spot_img
Homeຂ່າວພາຍ​ໃນດາວເຮືອງຢືນຢັນ! ບໍ່ມີສ່ວນກ່ຽວຂ້ອງກັບຄະດີກັນຊາ 1,5 ໂຕນ ທີ່ຕໍາຫລວດກໍາປູເຈຍຍຶດໄດ້!

ດາວເຮືອງຢືນຢັນ! ບໍ່ມີສ່ວນກ່ຽວຂ້ອງກັບຄະດີກັນຊາ 1,5 ໂຕນ ທີ່ຕໍາຫລວດກໍາປູເຈຍຍຶດໄດ້!

Published on

daohuang

ໃນທ້າຍອາທິດຜ່ານມານີ້, ທີ່ໂຮງແຮມລາວພລາຊາ ນະຄອນຫລວງວຽງຈັນ ທ່ານ ນາງ ເລືອງ ລິດດັງ ປະທານບໍລິສັດ ດາວເຮືອງ ແລະ ທ່ານ ສີສຸພົນ ສີຫາລາດ ອໍານວຍການບໍລິສັດດາວເຮືອງ ໄດ້ຖະແຫລງຕໍ່ສື່ມວນຊົນໃນກໍລະນີບໍລິສັດຂອງຕົນບໍ່ມີສ່ວນກ່ຽວຂ້ອງໃດໆໃນຄະດີກັນຊາໜັກ 1,5 ໂຕນ ທີ່ຕໍາຫລວດກໍາປູເຈຍຍຶດໄດ້ໃນປະເທດເມື່ອວັນທີ 25 ສິງຫາ 2015 ນີ້.

