ການ​ຈອດ​ລົດ​ຖິ້ມ​ໄວ້​ດົນ​ໆຫລາຍ​ມື້ ຫລາຍ​ອາທິດ ຫລື​ບາງເທື່ອ​ອາດຈະ​ເປັນ​ເດືອນ​ເລີຍ​ກໍ​ໄດ້ ຈາກ​ການ​ທີ່​ເຮົາ​ອາດຈະ​ມີ​ວຽກ ​ຫລື​ ທ່ອງ​ທ່ຽວ  ການ​ຈອດ​ລົດ​ຖິ້ມ​ໄວ້​ດົນໆ​ຍ່ອມ​ມີ​ຜົນ​ເສຍຢ່າງ​ແນ່ນອນ ເມື່ອ​ຮູ້​ແບບນີ້​ແລ້ວ​ເຮົາ​ຈຶ່ງ​ຄວນ​ຮູ້​ວິທີ​ຈັດການ​ກັບ​ບັນຫາເມື່ອ​ຕ້ອງ​ຈອດ​ລົດ​ຖິ້ມ​ໄວ້​ດົນ​ໆ ເຮົາ​ຄວນ​ເຮັດ​ຢ່າງໃດ
1. ຝາກ​ໃຫ້​ຄົນ​ທີ່ໄວ້ໃຈຊ່ວຍສະ​ຕາລ໌​ລົດ 2-3 ມື້​ໜຶ່ງ​ເທື່ອ ຫລື ຢ່າງ​ນ້ອຍ​ສຸດ​ອາທິດ​ລະ 1 ເທື່ອ
2. ທຳການ​ກວດ​ເຊັກ​ລະ​ດັບ​ຂອງ​ແຫລວ​ຕ່າງໆ​ໃນ​ສ່ວນ​ຂອງ​ເຄື່ອງ​ຈັກເຊັ່ນ ນ້ຳ​ໃນ​ໝໍ້​ນ້ຳ, ນ້ຳ​ມັນ​ເຄື່ອງ ຫລື​ຂອງ​ແຫລວ​ຕ່າງໆ​ເພື່ອ​ປ້ອງ​ກັນ​ການ​ເກີດ​ຂີ້ໝ້ຽງກິນ
3. ນຳ​ລົດ​ໄປ​ລ້າງ​ໃຫ້​ສະ​ອາດ ເພື່ອ​ປ້ອງ​ກັນ​ສິ່ງເປິະເປື້ອນ​ບໍ່​ໃຫ້​ຕິດ​​ສີ​ລົດ​ດົນ​ເກີນ​ໄປ
4. ພະຍາຍາມ​ຈອດ​ລົດ​ໃນ​ທີ່​ຮົ່ມ ຫາ​ຜ້າ​ຄຸມ​ລົດ​ໄວ້​ເພື່ອ​ປ້ອງ​ກັນ​ແສງ​ແດດ ແລະ​ສິ່ງ​ເປິະເປື້ອນ
5. ເຕີມ​ລົມ​ຢາງ​ໃຫ້​ແຂງ​ກວ່າ​ປົກກະຕິ ເພື່ອ​ປ້ອງ​ກັນ​ນ້ຳ​ໜັກ​ຂອງ​ລົດ​ ກົດລົມຢາງ​ຫລາຍ​ເກີນ​ໄປ​ຈົນ​ເສຍ​ຮູບ
6. ທຳການ​ຖອດ​ແບດ​ເຕີ​ລີ່​ອອກ ເພື່ອ​ປ້ອງ​ການ​ແບດ​ໝົດ ເພາະ​ລົດ​ຈະ​ທຳການ​ດຶງ​ໄຟ​ຈາກ​ແບດ​ເຕີ​ລີ່​ຕະຫລອດ​ເວລາ ແລະ​ຄວນ​ໃຫ້​ຜູ້​ຊ່ຽວຊານ​ຊ່ວຍ​ຖອດ​ໃຫ້​ເພື່ອ​ຄວາມ​ປອດ​ໄພ

ພຽງ​ເທົ່າ​ນີ້​ເຮົາ​ກໍ​ສາມາດ​ທີ່​ຈະ​ຈອດ​ລົດ​ຖິ້ມ​ໄວ້​ດົນ​ໆ ໂດຍ​ບໍ່​ຕ້ອງ​ເປັນ​ກັງ​ວົນ​ແລ້ວ