ເຜີຍ 24 ຟັງຊັ່ນລັບໆ ຂອງ iOS 9 ທີ່ເຈົ້າອາດຍັງບໍ່ຮູ້ ມີຟັງຊັ່ນຫຍັງໜ້າສົນໃຈແດ່
ໃນທີ່ສຸດແອບເປີນກໍໄດ້ປ່ອຍອັບເດດ iOS 9 ໃຫ້ອັບເດດໄດ້ພ້ອມກັນທົ່ວໂລກແລ້ວເມື່ອວັນທີ່ 17 ກັນຍາ 2015 ຊຶ່ງກໍໄດ້ມີການເປີດເຜີຍຟັງຊັ່ນຫລັກໃໝ່ໆ ໃຫ້ໄດ້ຮູ້ກັນໄປແລ້ວ ແລະ ມື້ນີ້ທາງເວັບໄຊຕ໌ Laopost ກໍໄດ້ນຳຟັງຊັ່ນລັບໆ ທີ່ເພີ່ມເຂົ້າມາໃນ iOS 9 ຊຶ່ງຫລາຍຄົນອາດຍັງບໍ່ຮູ້ມາຝາກກັນເຖິງ 24 ຟັງຊັ່ນເລີຍ ຈະມີຫຍັງແດ່ນັ້ນມາເບິ່ງກັນເລີຍ
1. Widget ແບດເຕີຣີ່
ສະແດງແບດເຕີຣີ່ທີ່ເຫລືອຂອງ iPhone ແລະ Apple Watch ທີ່ເຊື່ອມຕໍ່ຢູ່ເທິງ Notification Center ສາມາດເພີ່ມ Widget ໄດ້ດ້ວຍການເລື່ອນໄປດ້ານລຸ່ມຂອງແທັບ Today ແລ້ວເລືອກ Edit ເພື່ອເພີ່ມ Widget
2. ຂໍ້ມູນການໃຊ້ແບດເຕີຣີ່
ສະແດງອັດຕາການໃຊ້ແບດເຕີຣີ່ຂອງແອບ ຕ່າງໆ ສາມາດເຂົ້າໄປເບິ່ງໄດ້ທີ່ Settings> Battery ໂດຍສາມາດກົດທີ່ປຸ່ມໂມງເພື່ອເບິ່ງໄດ້ວ່າແຕ່ລະແອບ ສົ່ງຜົນໃຫ້ແບດເຕີຣີ່ໝົດໄວຂຶ້ນເປັນເວລາເທົ່າໃດ
3. ໂທ-ສົ່ງຂໍ້ຄວາມແບບວ່ອງໄວ
ເມື່ອຜູ້ໃຊ້ຄົ້ນຫາ Centact ດ້ວຍຟັງຊັ່ນ Spotlight ຈະມີລາຍຊື່ Contact ສຳລັບໃຊ້ໂທຫລືສົ່ງຂໍ້ຄວາມແບບວ່ອງໄວໄດ້ ໂດຍບໍ່ຈຳເປັນຕ້ອງເປີດແອບ Phone ຫລື Contacts ເລີຍ
4. ປຸ່ມ Shift ປ່ຽນໄປ
ປຸ່ມ Shift ໃນ iOS ຈະປ່ຽນການເຮັດວຽກງານຈາກເກົ່າ ໂດຍຈະພິມເປັນຕົວອັກສອນ Uppercase ຕະຫລອດເວລາຫາກປຸ່ມ Shift ຖືກກົດເອົາໄວ້ ສຳລັບຄົົນທີ່ບໍ່ມັກກໍສາມາດປິດໄດ້ໂດຍໃຫ້ເຂົ້າໄປທີ່ Settings> General> Accessibility> Keyboard ແລ້ວເລືອກປິດ Show Lowercase Keys ພຽງເທົ່ານີ້ປຸ່ມ Shift ກໍຈະກັບໄປຄືກັບຂອງ iOS 8 ແລ້ວ
5. ໃຊ້ຄີບອດເປັນ Trackpad
ຖ້າຫາກໃຊ້ສອງນິ້ວກົດເທິງຄີບອດຂອງ iPad ຈະສາມາດໃຊ້ລາກແທນເມົ້າ Trackpad ໄດ້
6. Image Markup
ສາມາດແຕ້ມຫລືຂີດຂຽນເທິງຮູບພາບທີ່ແນບໄປພ້ອມກັບອີເມລໄດ້ ພຽງແຕ່ກົດຄ້າງເທິງຮູບພາບທີ່ແນບແລ້ວເລືອກ Markup
7. ເຊື່ອງຮູບຫລາຍຮູບພ້ອມກັນ
