Homeລົດຍົນ-ຍານພາຫະນະຟີມກອງແສງລົດເລືອກຢ່າງໃດ ຖ້າຕ້ອງການຈະຕິດ?

ຟີມກອງແສງລົດເລືອກຢ່າງໃດ ຖ້າຕ້ອງການຈະຕິດ?

Published on

1424507297

ຟິ​ມ​ລົດ​ນັ້ນຖື​ວ່າ​ເປັນ​ສິ່ງ​ທີ່​ຈຳ​ເປັນ​ອີກ1ສິ່ງ ກັບ​ຜູ້​ທີ່​ໃຊ້​ລົດ​​ເປັນ​ຢ່າງ​ຫລາຍ​ເນື່ອງ​ຈາກ ສະພາບ​ອາ​ກາດ​ໃນ​ບ້ານ​ເຮົາ​ນັ້ນ​ຮ້ອນ​ຫລາຍ  ຂັບ​ລົດ​ເປີດ​ແອລ໌ປົກກະຕິ​ໃນ​ຕອນ​ກາງເວັນ​ບາງເທື່ອ​ກໍ​ຍັງ​ຮ້ອນ​ຢູ່ ຈຶ່ງ​ເຮັດໃຫ້​ຫລາຍໆ​ທ່ານ​ນັ້ນ​ຫັນ​ມາ​ເພິ່ງ​ພາຕົວ​ຊ່ວຍ​ອີກ1ສິ່ງ​ນັ້ນ​ກໍ​ຄື  ຟິມກ​ອງ​ແສງ​ລົດ​ ແຕ່​ຫລາຍ​ທ່ານ​ກໍ່​ຍັງ​ບໍ່​ຮູ້ວ່າຟິ​ມກ​ອງ​ແສງນັ້ນ​ມີ​ຈັກ​ປະ​ເພດ ແລະ​ມີ​ຄຸນສົມບັດ​ຫຍັງ​ແດ່ ຊຶ່ງຟິມກ​ອງ​ແສງ​ລົດ​ນັ້ນ​ສາມາດ​ແຍກ​ຍ່ອຍ​ໄດ້​ດັ່ງ​ນີ້

  1. ຟິມກ​ອງ​ແສງ​ທີ່​ບໍ່​ມີ​ສ່ວນ​ປະສົມ​ຂອງ​ສານ​ທີ່​ປ້ອງ​ກັນ​ລັງສີ​ທີ່​ມາ​ກັບ​ແດດ

ຟິ​ມກ​ອງ​ແສງ​ລົດ​ ປະ​ເພດ​ນີ້​ຈະ​ສາມາດຫ​ລຸດ​ຄວາມ​ເຂ້ມ​ຂອງ​ແສງ​ໄດ້​ພຽງ​ຢ່າງ​ດຽວ ຈະ​ບໍ່​ສາມາດ​ປ້ອງ​ກັນ​ລັງສີ​ຕ່າງໆ​ທີ່​ມາ​ກັບ​ແສງ​ແດດ​ໄດ້ ຊຶ່ງ​ນອກ​ຈາກ​ແສງ​ແດດ​ຈະ​ເຮັດໃຫ້​ເຮົາ​ຮ້ອນ​ແລ້ວ ລັງສີ​ທີ່​ມາ​ກັບ​ແສງ​ແດດ​ກໍ​ຖື​ວ່າ​ເປັນ​ອີກ1ສິ່ງ​ອັນຕະລາຍ​ທີ່​ເຮົາ​ເບິ່ງບໍ່ເຫັນ ດ້ວຍ​ເຊັ່ນ​ກັນ​ແລະຟິ​ມກ​ອງ​ແສງປະ​ເພດ​ນີ້​ຈະ​ມີ​ການ​ກັນ​ຄວາມ​ຮ້ອນ​ໄດ້​ບໍ່​ເຖິງ50%ແລະ​ຈະ​ເປັນຟິ​ມລາ​ຄາ​ຖືກໃນ​ທ້ອງຕະຫ​ລາດ