ພາຍຫລັງມີສໍານັກຂ່າວບາງກອກໂພສ (Bangkok Post) ສະບັບວັນທີ 25 ສິງຫາ 2015 ພາກຂ່າວອາຊີ (News Asia)ໄດ້ລົງພີມຂ່າວໃນຫົວຂໍ້: ກໍາປູເຈຍຍືດກັນຊາ 1,5 ໂຕນ, ຂຽນໂດຍສານັກຂ່າວສານຝລັ່ງ(AFP) ແລະ ເວັບໄຊມູດີຣີພອດ (Moodle report.com), ເຊິ່ງມີເນື້ອໃນວ່າ: ຕໍາຫລວດກໍາປູເຈຍຍຶດກັນຊາໜັກເກືອບ 1,5 ໂຕນ, ມີມູນຄ່າກວ່າ 7 ລ້ານໂດລາສະຫະລັດ, ບັນຈຸໄວ້ໃນຫໍ່ກາເຟດາວທີ່ລັກລອບເຂົ້າມາຈາກລາວ, ໂດຍອີງໃສ່ທ່ານອໍານວຍການ ສໍານັກງານປາບປາມຢາເສບຕິດ ກະຊວງປ້ອງກັນຄວາມສະຫງົບກໍາປູເຈຍໄດ້ຖະແຫລງຂ່າວພ້ອມຂອງກາງ ແລະ ຜູ້ຕ້ອງຫາວ່າ: ຍຶດກັນຊາໄດ້ 1.487 ກິໂລລະຫວ່າງກວດຄົ້ນຢູ່ນະຄອນຫລວງພະນົມເປັນໃນວັນທີ 21 ສິງຫາ 2015, ພ້ອມຈັບຄົນກໍາປູເຈຍໄດ້ 3 ຄົນ, ເຊິ່ງກັນຊາທັງໝົດຖືກບັນຈຸໄວ້ໃນຫໍ່ກາເຟດາວທີ່ລັກລອບນໍາເຂົ້າມາຈາກລາວ ແລະ ກຽມສົ່ງໄປປະເທດທີສາມ, ເຊິ່ງສາມາດຈໍາໜ່າຍໄດ້ໃນລາຄາບໍ່ຕໍ່າກວ່າ 7 ລ້ານໂດລາສະຫະລັດ, ນອກຈາກນີ້ຍັງຍຶດນໍ້າມັນກັນຊາອີກ 1,5 ກິໂລ, ມີມູນຄ່າປະມານ 75 ພັນໂດລາສະຫະ ລັດ. ຜູ້ອໍານວຍການປາບປາມຢາເສບຕິດກໍາປູເຈຍຍັງລະບຸວ່າ: ຫົວໜ້າເຄືອຂ່າຍຢາເສບຕິດຄັ້ງນີ້ເປັນຄົນຕ່າງປະເທດແຕ່ບໍ່ລະບຸວ່າປະເທດໃດ ?. ຕໍາຫລວດກໍາປູເຈຍເປີດເຜີຍວ່າ: ໄລຍະ 7 ເດືອນຂອງປີນີ້ສາມາດຍຶດຢາເສບຕິດໄດ້ປະ ມານ 90 ກິໂລ, ຫລາຍກວ່າເຄິ່ງແມ່ນຢາບ້າ ແລະ ເຮໂຣອິນທີ່ລັກລອບນໍາເຂົ້າມາຈາກລາວແລະ ສາມາດຈັບກຸ່ມຜູ້ຕ້ອງສົງໄສໄດ້ຫລາຍກວ່າ 2.200 ຄົນ ແລະ ຕໍ່ກັບຂ່າວດັ່ງກ່າວທ່ານອໍານວຍການບໍລິສັດດາວເຮືອງ ສີສຸພົນ ສີຫາລາດ ກ່າວວ່າ: ກຸ່ມບໍລິສັດພວກເຮົາຂໍສະແດງຄວາມເສຍໃຈທີ່ມີເຫດການແບບນີ້ເກີດຂຶ້ນ ແລະ ຢືນຢັນວ່າພວກເຮົາບໍ່ມີສ່ວນກ່ຽວຂ້ອງໃດໆທັງສີ້ນ, ເຊິ່ງຕະຫລອດໄລຍະຜ່ານມາກຸ່ມບໍລິສັດດາວເຮືອງແມ່ນດໍາເນີນທຸລະກິດທີ່ສຸຈະລິດ, ຊອບທໍາ, ຖືກຕ້ອງຕາມລະບຽບກົດໝາຍແຫ່ງ ສປປ ລາວ. ສ່ວນກໍລະນີໜັງສືພິມບາງກອກໂພສ ສະບັບວັນທີ 16 ກໍລະກົດ 2015 ຂຽນໂດຍ ມາຕິນ ມູດີ ໃນຫົວຂໍ້: ການສະເໜີຂໍສ້າງຮ້ານຄ້າປອດພາສີໃໝ່ (Big new laos duty free mall proposed). ວ່າ: ກຸ່ມບໍລິສັດດາວເຮືອງໄດ້ລົງທຶນໃສ່ການກໍ່ສ້າງຮ້ານຄ້າປອດພາສີຢູ່ດ່ານຂົວມິດຕະພາບ1, ນະຄອນຫລວງວຽງຈັນໃນວົງເງິນ 10 ຕື້ບາດ (ສະກຸນເງິນໄທ) ຫລື ປະມານ 295 ລ້ານໂດລາສະຫະລັດນັ້ນກໍບໍ່ເປັນຄວາມຈິງ, ເນື່ອງຈາກວ່າພວກເຮົາບໍ່ໄດ້ມີໂຄງການດັ່ງກ່າວສະເໜີຕໍ່ລັດຖະບານລາວແຕ່ຢ່າງໃດ, ສະນັ້ນ ຈຶ່ງຂໍໃຫ້ສັງຄົມເຂົ້າໃຈນໍາດ້ວຍ ແລະ ຫວັງວ່າທຸກພາກສ່ວນຈະໃຫ້ການຮ່ວມມື, ສົ່ງເສີມ, ຊ່ວຍເປັນຫູເປັນຕາເພື່ອປົກປ້ອງຜົນຜະລິດທີ່ເປັນຂອງຄົນລາວໃຫ້ຢູ່ຄູ່ກັບການພັດທະນາເສດຖະກິດຂອງຊາດຕະຫລອດໄປ ແລະ ປັດຈຸບັນຄະດີດັ່ງກ່າວພວມຢູ່ໃນຂັ້ນຕອນການສືບສວນ-ສອບສວນຂອງເຈົ້າໜ້າທີ່ເພື່ອດໍາເນີນຄະດີຕາມລະບຽບກົດໝາຍ.

 

ແຫລ່ງຂ່າວ:

ລພນ

ບົດຄວາມຫຼ້າສຸດ

ຍີ່ປຸ່ນທຸບສະຖິຕິໃໝ່! ກວດພົບຄື້ນຄວາມຮ້ອນ ອຸນຫະພູມ 41.8 ອົງສາ ພ້ອມເຕືອນໄພປະຊາຊົນໃຫ້ອອກຈາກພື້ນທີ່ສ່ຽງ

ຍີ່ປຸ່ນທຸບສະຖິຕິອາກາດຮ້ອນສູງສຸດ 41.8 ອົງສາ ເຈົ້າໜ້າທີ່ເລັ່ງອົບພະຍົບປະຊາຊົນ ພ້ອມເຕືອນໂຣກລົມແດດ 44 ແຂວງໃນຍີ່ປຸ່ນ ຂະນະດຽວກັນພາກເໜືອຮັບມືຝົນຕົກໜັກ-ສ່ຽງນ້ຳຖ້ວມຊຸ. ສຳນັກຂ່າວຕ່າງປະເທືດລາຍງານໃນວັນທີ 7 ສິງຫາ 2025 ສຳນັກງານອຸຕຸນິຍົມວິທະຍາຂອງປະເທດຍີ່ປຸ່ນ (Japan Meteorological...

