Wi-Fi Assist ອີກໜຶ່ງຟັງຊັ່ນໃໝ່ເທິງ iOS 9 ທີ່ຊ່ວຍເຮັດໃຫ້ການໃຊ້ງານອິນເຕີເນັດໄດ້ດີຂຶ້ນ ແລະ ບໍ່ຄ້າງ ໂດຍຟັງຊັ່ນນີ້ ຈະທຳການສະຫລັບໄປໃຊ້ສັນຍານອິນເຕີເນັດແບບ 3G ຫຼື 4G LTE ໃນກໍລະນີທີ່ສັນຍານ Wi-Fi ຫລຸດ ຫຼື ຢູ່ໃນຈຸດອັບສັນຍານ ຍົກຕົວຢ່າງເຊັ່ນ ກຳລັງເບິ່ງຄລິບວີດີໂອເທິງ YouTube ແຕ່ ອິນເຕີເນັດທີ່ບ້ານມີປັນຫາ ແລະ ບໍ່ມີສັນຍານ ຟັງຊັ່ນ Wi-Fi Assist ກໍຈະສະຫລັບໄປໃຊ້ອິນເຕີເນັດ 3G ຫຼື 4G ເທີງສະມາດໂຟນທັນທີ ເຮັດໃຫ້ສາມາດຮັບຊົມຄລິບວີດີໂອໄດ້ຢ່າງຕໍ່ເນື່ອງນັ້ນເອງ
ຈາກຄຸນສົມບັດດັ່ງກ່າວຂ້າງຕົ້ນ ຫລາຍໆທ່ານອາດຄິດວ່າ ເປັນຟັງຊັ່ນທີ່ມີປະໂຫຍດ ແຕ່ຖ້າຫາກເບີ່ງໃນອີກມຸມໜຶ່ງ ຜູ້ທີ່ໃຊ້ແພັກເກດອິນເຕີເນັດແບບຄິດຕາມປະລິມານການໃຊ້ງານ ການເປີດໃຊ້ງານຟັງຊັ່ນ Wi-Fi Assist ນີ້ ຈະສົ່ງຜົນໃຫ້ data ອິນເຕີເນັດທີ່ມີຢູ່ຖືກໃຊ້ງານໄປແບບບໍ່ຮູ້ໂຕ ເຊີ່ງຈະສົ່ງຜົນໃຫ້ ຄ່າໃຊ້ຈ່າຍການໃຊ້ອິນເຕີເນັດເພີ່ມຂຶ້ນ ໂດຍໃນມື້ນີ້ຈະມາແນະນຳວິທີການປິດຟັງຊັ່ນ Wi-Fi Assist ມາເບິ່ງກັນວ່າ ມີຂັ້ນຕອນຢ່າງໃດ
ເຂົ້າໄປທີ່ Settings> Cellular ຈາກນັ້ນ ໃຫ້ເລື່ອນມາດ້ານລຸ່ມສຸດ ຈະມີເມນູ Wi-Fi Assist ໃຫ້ປິດການໃຊ້ງານ ພຽງເທົ່ານີ້ ກໍຕັດປັນຫາເລື່ອງເນັດຮົ່ວໄດ້ແລ້ວ