  1. ຟິ​ມກ​ອງ​ແສງ​ທີ່​ມີ​ສານ​ປ້ອງ​ກັນ​ລັງສີ​ຈາກ​ແສງ​ແດດ

ຟິ​ມກ​ອງ​ແສງ​ລົດ​ປະ​ເພດ​ນີ້ ຈະ​ມີ​ການ​ເພີ່ມ​ວັດ​ຖຸ​ພິເສດ​ເຂົ້າໄປ​ເພື່ອ​ທີ່​ຈະ​ໄວ້​ປ້ອງ​ກັນລັງສີ​ຈາກ​ແສງ​ແດດ ທີ່​ເປັນ​ອັນຕະລາຍ ຊຶ່ງ​ຕົວຟິ​ມກ​ອງ​ແສງ​ລົດ​ປະ​ເພດ​ນີ້​ນັ້ນ​ກໍ​ຍັງມີ​ແຍກ​ຍ່ອຍ​ໃນ​ສ່ວນ​ຂອງ​ສ່ວນ​ທີ່​ຈະ​ຕ້ອງ​ຖືກ​ກັບ​ແສງ​ແດດ​ໄດ້​ອີກ​ດັ່ງ​ນີ້

2.1 ປະ​ເພດ​ຂອງຟິ​ມ​​ທີ່​ມີ​ການ​ເຄືອບ​ໂລ​ຫະ ຟິມ​ຫລຸດ​ຄວາມ​ຮ້ອນໂດຍ​ເນື້ອ​ຟິ​ມປະ​ເພດ​ນີ້​ຈະ​ມີການ​ເຄືອບ​ສີ​ສະ​ທ້ອນ​ທີ່​ຕົວ​ເນື້ອ​ຟິ​ມ ເຮັດໃຫ້​ເວລາ​ທີ່​ເຮົາ​ເບີ່ງ​ຈາກ​ດ້ານ​ນອກ​ນັ້ນ​ຈະ​ສະ​ທ້ອນ​ຄືກັບແວ່ນ​ ໃນ​ເລື່ອງ​ຂອງ​ຄຸນນະພາບ​ໃນການກອງເເສງ​ຟິ​ມ​ລົດ​ປະ​ເພດ​ນີ້​ຈະ​ມີ​ປະ​ສິດ​ທິ​ພາບ​ໃນ​ການ​ຫລຸດ​ຄວາມ​ຮ້ອນ​ຂອງ​ແສງ​ແດດ​ຢູ່​ທີ່ 35-95%

2.2 ຟີ​ມ​ທີ່​ປ້ອງ​ກັນ​ອິນ​ຟາ​ເລດ (Infraed Film)  ຟີມ​ປະ​ເພດ​ນີ້​ນັ້ນ​ຈະ​ມີການ​ເຄືອບ​ສານ​ທີ່​ປ້ອງ​ກັນ​ລັງສີ​ອິນ​ຟະ​ເລດ ໄວ້​ທີ່​ຕົວ​ຟີ​ມ ຊຶ່ງ​ຖື​ວ່າຟີ​ມກ​ອງ​ແສງ​ລົດ​ປະ​ເພດ​ນີ້​ສາມາດ​ກັນ​ຄວາມ​ຮ້ອນ​ໄດ້​ດີ​ທີ່ສຸດ ແຕ່​ສິ່ງ​ທີ່​ຕາ​ມາ​ກໍ​ຄື​ມີ​ລາ​ຄາ​ສູງ ປະຈຸບັນ​ຫລາຍ​ບໍລິສັດ​ໄດ້​ມີການ​ຜະລິດ​ຟີມປະ​ເພດ​ນີ້​ອອກ​ມາ​ຫລວງຫລາຍ​ເຮັດໃຫ້​ລາ​ຄາ​ຂອງຟີມກ​ອງ​ແສງປະ​ເພດ​ນີ້​ເລີ່ມ​ປັບ​ລາ​ຄາ​ລົງ​ມາ

