ການຊ່ວຍເຫຼືອປະຊາຊົນ.