ສະຫາຍບຸນຈັນ ຈັນທະ ວົງ ເຈົ້າເມືອງເມືອງຈຳປາສັກ ໄດ້ໃຫ້ຮູ້ວ່າ ນັບແຕ່ວັນທີ 17 ກໍລະກົດມາເຖິງປັດຈຸບັນ ລະ ດັບນ້ຳໃນເຂດເມືອງຈຳປາ ສັກ, ແຂວງຈຳປາສັກ ໄດ້ເພີ່ມ ຂຶ້ນເລື້ອຍໆ ເນື້ອທີ່ນາຖືກນ້ຳ ຖ້ວມ 137 ເຮັກຕາ, 51 ບ້ານ ໃນ 4 ກຸ່ມ ແລະ 6.557 ຄອບ ຄົວ, ເສັ້ນທາງການສັນຈອນ ພົບຄວາມຫຍຸ້ງຍາກ ໂດຍສະ ເພາະແມ່ນເສັ້ນທາງບ້ານ ດອນຕະລາດຫາບ້ານຫນອງ ຜຳ, ດອນຕະລາດຫາສຸຂຸມາ, ດອນຕະລາດຫາຫນອງແຕ້
ແລະ ເສັ້ນທາງຫລັກ 12 ເມືອງໂພນທອງ. ສະຫາຍວົງ ພະຈັນ ພອນຕິດ ຫົວຫນ້າຂະ ແຫນງກົມອຸຕຸນິຍົມ ແລະ ອຸ ຖົກກະສາດ ແຂວງຈຳປາສັກ ໄດ້ແຈ້ງພໍ່ແມ່ປະຊາຊົນໂດຍ ສະເພາະແມ່ນຢູ່ໃກ້ຕາຝ່ັງກໍ່ຄື ແຄມແມ່ນ້ຳຂອງ ແລະ ແຄມ ຫ້ວຍຮ່ອງ ຈ່ົງພ້ອມກັນກຽມ ພ້ອມຕໍ່ກັບໄພນ້ຳຖ້ວມ ເພາະ ໃນເວລາ 7 ໂມງເຊົ້າວັນທີ 20 ກັນຍາຜ່ານມານີ້ລະດັບນ້ຳ ຂອງໄດ້ສູງຂຶ້ນກາຍເຂດ ເຕືອນໄພແລ້ວຄື 7,77 ແມັດ ຫມາຍຄວາມວ່າກາຍເຂດລະ ວັງໄພແມ່ນ 77 ຊັບຕີແມັດ.
ຂ່າວໃຫ້ຮູ້ອີກວ່າ: ເມືອງບາ ຈຽງຈະເລີນສຸກ ກໍ່ໄດ້ຮັບຜົນ ກະທົບຈາກສະພາບຝົນຕົກ ຫລາຍວັນຕິດຕໍ່ກັນ ເຮັດໃຫ້ ປະຊາຊົນບ້ານອຸດົມສຸກມີຜູ້ ເສຍຊີວິດ 2 ຄົນຍ້ອນດິນ ເຈື່ອນທັບ. ສະຫາຍສີຜາ ດວງມາລາ ຮອງເຈົ້າເມືອງ ເມືອງບາຈຽງຈະເລີນສຸກໄດ້ ໃຫ້ຮູ້ວ່າ: ຍ້ອນຝົນຕົກຕິດຕໍ່ ກັນຫລາຍວັນເຮັດໃຫ້ເນື້ອທີ່ ການຜະລິດຂອງປະຊາຊົນ ຖືກໄພນ້ຳຖ້ວມເຊ່ັນ: ເນື້ອທີ່ ນາ 200 ເຮັກຕາ ກວມ 188 ຄອບຄົວທີ່ໄດ້ຮັບຜົນກະທົບ, ເສັ້ນທາງທີ່ໄດ້ຮັບຄວາມເສຍ ຫາຍມີ 6 ເສັ້ນຄື: ທາງບ້ານ ຕີ້ວ, ບ້ານຫນອງກັ້ງ, ບ້ານປາ ຫລາຍ, ບ້ານຫນອງບົກໃຫຍ່, ບ້ານສອງຄອນ ແລະ ບ້ານທ່ົງ ທິງ, ມີສັດປີກໄດ້ຮັບຄວາມ ເສຍຫາຍ 300 ກ່ວາໂຕ, ງົວ ຕາຍ 3 ໂຕ, ແບ້ 3 ໂຕ, ຫນອງປາຖືກຖ້ວມ 13 ໜອງ ປັດຈຸບັນອຳນາດການປົກ ຄອງໄດ້ເອົາໃຈໃສ່ຕິດຕາມ ແລະ ເຝົ້າລະວັງບັນຫາທີ່ຈະ ເກີດຂຶ້ນ ແລະ ພວມປະເມີນ ຝົນເສຍຫາຍ.
ສຳລັບເມືອງປາກເຊມີ 3 ບ້ານຕື່ມອີກຄື: ບ້ານໂພນສະ ອາດ, ບ້ານແກ ແລະ ບ້ານ ຫ້ວຍປູນ, ໃນນັ້ນບ້ານໂພນ ສະອາດຖືກນ້ຳຖ້ວມແລ້ວ 20 ຄອບຄົວ, ບ້ານແກ 60 ຄອບ ຄົວ ແລະ ບ້ານຫ້ວຍປູນ 35 ຄອບຄົວ.
![tue24sep1 (1)](https://laopost.com/wp-content/uploads/2013/09/tue24sep1-1.png)