spot_img
Homeຂ່າວພາຍ​ໃນສົກປີ 2014 ດັດສະນີເງິນເດືອນຈະເພີ່ມຂຶ້ນແຕ່ເງິນອຸດໜູນຄ່າຄອງຊິບອາດຈະບໍ່ມີ

ສົກປີ 2014 ດັດສະນີເງິນເດືອນຈະເພີ່ມຂຶ້ນແຕ່ເງິນອຸດໜູນຄ່າຄອງຊິບອາດຈະບໍ່ມີ

Published on

tue24sep5

ອີງຕາມກອງປະຊຸມຂອງ ຄະນະລັດຖະບານບວກກັບ ເຈົ້າແຂວງ ປະຈຳປີ 2012-2013 ເຊ່ິງໄດ້ຈັດຂຶ້ນໃນລະ ຫວ່າງວັນທີ 16-20 ກັນຍາ 2013 ທີ່ຜ່ານມານີ້, ຢູ່ທີ່ຫ້ອງ ປະຊຸມຂອງຫ້ອງວ່າການ ລັດຖະບານໃນກອງປະຊຸມ ຄັ້ງນີ້, ຄະນະລັດຖະບານ ແລະ ທ່ານເຈົ້າແຂວງໄດ້ຮ່ວມ ກັນຮັບຟັງ ແລະ ຄົ້ນຄ້ວາ ປຶກສາຫາລືຫລາຍບັນຫາ ສຳຄັນ ຂອງຊາດທີ່ພົວພັນເຖິງ ການພັດທະນາເສດຖະກິດ-ສັງຄົມ ແລະ ຊີວິດການເປັນ ຢູ່ຂອງປະຊາຊົນເຮົາເຊ່ິງຫນ່ຶງ ໃນນັ້ນກໍ່ແມ່ນຮັບຟັງການ ຜ່ານບົດລາຍງານຂອງກະ ຊວງການເງິນກ່ຽວກັບສະ ພາບການເກັບລາຍຮັບເຂົ້າ ງົບປະມານທີ່ບໍ່ສາມາດບັນລຸ ຕາມເປົ້າຫມາຍໄດ້.
ໃນບົດລາຍງານໄດ້ລະບຸ ວ່າ: ໃນສົກປີ 2012-2013 ນີ້ ລັດຖະບານສາມາດເກັບລາຍ
ຮັບເຂົ້າງົບປະມານໄດ້ຕົວຈິງ ພຽງແຕ່ 20% ຂອງແຜນການ ແຕ່ໃນຂະນະດຽວກັນເບື້ອງ ລາຍຈ່າຍພັດເພີ່ມຂຶ້ນສູງເຖິງ 40% ຈ່ິງຖືວ່າບໍ່ສົມດູນ, ດ່ັງ ນັ້ນໃນກອງປະຊຸມຄະນະລັດ ຖະບານຈ່ິງໄດ້ຮ່ວມກັນຄົ້ນ ຄ້ວາ, ປຶກສາຫາລືອາດຈະ ຕັດເງິນອຸດຫນູນຄ່າຄອງຊີບ ຈຳນວນ 760.000 ກີບຂອງ ພະນັກງານລັດຖະກອນ   ອອກຕາມດຳລັດຂອງນາຍົກ ລັດຖະມົນຕີສະບັບເລກທີ 221/ລບ ລົງວັນທີ 30/5/ 2012 ວ່າດ້ວຍການປະຕິບັດ ເງິນເດືອນ ແລະ ເງິນອຸດຫນູນ ຕ່າງໆຕໍ່ພະນັກງານ, ລັດຖະ ກອນແຕ່ປີ 2013-2015, ໃນ ດຳລັດດ່ັງກ່າວຍັງໄດ້ລະບຸ ແຈ້ງວ່າ: ໃນສົກປີ 2013-2014 ນີ້ເງິນເດືອນຂອງພະ ນັກງານ-ລັດຖະກອນຈະເພີ່ມ ຂຶ້ນຈາກ 4.800 ດັດສະນີໃນ ປັດຈຸບັນຂຶ້ນມາເປັນ 6.700 ດັດສະນີ.
ແນວໃດກໍ່ຕາມ ເພື່ອເຮັດ ໃຫ້ວຽກງານດ່ັງກ່າວມີເນື້ອໃນ ຫນັກແຫນ້ນ ແລະ ເຊື່ອຖືໄດ້ ທ່ານພູເພັດ ຄຳພູນວົງ ລັດຖະ ມົນຕີວ່າການກະຊວງການ ເງິນກໍ່ໄດ້ໃຫ້ສຳພາດຕໍ່ສື່ມວນ ຊົນໃນໂອກາດເຂົ້າຮ່ວມກອງ ປະຊຸມດ່ັງກ່າວໃນວັນທີ 18 ກັນຍາ 2013 ເວລາ 15 ໂມງ ທ່ານໄດ້ກ່າວວ່າ: ຕໍ່ກັບການ ເກັບລາຍຮັບເຂົ້າງົບປະມານ ບໍ່ບັນລຸຕາມເປົ້າຫມາຍນັ້ນ ແມ່ນມີຫລາຍເງື່ອນໄຂ ແລະ ຫລາຍປັດໃຈ ໂດຍສະເພາະ ແມ່ນລາຍຈ່າຍເພີ່ມຂຶ້ນສູງ ໂພດ ແຕ່ການເກັບລາຍຮັບ ພັດບໍ່ໄດ້ຕາມເປົ້າຫມາຍຈ່ິງ ບໍ່ສາມາດສະຫນອງໄດ້. ໃນ ການຕັດເງິນອຸດຫນູນຄ່າຄອງ ຊີບອອກໃນຄັ້ງນີ້ລັດຖະບານ ແມ່ນມີຄວາມຈຳເປັນ ເພາະ ຈະເອົາໄປຖົມຫ່ວງລາຍ ຈ່າຍອື່ນ ໂດຍສະເພາະແມ່ນ ເງິນເດືອນຂອງພະນັກງານ ລັດຖະກອນຢູ່ເຂດຫ່າງໄກ ສອກຫລີກໃນຂອບເຂດທ່ົວ ປະເທດ ເພາະມີບາງທ້ອງຖ່ິນ ແມ່ນຍັງບໍ່ໄດ້ຮັບເງິນເດືອນ ນັບແຕ່ເດືອນ 5 ເປັນຕົ້ນມາ, ແນວໃດກໍ່ດີການຕັດເງິນອຸດ ຫນູນຄ່າຄອງຊີບອອກໃນຄັ້ງ ນີ້ແມ່ນຈະໄດ້ດຳເນີນໄປໃນ ໄລຍະໃດຫນ່ຶງເທ່ົານັ້ນ. ທ່ານ ພູເພັດກ່າວ.

ທີ່ມາhttp://www.kongthap.gov.la

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...