ເຊື່ອງຮູບພາບໄດ້ຫລາຍຮູບພ້ອມກັນ ພຽງແຕ່ເລືອກຮູບພາບທີ່ຕ້ອງການເຊື່ອງໃນ Camera Roll ແລ້ວກົດປຸ່ມທີ່ມຸມຊ້າຍລຸ່ມແລ້ວເລືອກ Hide
8. ແຍກໂຟນເດີລ໌ຮູບພາບ
ຮູບພາບທີ່ຖ່າຍດ້ວຍກ້ອງໜ້າແລະກ້ອງຫລັງລວມທັງການແຄບໜ້າຈໍຈະຖືກແຍກອອກຈາກກັນ ງ່າຍຕໍ່ການເປີດເບິ່ງ ພຽງແຕ່ເປີດແອບ Photos ແລ້ວເລືອກ Albums ກໍຈະພົບກັບໂຟນເດີລ໌ດັ່ງກ່າວທັນທີ
9. ແນບໄຟລ໌ໄດ້ທຸກຊະນິດ
ສາມາດແນບໄຟລ໌ຈາກ iCloud Drive ໄດ້ທຸກຊະນິດຈາກທີ່ກ່ອນໜ້ານີ້ສາມາດແນບໄດ້ສະເພາະຮູບພາບ ຫລືຖ້າກົດປຸ່ມ Location ທີ່ມຸມຂວາເທິງກໍຈະເລືອກໄຟລ໌ທີ່ Dropbox ຫລືແອບອື່ນໆໄດ້
10. ແອບ iCloud Drive
ແອບ iCloud Drive ຈະຖືກເຊື່ອງເອົາໄວ້ ສາມາດເປີດໄດ້ທີ່ Settings> iCloud> iCloud Drive ແລ້ວເລືອກ Show on Home Screen ກໍຈະປາກົດໄອຄອນສຳລັບເປີດແອບ iCloud Drive ທີ່ Home Screen
11. ຄົ້ນຫາການຕັ້ງຄ່າ
ເພີ່ມແຖບ Search ເທິງໜ້າ Settings ເພື່ອຫາການຕັ້ງຄ່າທີ່ຕ້ອງການ ບໍ່ຕ້ອງເສຍເວລາເລືອກເມນູຫາເອງ
12. ເປີດ Wallet ຈາກ Lock Screen
ໃນ iOS 9 ຜູ້ໃຊ້ສາມາດກົດປຸ່ມ Home ສອງເທື່ອທີ່ Lock Screen ເພື່ອເປີດ Wallet ໄດ້ ແຕ່ສຳລັບຄົົນທີ່ບໍ່ຕ້ອງການເປີດຟັງຊັ່ນນີ້ກໍສາມາດເຂົ້າໄປປິດໄດ້ທີ່ Settings> Touch ID & Passcode ແລ້ວເລືອກປິດທີ່ Wallet
13. ແອບ Health ແບບແນວນອນ
ພຽງແຕ່ເປີດແອບ Health ແລ້ວອຽງເຄື່ອງເປັນແນວນອນ ແອບກໍຈະສະແດງເປັນແນວນອນທັນທີ
14. ປິດຟັງຊັ່ນ Shake to Undo
ສຳລັບຄົົນທີ່ເມື່ອແລະບໍ່ມັກຟັງຊັ່ນ Shake to Undo ທີ່ມັກເຮັດວຽກໂດຍບໍ່ໄດ້ຕັ້ງໃຈ ສາມາດເຂົ້າໄປປິດໄດ້ທີ່ Settings> General> Accessibility> Shake to Undo ແລ້ວເລືອກປິດ
15. ປັບການເຮັດວຽກງານຂອງປຸ່ມ Mute
ໃນເມນູ Settings> General ສາມາດເລືອກປັບປຸ່ມເປີດ-ປິດສຽງຫລືລະບົບອຽງຈໍໄດ້ ຊຶ່ງກ່ອນໜ້ານີ້ສາມາດປັບໄດ້ສະເພາະເທິງ iPad ເທົ່ານັ້ນ
16. ປຸ່ມຍ້ອນກັບໄປແອບກ່ອນໜ້າ
ທີ່ແຖບ Status ຈະມີປຸ່ມໃຫ້ເລືອກຍ້ອນກັບໄປແອບກ່ອນໜ້າໄດ້ ໃນກໍລະນີທີ່ແອບມີລິ້ງທີ່ເປີດໄປຍັງແອບອື່ນໆ (ເຊັ່ນຄລິກລິ້ງໃນ Facebook ແລ້ວໄປເປີດ Safari)
