‘mashable’ ເຜີຍມີດວງດາວ ແລະ ດວງຈັນ ໃນລະບົບສຸລິຍະອີກຫລາຍດວງ ທີ່ມີແຫລ່ງນ້ຳຄ້າຍກັບ ‘ດາວອັງຄານ’
ຫລັງຈາກມີການເປີດເຜີຍໂດຍອົງການບໍລິຫານການບິນ ແລະ ອາວະກາດແຫ່ງຊາດ ຫລື ນາຊ່າ ອອກມາເປີດເຜີຍວ່າມີການຄົ້ນພົບແຫລ່ງນ້ຳເທິງດາວອັງຄານ ຫລື ‘ດາວເຄາະສີແດງ’ ແລະ ແນ່ນອນວ່າ ທີ່ໃດມີນ້ຳ ບ່ອນນັ້ນກໍອາດຈະມີສິ່ງມີຊີວິດອາໄສຢູ່ໄດ້ ເນື່ອງຈາກ ນ້ຳເປັນອົງປະກອບ ແລະ ພະລັງງານທີ່ຈຳເປັນໃນການສ້າງພະລັງງານ ແລະ ການດຳລົງຊີວິດ
ແຕ່ວ່າການພົບນ້ຳໄຫລເທິງດາວອັງຄານ ເຮັດໃຫ້ມີຜູ້ປຽບທຽບກັບການໄຫລຂອງນ້ຳເທິງໂລກ ລວມໄປເຖິງດາວດວງອື່ນໆ ໃນລະບົບສຸລິຍະ ຊຶ່ງນອກຈາກນ້ຳທີ່ໄຫລວຽນເທິງພື້ນຜິວແລ້ວ ຍັງມີດິນທີ່ຊຸ່ມນ້ຳ ປະປົນຢູ່ເທິງພື້ນຜິວຂອງດາວອັງຄານອີກດ້ວຍ
ນອກນີ້ ຍັງມີດາວດວງອື່ນໆ ມີນ້ຳຫລາຍກວ່າ ‘ດາວອັງຄານ’ ເຊິ່ງເວັບໄຊຕ໌ mashable ໄດ້ມີການລວມເອົາດວງດາວໃນລະບົບສຸລິຍະ ທີ່ໄດ້ຮັບການສຳຫລວດ ພິສູດ ລວມເຖິງຄາດເດົາ ວ່າອາດມີແຫລ່ງນ້ຳ ຄ້າຍຄືກັບດາວອັງຄານເອົາໄວ້ຢ່າງໜ້າສົນໃຈ
Enceladus
ຍານCassini ຈັບພາບດວງຈັນເອນເຊລາດັສ
ພາບຈາກ : ນາຊ່າ/ JPL-Caltech/Space Science Institute
‘ດວງຈັນເອນເຊລາດັສ’ ມະຫາສະໝຸດທີ່ປົກຄຸມໄປດ້ວຍເປືອກນ້ຳແຂງ
ປີກ່ອນ ຍານ Cassini ໜຶ່ງໃນຍານສຳຫລວດລະບົບສຸລິຍະຈາກນາຊ່າ ດວງຈັນເອນເຊລາດັສ ເປັນດວງຈັນທີ່ມີມະຫາໝຸດຂະໜາດໃຫຍ່ ຢູ່ລຸ່ມເປືອກນ້ຳກ້ອນຍາວ ລວມເຖິງມີຮອຍແຕກແຍກ ບໍລິເວນທາງໃຕ້ຂອງດວງຈັນ ແລະ ມີຂໍ້ສົງໄສກ່ຽວກັບສິ່ງມີຊີວິດທີ່ອາໄສຢູ່ເຊັ່ນດຽວກັນ
Ganymede
ດາວພະຫັດ ມີມະຫາໝຸດນ້ຳເຄັມ
ພາບຈາກ : ນາຊ່າ/ JPL
ດາວພະຫັດ ມີມະຫາສະໝຸດນ້ຳເຄັມ ເລິກກວ່າມະຫາສະໝຸດເທິງໂລກ
ມີຫລັກຖານທີ່ລະບຸວ່າ ມີແຫລ່ງນ້ຳເຄັມເທິງດາວພະຫັດ ສະໜັບສະໜູນການດຳລົງຊີວິດ ຂອງສິ່ງມີຊີວິດ ນາຊ່າເຜີຍວ່າ ມະຫາສະໝຸດນ້ຳເຄັມທີ່ຢູ່ເທິງດາວພະຫັດນີ້ ອາດມີຄວາມເລິກຫລາຍກວ່າມະຫາສະໝຸດທີ່ຢູ່ເທິງໂລກ
Titan
ໄທທັນ ດາວບໍລິວານຂອງດາວເສົາ
ພາບໂດຍ : ນາຊ່າ Goddard Space Flight Center
ໄທທັນ ບໍລິວານດາວເສົາ ມີທະເລນ້ຳເຄັມລຸ່ມເປືອກໂລກ
ສຳລັບກໍລະນີການພົບແຫລ່ງນ້ຳເທິງໄທທັນ ເປັນກໍລະນີທີ່ໜ້າສົນໃຈເພາະນອກຈາກຈະພົບນ້ຳເຄັມລຸ່ມເປືອກຫໍ່ຫຸ້ມດາວດວງນີ້ແລ້ວ ຍັງພົບແກັສມີເທນ ແລະ ສານໄຮໂດຣຄາບອນອື່ນໆ
Pluto
ພາບໂດຍ : ນາຊ່າ/ JHUAPL/SwRI
ຍານນິວຮໍໄຣຊັນ ຈັບພາບ ‘ດາວພູໂຕ’ ມີທະເລລຸ່ມເປືອກນ້ຳກ້ອນ
ຍານນິວຮໍໄຣຊັນ ໜຶ່ງໃນປະຕິບັດການຈາກນາຊ່າ ກ່ຽວກັບການຄົ້ນພົບຫລັກຖານ ທີ່ເຮັດໃຫ້ນັກວິທະຍາສາດ ວິເຄາະວ່າມີມະຫາສະໝຸດຢູ່ລຸ່ມຊັ້ນນ້ຳກ້ອນໜາ ລວມເຖິງພູເຂົານ້ຳກ້ອນທີ່ສູງເທົ່າພູເຂົາລັອກກີ້ ແລະ ນ້ຳກ້ອນທີ່ເກີດຈາກໄນໂຕຣເຈນ