spot_img
Homeຂ່າວພາຍ​ໃນເບຍລາວ ສະໜັບສະໜູນງານບຸນທາດຫຼວງ 175 ລ້ານກວ່າກີບ

ເບຍລາວ ສະໜັບສະໜູນງານບຸນທາດຫຼວງ 175 ລ້ານກວ່າກີບ

Published on

ເບຍລາວ ສະໜັບສະໜູນງານບຸນທາດຫຼວງ 175 ລ້ານກວ່າກີບ

ບໍລິສັດ​ເບຍ​ລາວ ໄດ້​ໃຫ້ການ​ສະໜັບສະໜູນ ໃນ​ງານ​ບຸນ​ນະມັດສະການ​ພຣະ​ທາດຫຼວງ​ວຽງ​ຈັນ ປະຈຳ​ປີ 2013 ນີ້ ມີ​ທັງ​ເງິນສົດ ຜະລິດ​ຕະ​ພັນ ແລະ ເຄື່ອງ​ໂຄສະນາ ລວມ​ເປັນ​ມູນ​ຄ່າ 175 ລ້ານ​ກວ່າ​ກີບ.

ວັນ​ທີ 7 ພະຈິກ 2013 ຜ່ານ​ມາ​ນີ້ ທ່ານ ກິດສະໜາ ວົງ​ໄຊ ຜູ້ອຳນວຍການ​ໃຫຍ່​ບໍລິສັດ​ເບຍ​ລາວ ໄດ້​ນຳໄປ​ມອບ​ໃຫ້​ທ່ານ ສາຍທອງ ແກ້ວ​ດວງ​ດີ ຄະນະ​ປະຈຳ​ພັກ​ນະຄອນຫຼວງ ຮອງ​ເຈົ້າ​ຄອງ​ນະຄອນຫຼວງ​ວຽງ​ຈັນ ໃນ​ນາມ​ປະທານ​ຈັດ​ງານ​ບຸນ​ນະມັດສະການ​ພຣະ​ທາດຫຼວງ​ວຽງ​ຈັນ ຢູ່​ຫ້ອງ​ວ່າການ​ປົກຄອງ​ນະຄອນຫຼວງ​ວຽງ​ຈັນ.

ທ່ານ ກິດສະໜາ ວົງ​ໄຊ ກ່າວ​ວ່າ: ປີ​ນີ້​ບໍລິສັດ​ເບຍ​ລາວ​ໄດ້​ມີ​ອາຍຸ​ຄົບ 40 ປີ ທາງ​ບໍລິສັດ​ໄດ້​ມີ​ກິດຈະກຳ​ຫຼາຍ​ຢ່າງ ເປັນຕົ້ນ​ແມ່ນ​ໄດ້​ອວຍພອນ​ການ​ນຳ​ແຕ່​ລະ​ແຂວງ ແລະ ໃຫ້ການ​ຊ່ວຍເຫຼືອ ນັບ​ແຕ່​ໂຮງຮຽນ ໂຮງໝໍ ສະເພາະ​ຢູ່​ນະຄອນຫຼວງ​ວຽງ​ຈັນ ກໍ​ໄດ້​ໃຫ້ການ​ຊ່ວຍເຫຼືອ​ຕະຫຼອດ​ມາ.

ງານ​ບຸນ​ນະມັດສະການ​ພຣະ​ທາດຫຼວງ​ວຽງ​ຈັນ​ປີ​ນີ້ ທາງ​ບໍລິສັດ​ເບຍ​ລາວ ກໍ​ໄດ້​ຈັດ​ສັນ​ງົບປະມານ​ມາ​ຊ່ວຍເຫຼືອ ເພື່ອ​ແບ່ງ​ເບົາ​ງົບປະມານ​ຂອງ​ນະຄອນຫຼວງ​ວຽງ​ຈັນ ໃນ​ການ​ຈັດ​ງານ​ບຸນ​ພຣະ​ທາດຫຼວງ ເພື່ອ​ຮັກສາ​ໃຫ້​ໄດ້​ຮີດຄອງ​ປະເພນີ​ອັນ​ດີງາມ​ຂອງ​ຊາດ​ລາວ​ເຮົາ ແລະ ບໍລິສັດ​ເບຍ​ລາວ ຈະ​ມີ​ສ່ວນ​ຮ່ວມ​ຕະຫຼອດ​ໄປ.

ທ່ານ ສາຍທອງ ແກ້ວ​ດວງ​ດີ ກ່າວ​ວ່າ: ງານ​ບຸນ​ນະມັດສະການ​ພຣະ​ທາດຫຼວງ​ວຽງ​ຈັນ​ປີ​ນີ້ ຖື​ວ່າ​ເປັນ​ປີ​ທີ່​ສຳຄັນ ໃນ​ງານ​ຈະ​ມີ​ການວາງສະແດງ​ສິນຄ້າ ODOP ຂອງ​ແຕ່​ລະ​ແຂວງ ຈະ​ມີ​ການ​ປັບປຸງ​ການ​ຕັກບາດ​ໃຫ້​ງົດ​ງາມ​ກວ່າ​ເກົ່າ ມີ​ພຣະ 6.000 ກວ່າ​ອົງ ພິເສດ​ຍັງ​ຈະ​ມີ​ບັນດາ​ລັດຖະມົນຕີ​ກະຊວງ​ທ່ອງ​ທ່ຽວ​ຈາກ 5 ປະເທດ​ໃນ​ອາ​ຊຽນ ມາ​ເຂົ້າ​ຮ່ວມ​ນຳ​ອີກ ແລະ ອີກ​ດ້ານ​ໜຶ່ງ ແມ່ນ​ເປັນ​ການ​ກະກຽມ​ໃສ່​ປີ 2015 ຈະ​ຈັດ​ງານ​ບຸນ​ນະມັດສະການ​ພຣະ​ທາດຫຼວງ​ວຽງ​ຈັນ ເປັນ​ງານ​ບຸນ​ທີ່​ຍິ່ງ​ໃຫຍ່​ກວ່າ​ທຸກໆ​ປີ.

ທີ່ມາhttp://www.vientianemai.net

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...