2.3 ຟີມ​ລົດ​ປະ​ເພດ​ປອດໄພ  ຟີ​ມກ​ອງ​ແສງປະ​ເພດ​ນີ້ ຈະ​ມີ​ຄວາມ​ໜາ​ຕັ້ງ​ແຕ່ 4 Mil ຂຶ້ນ​ໄປ (1mil =  0.025 mm.) ສ່ວນ​ໃຫຍ່​ແລ້ວ​ຈະ​ເປັນຟີມ​ທີ່​ໃຊ້​ກັບ​ອາ​ຄານ ແຕ່​ໃນ​ປະຈຸບັນ​ໄດ້​ເລີ່ມ​ມີ​ການ​ນຳ​ມາ​ໃຊ້​ກັບ​ລົດ​ ໂດຍ​ຈະ​ມີ​ທັງ​ແບບ​ຊ່ວຍ​ຫລຸດ​ຄວາມ​ຮ້ອນ​ແລະ​ບໍ່​ຫລຸດ​ຄວາມ​ຮ້ອນ ຄຸ​ນສົມບັດ​ເດ່ນໆ​ຂອງຟີມກ​ອງ​ແສງປະ​ເພດ​ນີ້ ຈະ​ຊ່ວຍ​ໃນ​ເລື່ອງ​ຂອງການ​ຄົງ​ສະພາບຂອງ​ແວ່ນເມື່ອ​ເກີດ​ການ​ກະ​ທົບ ໃຫ້​ຢູ່ໃນ​ຮູບ​ແບບ​ເກົ່າ​ໃຫ້​ຫລາຍ​ທີ່ສຸດ​ອີກ​ດ້ວຍ

2.4 ຟີ​ມ​ລົດ​​ປະ​ເພດ​ນາ​ໂນ   ຟີກ​ອງ​ແສງ​ປະ​ເພດ​ນາ​ໂນຫລື​ເອີ້ນ​ສັ້ນໆ​ວ່ານາ​ໂນ​ຟີມ ຈະເປັນ​ຟີມກ​ອງ​ແສງ​ລົດ​ທີ່​ແສງ​ສ່ອງ​ຜ່ານ​ໄດ້​ຫລາຍ​ເຖິງ 60% ແລະ​ຈະ​ບໍ່​ເຮັດໃຫ້​ເກີດ​ເງົາ ແຕ່​ເປັນຟີ​ມກ​ອງ​ແສງທີ່​ສາມາດຫ​ລຸດ​ຄວາມ​ຮ້ອນ​ໄດ້​ສູງ​ທັງ​ໝົດ​ນີ້​ຈະ​ຂຶ້ນ​ຢູ່​ກັບ​ວັດ​ຖຸ​ທີ່​ນຳ​ມາ​ໃຊ້​ຜະລິດ​ແລະສານ​ທີ່​ນຳ​ມາ​ເຄືອບ​ຟີ​ມ ແລະ​ຈະ​ມີ​ລາ​ຄາ​ຂ້ອນ​ຂ້າງ​ສູງ

1424507273

ຟີມກ​ອງ​ແສງ​ລົດ​ ຄວນ​ຕິດ​ຈັກ​ເປີ​ເຊັນ

ກ່ອນ​ທີ່​ເຮົາ​ຈະ​ໄປ​ເບິ່ງ​ວ່າ​ຄວນຕິດ​ຟີ​ມກ​ອງ​ແສງ​ລົດ​​ຈັກ​ເປີເຊັນ ເຮົາ​ໄປ​ເຮັດ​ຄວາມ​ຮູ້​ຈັກ​ກັນ​ກ່ອນ​ວ່າເປີເຊັນ​ຂອງ​ຟີ​ມນັ້ນ​ຄື​ຫຍັງ ກໍ​ຄືຄວາມ​ເຂ້ມ​ຂອງ​ຟີ​ມກ​ອງ​ແສງ​ລົດ​ໂດຍ​ແບ່ງ​ໄດ້​ດັ່ງ​ນີ້

