spot_img
Homeຂ່າວການພັດທະນາເມືອງທ່າແຕງ ຕັ້ງເປົ້າໃຫ້ປະຊາຊົນມີລາຍຮັບ ສູງກວ່າ 10 ລ້ານກີບຕໍ່ປີ

ເມືອງທ່າແຕງ ຕັ້ງເປົ້າໃຫ້ປະຊາຊົນມີລາຍຮັບ ສູງກວ່າ 10 ລ້ານກີບຕໍ່ປີ

Published on

DSC_0007.01.10.1

ຂປລ. ແຕ່ນີ້ຮອດປີ 2019 ​ເມືອງທ່າແຕງຈະສູ້ຊົນເຮັດໃຫ້ເສດຖະກິດຂະຫຍາຍຕົວໃນແຕ່ລະປີ 18% ຂຶ້ນໄປແລະ ສະເລ່ຍລາຍຮັບຕໍ່ຫົວຄົນໃຫ້ໄດ້ສູງກວ່າ 10 ລ້ານກີບຕໍ່ປີ.

ທ່ານ ຄຳສອນ ກອນເຍີເຈົ້າເມືອງໆທ່າແຕງແຂວເຊກອງໃຫ້ຮູ້​ເມື່ອ​ບໍ່​ດົນ​ມາ​ນີ້ວ່າ: ​ແຕ່ນີ້ຮອດປີ 2019 ເມືອງທ່າແຕງຈະສູ້ຊົນເຮັດໃຫ້ເສດຖະກິດຂະຫຍາຍຕົວໃນແຕ່ ລະປີ 18% ຂຶ້ນໄປ, ​ໃນນີ້ຈະເຮັດໃຫ້ກະສິກຳປ່າໄມ້ຂະຫຍາຍຕົວລະດັບ 16%, ອຸດສາຫະກຳຫັດຖະກຳ 18% ແລະ ການບໍລິການ 18,71% ລວມຍອດລາຍຮັບພາຍໃນເມືອງໃຫ້ມີມູນຄ່າຫລາຍກວ່າ 655 ຕື້ກີບ, ສະເລ່ຍລາຍຮັບຕໍ່ຫົວຄົນໃຫ້ໄດ້ປະມານ 15 ລ້ານກວ່າກີບ  ຫລືເທົ່າກັບ 1.921 ​ໂດລາສະຫະລັດຕໍ່ຄົນຕໍ່ປີ.    

ເພື່ອໃຫ້ບັນລຸຕາມເປົ້າໝາຍທີ່ຕັ້ງໄວ້ນັ້ນ ເມືອງທ່າແຕງມີຄວາມຕ້ອງການທຶນພັດທະນາໃນ 5 ປີຕໍ່ໜ້າປະມານ 127 ຕື້ກວ່າກີບ​​ໂດຍມີເປົ້າໝາຍລະດົມຈາກ 4 ​ແຫລ່ງທຶນເປັນຕົ້ນແມ່ນການລົງທຶນຂອງລັດ, ການລົງທຶນຂອງພາກສ່ວນເອກະຊົນພາຍໃນແລະ ຕ່າງປະເທດ, ການລົງທຶນຂອງປະຊາຊົນ, ທຶນສິນເຊື່ອທະນາຄານແລະສະຖາບັນການເງິນຕ່າງໆ. ​ໂດຍຈະສຸມໃສ່ພັດທະນາຂົງເຂດເສດຖະກິດລວມມີ 46 ​ໂຄງການ, ມູນຄ່າ 31,6 ຕື້ກວ່າກີບ; ຂົງເຂດວັດທະນະທຳສັງຄົມ 90 ​ໂຄງການ, ມູນຄ່າ 77,3 ຕື້ກວ່າກີບແລະ ພັດທະນາພື້ນຖານໂຄງລ່າງ 8 ​ໂຄງການ, ມູນຄ່າ 18,3 ຕື້ກວ່າກີບ. ພ້ອມ​ທັງ ສືບຕໍ່ຫັນລົງກໍ່ສ້າງຮາກຖານການເມືອງ, ພັດທະນາຊົນນະບົດ ແລະ ລຶບລ້າງຄວາມທຸກຍາກຂອງປະຊາຊົນ​ 400 ​ກວ່າຄອບຄົວທີ່ຍັງທຸກໃຫ້ສຳເລັດ 100%, ຂະຫຍາຍຕາໜ່າງການສຶກສາ ແລະ ການບໍລິການສາທາລະນະສຸກໃຫ້ປະຊາຊົນ​​ໄດ້ຢ່າງທົ່ວເຖິງ ແລະ ສູ້ຊົນໃຫ້ກາຍເປັນເມືອງພັດທະນາເມືອງທຳອິດຂອງແຂວງເຊກອງ.