ຄະນະບໍລິຫານງານພັກກະຊວງປ້ອງກັນຄວາມ ສະຫງົບ ສະໄໝທີ VI ປະກອບມີ 27 ສະຫາຍ ຍິງ 1 ສະຫາຍ

ຊົມເຊີຍ ຜົນສຳເລັດກອງປະຊຸມຄັ້ງປະຖົມມະລຶກກອງປະຊຸມໃຫຍ່ຜູ້ແທນ ຄັ້ງທີ VI ອົງຄະນະພັກກະຊວງປ້ອງກັນຄວາມສະຫງົບ ໃນຕອນເຊົ້າວັນທີ 6 ສິງຫາ 2025, ສະຫາຍ ພົອ ວິໄລ ຫຼ້າຄຳຟອງ ໄດ້ລາຍງານຜົນຂອງກອງປະຊຸມຄັ້ງປະຖົມມະລຶກຄະນະບໍລິຫານງານພັກກະຊວງປ້ອງກັນຄວາມສະຫງົບ ສະໄໝທີ...

ລາວປະເຊີນບັນຫາພລາສຕິກລົ້ນຕະຫຼາດທ່າມກາງລາຄາຕົກຕໍ່າ

ເສດຖົງຢາງທີ່ເກົ່າໝອງຈົນເກືອບແຍກສີບໍ່ອອກ ບວກກັບຕຸກນໍ້າພລາສຕິກທີ່ຖືກຖິ້ມຊະຊາຍເປັນວົງກວ້າງໃນນະຄອນຫຼວງວຽງຈັນ ເປັນພຽງສ້ຽວໜຶ່ງຂອງເລື່ອງເລົ່າກ່ຽວກັບພລາສຕິກຂອງເມືອງຫຼວງແຫ່ງນີ້. ພາຍໃຕ້ມົນລະມິດທີ່ສາມາດເບິ່ງເຫັນໄດ້ດ້ວຍຕາເປົ່ານີ້ ລ້ວນແຕ່ເຊື່ອງຊ້ອນວິກິດການຂັ້ນຮ້າຍແຮງກວ່າທີ່ຄິດໄວ້. ເນື່ອງຈາກສິ່ງດັ່ງກ່າວໄດ້ກາຍເປັນໄພຂົ່ມຂູ່ຕໍ່ສິ່ງແວດລ້ອມທາງທໍາມະຊາດຂອງລາວ ທັງເປັນໄພຂົ່ມຂູ່ຕໍ່ສຸຂະພາບຂອງຜູ້ຄົນຫຼາຍຮ້ອຍ ທີ່ຕ້ອງເພິ່ງພາການຊື້-ຂາຍສິ່ງເສດເຫຼືອປະເພດພລາສຕິກ. ໃນລະຫວ່າງວັນທີ 5 ຫາ 14 ສິງຫາ, ບັນດາຜູ້ນໍາຈາກຫຼາຍປະເທດໃນໂລກຈະມາເຕົ້າໂຮມກັນທີ່ ເຈນີວາ, ປະເທດສະວິດເຊີແລນ...

ປະກາດ-ແຕ່ງຕັ້ງ ສະຫາຍ ພົນຈັດຕະວາ ແປ້ນຄໍາ ບຸດຈັດແພງ ຮັກສາການແທນເຈົ້າແຂວງ ແຂວງບໍ່ແກ້ວ (ຜູ້ໃໝ່)

ມອບ-ຮັບ ໜ້າທີ່ ລະຫວ່າງ ເລຂາຄະນະບໍລິຫານງານພັກແຂວງ, ເຈົ້າແຂວງ ແຂວງບໍ່ແກ້ວ (ຜູ້ເກົ່າ) ກັບ ຮັກສາການແທນເລຂາຄະນະບໍລິຫານງານພັກແຂວງ, ຮັກສາການເຈົ້າແຂວງ ແຂວງບໍ່ແກ້ວ (ຜູ້ໃໝ່) ປະກາດ ແລະ ມອບ-ຮັບ...