spot_img
Homeຂ່າວພາຍ​ໃນໄຂກອງປະຊຸມຫ້ອງວ່າການທົ່ວປະເທດ ຄັ້ງທີ VI

ໄຂກອງປະຊຸມຫ້ອງວ່າການທົ່ວປະເທດ ຄັ້ງທີ VI

Published on

 ກອງປະຊຸມວຽກງານຫ້ອງວ່າການທົ່ວປະເທດ ຄັ້ງທີ VI ໄລຍະກາງສະໄໝ ໄດ້ໄຂຂຶ້ນຢ່າງເປັນທາງການ ໃນວັນທີ 19 ກັນຍາ 2013 ນີ້ ທີ່ສະໂມສອນສຳນັກງານຫ້ອງວ່າການສູນກາງພັກ (ຫຼັກ 6)ນະຄອນຫຼວງວຽງຈັນ ແລະ ຈະດຳເນີນໄປເປັນເວລາ 2 ວັນ ໂດຍການເປັນປະທານຂອງ ທ່ານ ດຣ.ບຸນປອນ ບຸດຕະນະວົງ ກຳມະການກົມການເມືອງສູນກາງພັກ,ເລຂາທິການສູນກາງພັກ, ຫົວໜ້າຫ້ອງວ່າການສູນກາງພັກ,ມີບັນດາຄະນະ ຫ້ອງວ່າການຂັ້ນສູນກາງ,ຫົວໜ້າຫ້ອງການກະຊວງ-ອົງການ, ຫົວໜ້າຫ້ອງວ່າການນະຄອນຫຼວງວຽງຈັນ, ແຂວງ ແລະ ພະນັກງານທີ່ກ່ຽວຂ້ອງເຂົ້າ ຮ່ວມ.

ໃນວາລະດຳເນີນກອງປະຊຸມເປັນເວລາ 2ວັນນັ້ນ ໃນມື້ທຳອິດ ຜູ້ເຂົ້າຮ່ວມໄດ້ຮັບຟັງການສະເໜີຮ່າງບົດລາຍງານ ວຽກງານຫ້ອງວ່າການທົ່ວປະເທດ ກາງສະໄໝ,ບົດຮຽນໃນການຈັດຕັ້ງປະຕິບັດວຽກງານຫ້ອງວ່າການລັດຖະບານ, ບົດຮຽນໃນການຈັດຕັ້ງປະຕິບັດ ວຽກງານຫ້ອງວ່າການສະພາແຫ່ງ ຊາດ,ບົດຮຽນດ້ານພິທີການ, ບົດຮຽນການຜັນຂະຫຍາຍມະຕິກອງປະຊຸມຫ້ອງວ່າການທົ່ວປະເທດ ຄັ້ງທີ VI,ບົດຮຽນການຄຸ້ມຄອງທຸລະກິດ,ການປັບ ປຸງຄຸນະພາບການເປັນເສນາທິການ,ການສະໜອງຂ່າວຮັບໃຊ້ການນຳຕາມທິດ “ວ່ອງໄວ,ຊັດເຈນ”,ການປັບປຸງວຽກງານ ເສນາທິການຕິດພັນກັບ ວຽກງານ 3ສ້າງ,ບົດຮຽນການບໍລິການຮັບໃຊ້ການນຳ,ການບຳລຸງສ້າງພະນັກງານຮັບໃຊ້ການນຳ, ການເຮັດໜ້າທີ່ໃຈກາງປະສານງານ, ການນຳໃຊ້ ເຕັກໂນໂລຊີຂ່າວສານ.

ສ່ວນມື້ທີສອງຈະໄດ້ຮັບຟັງການສະເໜີເອກະສານສຳຄັນຕ່າງໆ ເຊັ່ນ:ເອກະສານຜັນຂະຫຍາຍວຽກງານ 3ສ້າງຂອງຫ້ອງວ່າການ, ເອກະສານກະກຽມ ກອງປະຊຸມໃຫຍ່ 3ຂັ້ນຂອງພັກ ບົດແນະນຳການກະກຽມຮ່າງລາຍງານການເມືອງ,ເອກະສານຂໍ້ແຂ່ງຂັນຮັກຊາດ ແລະ ພັດທະນາ ຂອງຫ້ອງວ່າ ການ.ນອກຈາກນັ້ນ ຍັງຈະມີພິທີມອບຄອມພິວເຕີໃຫ້ຫ້ອງວ່າການເມືອງ 3ສ້າງ ເພື່ອນຳໃຊ້ເຂົ້າໃນການປະຕິບັດວຽກງານ ໃຫ້ມີຄວາມສະດວກວ່ອງໄວ ຂຶ້ນຕື່ມອີກ.

ຕອນທ້າຍ ກອງປະຊຸມຈະໄດ້ຮັບຟັງການໂອ້ລົມ ຂອງທ່ານ ດຣ.ບຸນປອນ ບຸດຕະນະວົງ ກຳມະການກົມການເມືອງສູນກາງພັກ, ເລຂາທິການສູນກາງ ພັກ, ຫົວໜ້າຫ້ອງວ່າການສູນກາງພັກ

ທີ່ມາhttp://www.kpl.net.la

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...