spot_img
Homeຂ່າວພາຍ​ໃນຫາລືການຂະຫຍາຍໄຟຟ້າລົງສູ່ຊົນນະບົດ

ຫາລືການຂະຫຍາຍໄຟຟ້າລົງສູ່ຊົນນະບົດ

Published on

ຫາລືການຂະຫຍາຍໄຟຟ້າລົງສູ່ຊົນນະບົດ

ກອງ​ປະຊຸມ​ສຳ​ມະ​ນາ​ກ່ຽວ​ກັບ​ການ​ຂະຫຍາຍ​ຕາ​ໜ່າງ​ໄຟຟ້າ​ຊົນນະບົດ ຈັດ​ຂຶ້ນ​ວັນ​ທີ 11 ກັນຍາ 2013 ທີ່​ໂຮງແຮມ​ເສດ​ຖາ​ປາ​ລາ​​ສ ໂດຍ​ມີ​ທ່ານ ຫັດສະດີ ສີ​ສຸ​ລາດ ຫົວໜ້າ​ສະ​ຖາ​ບັນ​ສົ່ງເສີມ​ພະລັງງານ​ທົດ​ແທນ ກະຊວງ​ພະລັງງານ ແລະ ບໍ່​ແຮ່ ທ່ານ Christer Nyman ຫົວໜ້າ​ທີ່​ປຶກສາ​ດ້ານ​ວິຊາ​ການ​ຂອງ​ອົງການ EEP Mekong ທ່ານ Yves Maigne ຜູ້ອຳນວຍການ​ໃຫຍ່​ກອງ​ທຶນ Fondem ມີ​ຫົວໜ້າ​ພະ​ແນກ​ພະລັງງານ ແລະ ບໍ່​ແຮ່​ແຂວງ​ຫຼວງ​ພະ​ບາງ ຕາງໜ້າ​ອົງ​ການຈັດຕັ້ງ​ສາກົນ ປະຈຳ​ລາວ ແລະ ພະນັກງານ​ທີ່​ກ່ຽວຂ້ອງ​ເຂົ້າ​ຮ່ວມ.

ສຳລັບ​ຈຸດປະສົງ​ຂອງ​ການ​ປຶກສາ​ຫາລື​ຄັ້ງ​ນີ້ ແມ່ນ​ແນໃສ່​ເພື່ອ​ເປັນ​ການ​ຂະຫຍາຍ​ໄຟຟ້າ​ພະລັງງານ​ທົດ​ແທນ ໃຫ້​ແກ່​ປະຊາຊົນ​ໃນ​ສອງ​ບ້ານ​ຂອງ​ແຂວງ​ຫຼວງ​ພະ​ບາງ ສາມາດ​ຊົມໃຊ້​ໄຟຟ້າ​ໄດ້​ຢ່າງ​ທົ່ວ​ເຖິງ ປະກອບສ່ວນ​ໃນ​ການ​ລຶບລ້າງ​ຄວາມທຸກ​ຍາກ ທັງ​ເປັນ​ການ​ປະກອບສ່ວນ​ເຂົ້າ​ໃນ​ການ​ຂະຫຍາຍ​ຕາ​ໜ່າງ​ໄຟຟ້າ ໃນ​ຂອບ​ເຂດ​ທົ່ວ​ປະເທດ ໃຫ້​ໄດ້ 90% ໃນ​ປີ 2020 ສ່ວນ​ກິດຈະກຳ​ຂອງ​ໂຄງການ ແມ່ນ​ຈະ​ໄດ້​ຂະຫຍາຍ​ຕາ​ຂ່າຍ​ໄຟຟ້າ​ເຂົ້າ​ບ້ານ​ຫ້ວຍ​ຜາ ຊຶ່ງ​ປະກອບ​ມີ 83 ຄົວ​ເຮືອນ ມີ​ພົນລະເມືອງ 500 ກວ່າ​ຄົນ ໂດຍ​ການ​ຕິດ​ຕັ້ງ​ແຜງ​ພະລັງງານ​ແສງ​ຕາເວັນ.

ທີ່ມາhttp://www.vientianemai.net

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...