  • ຟີ​ມກ​ອງ​ແສງ 40% ຫລື​ທີ່​ຫລາຍໆ​ທ່ານ​ມັກ​ເອີ້ນວ່າຟີມ​ໃສ ຟີ​ມລົດ​ປະ​ເພດ​ນີ້​ແສງ​ຈະ​ສາມາດ​ສ່ອງ​ຜ່ານ​ໄດ້ ປະ​ມານ 35%ຂຶ້ນ​ໄປ ໂດຍ​ຈະ​ມີ​ຕົວ​ເລ​ກລະ​ບຸເທິງ​ເນື້ອ​ຟີ​ມ ຕົວ​ຢ່າງ​ເຊັ່ນ APL35N, POP35N, APL45NX, L80BL
  • ຟີ​ມກ​ອງ​ແສງ 60% ຈະ​ໝາຍ​ເຖິງ  ຟີ​ມກ​ອງ​ແສງທີ່​ແສງ​ສາມາດ​ສົ່ງ​ຜ່ານ​ໄດ້ ປະ​ມານ 20% ຕົວ​ຢ່າງເລກ​ທີ່​ຕິດ​ເທິງ​ເນື້ອ​ຟີ​ມຈະ​ເປັນ ANL20N, ARL20C, ARL20BX, L20N POP20N
  • ຟີ​ມກ​ອງ​ແສງ 80% ໝາຍ​ເຖິງ  ຟີ​ມກ​ອງ​ແສງ​ລົດ​ທີ່​ມີ​ຄວາມ​ເຂັມ​ທີ່ສຸດ ເຮັດໃຫ້​ມີ​ແສງ​ສົ່ງ​ຜ່ານ​ໄດ້ 5% ຕົວ​ຢ່າງ​ເຊັ່ນ ARL05C, ANL05N, POP5C L05 Digital CTX

1424507264

ບົດຄວາມຫຼ້າສຸດ

ແຂວງຊຽງຂວາງ ໄດ້ຊີ້ແຈງເຫດການປາຕາຍ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາ

ໃນວັນທີ 19 ພະຈິກ 2026, ຄະນະທີມງານສະເພາະກິດເມືອງແປກ ແຂວງຊຽງຂວາງ ໄດ້ຊີ້ແຈງເຫດການປາຕາຍເປັນຈໍານວນຫລາຍໃນນໍ້າຫ້ວຍຫີນລາຍ ລະຫວ່າງຊາຍແດນບ້ານຍວນ ແລະ ບ້ານໂພນງາມເໜືອ ເມືອງແປກ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາທີ່ບໍ່ຖືກຕ້ອງຕາມກົດໝາຍ ຢູ່ບ້ານໂພນງາມເໜືອ....

ໂດຍຕອບສະໜອງຄໍາເຊື້ອເຊີນຂອງສະຫາຍ ຢູນ ເຈີງ ໂຮ, ລັດຖະມົນຕີກະຊວງພົວພັນເສດຖະກິດກັບຕ່າງປະເທດ ແຫ່ງ ສປປ ເກົາຫຼີ, ສະຫາຍ ມະໄລທອງ ກົມມະສິດ, ລັດຖະມົນຕີກະຊວງອຸດສາຫະກໍາ ແລະ ການຄ້າ...

ໄລຍະ 9 ເດືອນ ປີ 2026, ແຂວງອັດຕະປື ກໍ່ຄືພະແນກໂຍທາທິການ ແລະ ຂົນສົ່ງແຂວງ ໄດ້ເປັນເຈົ້າການຕິດຕາມ ແລະ ຄວບຄຸມຄຸນນະພາບໂຄງການກໍ່ສ້າງ-ສ້ອມແປງຂົວ-ທາງ ທີ່ເປັນໂຄງການສືບຕໍ່ ຈໍານວນ...

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...