ຂປລ. ຕາມຂ່າວ ຕ່າງປະເທດ, ທ່ານ ໂຊກຈັນດາ ເລຂາທິການ ສະພາ ພັດທະນາ ກຳປູເຈຍ(CDC)ກ່າວ ວ່າ: ກຳປູເຈຍຈະກໍ່ສ້າງແຂວງສີຫານຸ ໃຫ້ກາຍເປັນເຂດເສດຖະກິດພິເສດ ເນື່ອງຈາກ ມີເງື່ອນໄຂ ສະດວກ ຫລາຍຢ່າງ ໃນການ ພັດທະນາ ເສດຖະກິດ ກຳປູເຈຍ ແນໃສ່ ດຶງດູດ ແຫລ່ງ ການລົງທຶນ ພາຍໃນ ແລະ ຕ່າງປະເທດ.
ເມື່ອບໍ່ດົນມານີ້, ທ່ານ ຊຸນຈັນທອນ ລັດຖະມົນຕີ ວ່າການ ກະຊວງ ການຄ້າຂອງ ກຳປູເຈຍ ກ່າວ ໃນເວລາພົບປະກັບ ກັບ ຄູ່ຮ່ວມຕຳແໜ່ງ ຂອງຈີນ ກາວຫູ ເຈິງ, ກຳປູເຈຍ ຮຽກຮ້ອງໃຫ້ ຈີນເຂົ້າມາ ລົງທຶນ ໃນເຂດເສດຖະກິດ ພິເສດ ຢູ່ແຂວງ ສີຫານຸ ໃນຕໍ່ໜ້າ ກໍຄື ການລົງທຶນ ເຂົ້າໃນການ ກໍ່ສ້າງ ເສັ້ນທາງຫລວງ ທ່ີເຊື່ອມຈອດ ລະຫວ່າງ ພະນົມເປັນ ກັບ ນະຄອນ ສີຫານຸ. ນອກຈາກນັ້ນ, CDCຍັງໃຫ້ຮູ້ວ່າ ຍີ່ປຸ່ນ ໄດ້ເຂົ້າມາ ລົງທຶນ ຢູ ກຳປູເຈຍ ປະມານ 678 ລ້ານໂດລາ ສະຫະ ລັດ ແລະ ຈີນ ລວມມີ 10 ກວ່າຕື້ ໂດລາ ສະຫະລັດ.
ແຫລ່ງຂ່າວ:
