spot_img
Homeຂ່າວພາຍ​ໃນປຸກລະດົມສັກວັກຊິນກັນມະເຮັງປາກມົດລູກ ແລະ ອັກເສບປອດຮຸນແຮງ

ປຸກລະດົມສັກວັກຊິນກັນມະເຮັງປາກມົດລູກ ແລະ ອັກເສບປອດຮຸນແຮງ

Published on

thu26sep1

ກະຊວງສາທາລະນະສຸກ ໄດ້ຮ່ວມກັບກະຊວງຖະແຫຼງ ຂ່າວ ແລະ ທ່ອງທ່ຽວ ຈັດກອງປະຊຸມປຸກລະດົມຊຸກຍູ້ໃຫ້ ແກ່ຂະບວນການສັກຢາວັກ ຊິນປ້ອງກັນມະເຮັງປາກມົດ ລູກໃຫ້ແກ່ນັກຮຽນຍິງຫ້ອງປໍ 5 ແລະ ສັກວັກຊິນປ້ອງກັນພະ ຍາດອັກເສບປອດຮຸນແຮງ ໃຫ້ແກ່ເດັກທີ່ມີອາຍຸຕ່ຳກ່ວາ 1 ປີ ຂຶ້ນໃນວັນທີ 24 ກັນຍາ 2013 ນີ້, ຢູ່ທີ່ຫ້ອງປະຊຸມ ຂອງກະຊວງຖະແຫຼງຂ່າວ ວັດທະນະທຳ ແລະ ທ່ອງທ່ຽວ ພາຍໃຕ້ການເປັນປະທານ ຂອງທ່ານ ອິນປອນ ນະຄອນ ສີ, ຮອງຫົວຫນ້າກົມສື່ມວນຊົນ, ທ່ານ ດຣ.ອານົນ ເຊືອດ ວົງສາ, ຮອງຫົວຫນ້າສູນແມ່ ແລະ ເດັກ, ມີບັນດາສື່ມວນ ຊົນພາກສ່ວນຕ່າງໆໃນນະ ຄອນຫຼວງວຽງຈັນ.
ທ່ານ ດຣ.ອານົນ ເຊືອດວົງ ສາ ໄດ້ກ່າວວ່າ: ມະເຮັງປາກ ມົດລູກແມ່ນພະຍາດຂອງລະ ບົບສືບພັນເພດຍິງທີ່ພົບເຫັນ ຫຼາຍເປັນອັນດັບຫນຶ່ງໃນທົ່ວ ໂລກ ລວມທັງແມ່ຍິງລາວ ເຮົາ, ສາເຫດມາຈາກເຊື່ອຈຸ ລະໂລກ ເອຈພີວີ ( HPV ) ທີ່ ເຮັດໃຫ້ຈຸລັງປາກມົດລູກຂະ ຫຍາຍຜິດປົກກະຕິແລ້ວກາຍ ເປັນມະເຮັງ, ດັ່ງນັ້ນວັກຊິນ ປ້ອງກັນມະເຮັງປາກມົດລູກ ຍັງສາມາດຊ່ວຍກັນມະເຮັງ ຊ່ອງຄອດ ແລະ ມະເຮັງຄໍ ມົດລູກໄດ້, ວັກຊິນນີ້ແມ່ນຈະ ລົງເຄື່ອນໄຫວສັກໃຫ້ສຳລັບ ເດັກຍິງຊັ້ນປະຖົມປໍ 5 ຢູ່ບັນ ດາໂຮງຮຽນຕ່າງໆໃນຂອບ ເຂດທົ່ວປະເທດ, ສ່ວນຜູ້ບໍ່ໄດ້ ເຂົ້າໂຮງຮຽນແມ່ນເດັກຍິງອາ ຍຸ 10 ປີ, ສະນັ້ນວັກຊິນກັນ ມະເຮັງປາກມົດລູກຈະສັກທີ່ ໂຮງຮຽນປະຖົມທຸກແຫ່ງ ລວມທັງໂຮງຮຽນລັດ ແລະ ເອກະຊົນ ໂດຍທີມແພດຈະ ລົງໄປສັກຢູ່ຕາມໂຮງຮຽນ, ເດັກຍິງທຸກຄົນຕ້ອງສັກໃນ ຈຳນວນ 3 ເຂັມພາຍໃນ 6 ເດືອນຄື: ເຂັມທີ 1: ລະຫວ່າງ ວັນທີ 2-14/10/2013, ເຂັມ ທີ 2: ລະຫວ່າງວັນທີ 20-30/10/2013, ເຂັມທີ 3: ລະ ຫວ່າງວັນທີ 20-30/4/2014 ເຊິ່ງວັກຊິນນີ້ແມ່ນມີຄວາມ ປອດໄພ ແລະ ມີປະສິດທິຜົນ ສູງ, ສັກຟຣີບໍ່ໄດ້ເສຍເງິນ.
ໃນກອງປະຊຸມທ່ານ ດຣ. ອານົນ ຍັງໄດ້ກ່າວອີກວ່າ: ການສັກວັກຊິນກັນພະຍາດ ອັກເສບປອດຮຸນແຮງໃຫ້ແກ່ ເດັກອາຍຸຕຳ່ກວ່າ 1 ປີລົງມາ ເຊິ່ງຈະເລີ່ມສັກແຕ່ທ້າຍປີນີ້ ເປັນຕົ້ນໄປໃນທົ່ວປະເທດ.
ດັ່ງນັ້ນຈຶ່ງແຈ້ງໃຫ້ພໍ່ແມ່ ປະຊາຊົນ ຫຼື ຜູ້ປົກຄອງໃຫ້ ພາກັນເອົາລູກຫຼານຂອງຕົນ ໄປສັກຢາໃຫ້ຄົບ 3 ເຂັມເພື່ອ ຊ່ວຍປ້ອງກັນ ແລະ ຮັກສາສຸ ຂະພາບຂອງເດັກຍິງລາວໃຫ້ ປອດໄພຈາກພະຍາດມະເຮັງ ປາກມົດລູກ ແລະ ເພື່ອໃຫ້ ປອດໄພຈາກພະຍາດອັກ ເສບປອດຮຸນແຮງໃຫ້ແກ່ເດັກ ຕ່ຳກ່ວາ 1 ປີໃນອານາຄົດ.

ທີ່ມາhttp://www.kongthap.gov.la

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...