ເຈົ້າອາດຈະເຄີຍເຫັນ computer chip ທີ່ທຳລາຍຕົວເອງໄດ້ໃນໜັງເລື່ອງ Mission Impossible ກັນມາແດ່ແລ້ວ ແລະໃນໄວນີ້ເຮົາອາດຈະໄດ້ເຫັນການນຳ computer chip ແບບທຳລາຍຕົວເອງໄດ້ມາໃຊ້ງານແທ້ກໍເປັນໄດ້
ວິສະວະກອນຈາກສູນວິໄຈ Xerox PARC ກຳລັງພັດທະນາ Ship ທີ່ສາມາດຈະທຳລາຍຕົວເອງໄດ້ເມື່ອໄດ້ຮັບການສັ່ງການ ແລະ ເມື່ອທຳລາຍຕົວເອງໄປແລ້ວເທື່ອໜຶ່ງ ຕົວ Ship ນີ້ຈະແຕກກະຈາຍເປັນຊິ້ນນ້ອຍໆ ຊຶ່ງບໍ່ສາມາດສ້ອມແຊມກັບມາໃຫ້ເປັນຄືເກົ່າໄດ້ອີກ ເໝາະສຳລັບການໃຊ້ງານທີ່ເປັນຄວາມລັບສຸດຍອດ
ຕົວ Ship ທີ່ທຳລາຍຕົວເອງໄດ້ນີ້ເຮັດມາຈາກ Gorilla Glass ທີ່ໃຊ້ເຮັດໜ້າຈໍ Smartphone ຫລາຍລຸ້ນໃນປະຈຸບັນ ແທນທີ່ຈະໃຊ້ພາດສ໌ຕິກກັບໂລຫະທົ່ວໄປ ວົງຈອນການທຳລາຍຕົວເອງຈະຖືກກະຕຸ້ນໂດຍ Photo-diode ຊຶ່ງໄດ້ຮັບການກະຕຸ້ນເມື່ອມີແສງເລເຊີລ໌ສາຍໄປທີ່ມັນ ເຮັດໃຫ້ຕົວ Ship ແຕກກະຈາຍເປັນຊິ້ນນ້ອຍໆໄດ້ ເຮັດໃຫ້ຍາກຕໍ່ການທີ່ຈະກູ້ຄືນຂໍ້ມູນໃດໆກັບມາ
ໃນທາງປະຕິບັດແລ້ວ ການສັ່ງໃຫ້ computer chip ທຳລາຍຕົວເອງ ບໍ່ຈຳເປັນຕ້ອງໃຊ້ສະເພາະເລເຊີລ໌ ແຕ່ອາດໃຊ້ຄື້ນວິທະຍຸແທນກໍໄດ້