17. ຕົວເລືອກແບບໃໝ່ຂອງ Speak Selection
ຟັງຊັ່ນ Speak Selection ເພີ່ມຕົວເລືອກສຽງແບບໃໝ່ໆ ໂດຍສາມາດເຂົ້າໄປເບິ່ງໄດ້ທີ່ Settings> General> Accessibility> Voices ແລ້ວເລືອກພາສາເພື່ອເບິ່ງຕົວເລືອກສຽງແບບໃໝ່ໆ
18. ເປີດເວັບແບບ Desktop Site
ຖ້າຫາກບໍ່ຕ້ອງການໃຫ້ Safari ສະແດງໜ້າເວັບເປັນແບບ Mobile Site ພຽງແຕ່ກົດປຸ່ມ Refresh ທີ່ Address Bar ຄ້າງໄວ້ ແລ້ວເລືອກ Request Desktop Site ຈະສາມາດສະແດງໜ້າເວັບແບບ Desktop Site ໄດ້
19. ປັບແຕ່ງ Reader Mode
ປັບແຕ່ງການສະແດງຜົນຂອງ Reader Mode ໃນແອບ Safari ດ້ວຍການເປີດ Reader Mode ແລ້ວກົດທີ່ປຸ່ມ Aa ໃນ Address Bar ເພື່ອເລືອກປ່ຽນສີພື້ນຫລັງ, ຮູບແບບຕົວອັກສອນ ແລະ ອື່ນໆ
20. ບັນທຶກໜ້າເວັບເປັນ PDF ດ້ວຍ Safari
ບັນທຶກໜ້າເວັບເກັບໄວ້ໃນເປັນໄຟລ໌ PDF ໄດ້ ພຽງແຕ່ເປີດ Share sheet ໃນແອບ Safari ຂຶ້ນມາແລ້ວເລືອກ Save PDF to iBooks
21. ປັບປຸງ Quick Reply
ສາມາດຕອບກັບຂໍ້ຄວາມຢ່າງວ່ອງໄວດ້ວຍຟັງຊັ່ນ Quick Reply ໄດ້ດ້ວຍການລາກແຖບແຈ້ງເຕືອນລົງມາເມື່ອມີຂໍ້ຄວາມສະແດງດ້ານເທິງສຸດຂອງໜ້າຈໍ
22. Public Transit
ເບິ່ງເສັ້ນທາງຂອງລົດໂດຍສານສາທາລະນະໃນແອບ Maps ໄດ້ແລ້ວ ຫລັງຈາກທີ່ແອບເປີນໄດ້ນຳຟັງຊັ່ນນີ້ອອກໄປເມື່ອປີ 2012
23. Picture-in-Picture Video Mode
ຂະນະເບິ່ງວິດີໂອ ໃຫ້ກົດທີ່ວິດີໂອແລ້ວກົດທີ່ປຸ່ມທີ່ເປັນຮູບກ່ອງຊ້ອນກັນ ວິດີໂອຈະເດັ້ງອອກມາເປັນໜ້ານ້ອຍໆ ສາມາດຍ້າຍຕຳແໜ່ງແລະເບິ່ງວິດີໂອໄປພ້ອມກັບໃຊ້ງານແອບອື່ນໆ ໄດ້ (ສະເພາະ iPad Air, iPad Air 2, iPad Mini 2 ຫລືລຸ້ນທີ່ໃໝ່ກວ່ານັ້ນ)
24. ໂໝດປະຫຍັດພະລັງງານ
ເມື່ອແບດເຕີຣີ່ເຫລືອຕ່ຳກວ່າ 20% ລະບົບຈະຖາມວ່າຕ້ອງການເປີດໂໝດປະຫຍັດພະລັງງານບໍ ເມື່ອເປີດແລ້ວລະບົບຈະປິດການເຮັດວຽກງານບາງສ່ວນເພື່ອຊ່ວຍປະຫຍັດແບດເຕີຣີ່ ແລະ ເມື່ອສຽບສາກແບດເຕີຣີ່ແລ້ວໂໝດປະຫຍັດພະລັງງານຈະຖືກປິດອັດໂນມັດ ຫລືຈະເຂົ້າໄປຕັ້ງເປີດປິດໂໝດປະຫຍັດພະລັງງານເອງທີ່ Settings> Battery ກໍໄດ້ເຊັ່ນກັນ