 

ແຫລ່ງຂ່າວ:

ຂປລ

 

 

ບົດຄວາມຫຼ້າສຸດ

ຜູ້ນຳຄົນໃໝ່ ອີ ແຈມະຢອງ ຄວ້າຕຳແໜ່ງປະທານາທິບໍດີ ຄົນທີ 14 ສ.ເກົາຫຼີ

ອີ ແຈມະຢອງ ຄວ້າໄຊຊະນະການເລືອກຕັ້ງປະທານາທິບໍດີ ສ.ເກົາຫຼີ ພາຍຫຼັງ ຍຸນຊ໋ອກຍອນ ຖືກຖອດອກກຈາກຕໍາແໜ່ງ. ສຳນັກຂ່າວຕ່າງປະເທດລາຍງານໃນວັນທີ 3 ມິຖຸນາ 2025 ຜ່ານມານີ້ວ່າ: ເກົາຫຼີໃຕ້ຈັດການເລືອກຕັ້ງປະທານາທິບໍດິຄັ້ງພິເສດ ເພື່ອຫາຜູ້ນຳຄົນໃໝ່ແທນ ທ່ານ...

ຈີນປະກາດ ເປີດບໍລິການວີຊາພິເສດ “ASEAN visa”

ຈີນປະກາດເປີດຕົວ ວີຊ່າອາຊຽນ ໄຟຂຽວນັກທຸລະກິດ 10 ບັນປະເທດອາຊຽນລວມເຖິງ ຕີມໍແລັດສະແຕ ເດີນທາງເຂົ້າອອກສະດວກ ສຳນັກຂ່າວຕ່າງປະເທດລາຍງານໃນວັນທີ 4 ມິຖຸນາ 2025, ຈີນປະກາດເປີດຕົວ  "ASEAN Visa" ຫຼື...

ມອບ-ຮັບໜ້າທີ່ລະຫວ່າງເຈົ້ານະຄອນຫຼວງພະບາງ ຜູ້ເກົ່າ ແລະ ຮັກສາການເຈົ້ານະຄອນຫຼວງພະບາງ ຜູ້ໃໝ່

ແຕ່ງຕັ້ງທ່ານ ທ່ານ ສະເຫວີຍ ສີລາວັນ ຮັກສາການເຈົ້ານະຄອນ ຫຼວງພະບາງ ຜູ້ໃໝ່ ໃນວັນທີ 4 ມິຖຸນາ 2025 ທີ່ຫ້ອງປະຊຸມໃຫຍ່ຫ້ອງວ່າການນະຄອນຫຼວງພະບາງ ບ້ານຄອຍ ໄດ້ຈັດພິທີ ມອບ-ຮັບໜ້າທີ່ລະ...

ທ່ານ ອານຸພາບ ວົງໜໍ່ແກ້ວ ເປັນຮອງລັດຖະມົນຕີກະຊວງການຕ່າງປະເທດຄົນໃໝ່

ປະກາດແຕ່ງຕັ້ງ ທ່ານ ອານຸພາບ ວົງໜໍ່ແກ້ວ ເປັນຮອງລັດຖະມົນຕີກະຊວງການຕ່າງປະເທດຄົນໃໝ່ ຢ່າງເປັນທາງການ ວັນທີ 4 ມິຖຸນາ 2025 ຢູ່ກະຊວງການຕ່າງປະເທດ ໄດ້ຈັດພິທີປະກາດການ ຈັດຕັ້ງຕຳແໜ່ງບໍລິຫານຮອງລັດຖະມົນຕີ, ຫົວໜ້າກົມ ແລະ...