ສຳລັບການແຂ່ງຂັນບານເຕະເຍົາວະຊົນຮຸ່ນອາຍຸ ບໍ່ເກີນ 16 ປີ ຫຼື ຢູ-16 ຊີງແຊ້ມອາຊີ 2016 ຮອບຄັດເລືອກ ກຸ່ມ H ທີ່ປະເທດສິງກະໂປ ເປັນເຈົ້າພາບລະຫວ່າງວັນທີ 2-6 ກັນຍາ 2015.

ຜົນປາກົດວ່າ ສປປ ເກົາຫຼີ ສ້າງຜົນງານໄດ້ຢ່າງໂດດເດັ່ນສົມກັບເປັນແຊ້ມເກົ່າ ເມື່ອປີ 2014 ຫຼັງຈາກເກັບໄຊຊະນະ 3 ນັດລວດ ມີ 9 ຄະແນນເຕັມ ຜ່ານເຂົ້າຮອບສຸດທ້າຍ ເປັນຊາດທີ 2 ຕໍ່ຈາກອິນເດຍ ທີ່ໄດ້ສິດເຂົ້າຮອບສຸດທ້າຍໃນຖານະເຈົ້າພາບ.

ສຳລັບຜົນງານຂອງ ຢູ-16 ສປປ ເກົາຫຼີ ໃນຮອບຄັດເລືອກ ກຸ່ມ H ນັດທຳອິດ ຖະຫຼົ່ມ ກຳປູເຈຍ ເຖິງ 7-0 ປະຕູ, ນັດ ທີ 2 ຊະນະ ສິງກະໂປ ເຈົ້າພາບຂາດຮອຍ
3-0 ແລະ ນັດສຸດທ້າຍ ຊະນະ ໄທ 2-0 ປະຕູ, ສົ່ງຜົນໃຫ້ ສປປ ເກົາຫຼີ ເປັນ ອັນດັບ 1 ຂອງກຸ່ມ ມີ 9 ຄະ ແນນ, ອັນດັບ 2 ໄທ ມີ 6 ຄະ ແນນ, ອັນດັບ 3 ສິງກະໂປ ມີ 3 ຄະແນນ ແລະ ກຳປູເຈຍ ຢູ່ອັນດັບສຸດທ້າຍ ບໍ່ມີຈັກຄະແນນ.

ສ່ວນການແຂ່ງຂັນຮອບສຸດທ້າຍ ທີ່ປະເທດອິນເດຍ ເປັນເຈົ້າພາບລະຫວ່າງວັນທີ 15 ກັນຍາ ຫາ 2 ຕຸລາ 2016 ຈະມີ 16 ທີມເຂົ້າຮ່ວມ ຄື: ທີມອັນ ດັບ 1 ຂອງແຕ່ລະກຸ່ມ ແລະ ທີມອັນດັບ 2 ອີກ 5 ທີມທີ່ ມີຄະແນນທີ່ດີທີ່ສຸດໃນຮອບຄັດເລືອກ.