ຂປລ. ກອງປະຊຸມລັດຖະບານ ເປີດກວ້າງປະຈຳປີ 2014-2015 ໄດ້ໄຂຂຶ້ນ ຢ່າງເປັນທາງການໃນວັນທີ 23 ກັນຍາ ແລະ ສຳເລັດລົງ ໃນວັນທີ 25 ກັນຍາ 2015 ນີ້ ທີ່ຫ້ອງວ່າການລັດຖະບານ ພາຍໃຕ້ການເປັນປະທານ ຂອງທ່ານ ທອງສິງ ທຳມະວົງ ນາຍົກລັດຖະມົນຕີ, ມີບັນດາຮອງນາຍົກລັດຖະມົນຕີ, ຄະນະລັດຖະບານ, ພ້ອມດ້ວຍບັນດາເຈົ້າແຂວງ ເຂົ້າຮ່ວມ.
ກອງປະຊຸມໄດ້ຄົ້ນຄ້ວາພິຈາລະນາ ແລະ ເປັນເອກະພາບການຈັດຕັ້ງ ປະຕິບັດວຽກງານ ຂອງຂະແໜງການຕ່າງໆໂດຍສະເພາະສະພາບການ ຈັດຕັ້ງປະຕິບັດ ແຜນພັດທະນາເສດຖະກິດສັງຄົມ ສົກປີ 2014-2015 ແລະ ການ ຈັດຕັ້ງປະຕິບັດ ແຜນພັດທະນາເສດຖະກິດສັງຄົມ ສົກປີ 2015-2016, ການຈັດຕັ້ງປະຕິບັດ ແຜນງົບປະມານປະຈຳປີ 2014-2015 ແລະ ແຜນ ງົບປະມານ ປະຈໍາສົກປີ 2015-2016, ການຈັດຕັ້ງປະຕິບັດ ແຜນເງິນຕາ ປະຈຳສົກປີ 2014-2015 ແລະ ແຜນເງິນຕາ ປະຈຳປີ 2015-2016. ການຈັດຕັ້ງປະຕິບັດໂຄງການທາງລົດໄຟ ແລະ ໂຄງການກໍ່ສ້າງສະໜາມບິນສາກົນຢູ່ ສປປ ລາວ, ໄດ້ຮັບຟັງການລາຍງານການແກ້ໄຂໜີ້ສິນ, ໂຄງການລົງທຶນຂອງລັດ, ມາດຕະການແກ້ໄຂໃນຕໍ່ຫນ້າ.
ນອກຈາກນີ້ ຍັງໄດ້ພິຈາລະນາຄົ້ນຄວ້າ ແຜນວຽກງານພັດທະນາຊົນນະບົດ ແລະ ລຶບລ້າງຄວາມທຸກຍາກ, ບົດລາຍງານຂອງກະຊວງແຜນການ ແລະ ການລົງທຶນ, ກະຊວງພາຍໃນ ກ່ຽວ ກັບການຈັດຕັ້ງປະຕິບັດໂຄງການພັດທະນາ 10 ເຂດຈຸດສຸມຂອງລັດຖະບານ, 54 ຈຸດສຸມຂອງທ້ອງຖິ່ນ, ການຈັດສັນພູມລຳເນົາ ແລະ ບ່ອນທຳມາຫາກິນຂອງປະຊາຊົນ.
ແຫລ່ງຂ່າວ:
