Homeຂ່າວເຫດການນາຍົກລັດຖະມົນຕີ ຕ້ອນຮັບຄະນະຜູ້ແທນ ກະຊວງປ້ອງກັນປະເທດ ສສ ຫວຽດນາມ

ນາຍົກລັດຖະມົນຕີ ຕ້ອນຮັບຄະນະຜູ້ແທນ ກະຊວງປ້ອງກັນປະເທດ ສສ ຫວຽດນາມ

Published on

vietnam

ຂປລ. ສະຫາຍ ທອງ​ສິງ ທໍາ​ມະ​ວົງ ນາຍົກລັດຖະມົນຕີ​ແຫ່ງ ສປປ ລາວ ​ໄດ້​ໃຫ້​ກຽດ​ຕ້ອນຮັບ​ ການ​​ເຂົ້າ​ຢ້ຽມ​ຄໍານັບ ​ຂອງ​ຄະນະ​ຜູ້​ແທນ​ກະຊວງ​ ປ້ອງ​ກັນ​ປະ​ເທດ​ ​ແຫ່ງ ສສ ຫວຽດນາມ ​ເຊິ່ງນໍາ​ໂດຍ ສະຫາຍ ພົນ​ໂທ ​ໂດ​ບາ​ຕິ ຫົວໜ້າ​ກົມ​ໃຫຍ່ ​ເສນາ​ທິການ, ລັດຖະມົນຕີ​ຊ່ວຍ​ວ່າການ​ ກະຊວງ​ປ້ອງ​ກັນ​ປະ​ເທດ ​ແຫ່ງ ສສ ຫວຽດນາມ ​ໃນ​ວັນ​ທີ 27 ສິງຫາ 2015 ນີ້ ຢູ່​ຫ້ອງ​ວ່າການ​ລັດຖະມບານ. ​ໃນ​ໂອກາດ​ທີ່​ຄະນະ​ດັ່ງກ່າວ ​ໄດ້​ເດີນທາງ​ມາ​ຢ້ຽມຢາມ ​ແລະ ​ເຮັດ​ວຽກ​ຢູ່ ສປປ ລາວ ​ແຕ່​ວັນ​ທີ 26-27 ​ສິງຫາ​ ນີ້.

ໃນ​ໂອກາດ​ດັ່ງກ່າວ ສະຫາຍ ທອງ​ສິງ ທໍາ​ມະ​ວົງ ນາຍົກລັດຖະມົນຕີ ​ໄດ້​ສະ​ແດງ​ຄວາມ​ຍິນ​ດີ​ຕ້ອນຮັບ ຂອບ​ໃຈ ​ແລະ ຊົມ​ເຊີຍ, ພ້ອມ​ທັງ​ຕີ​ລາຄາ​ສູງ​ຕໍ່ ທ່ານ ພົນ​ໂທ ​ໂດ​ບາ​ຕີ ທີ່​ໄດ້​ນໍາພາ​ຄະນະ​ຜູ້​ແທນ​ ກະຊວງ​ປ້ອງ​ກັນ​ປະ​ເທດ ​ແຫ່ງ ສສ ຫວຽດນາມ​ ມາ​ຢ້ຽມຢາມ ​ແລະ ​ເຮັດ​ວຽກ​ຢູ່ ສປປ ລາວ​ ໃນ​ຄັ້ງ​ນີ້, ​ເຊິ່ງ​ເປັນ​ການ​ປະກອບສ່ວນ​ ອັນ​ສໍາຄັນ ​ເຂົ້າ​ໃນ​ການ​ເສີມ​ຂະຫຍາຍ​ ສາຍ​ພົວພັນມິດຕະພາບ ຄວາມ​ສາມັກຄີ​ພິ​ເສດ ​ແລະ ການ​ຮ່ວມ​ມື​ຮອບດ້ານ ລະຫວ່າງ ສອງ​ພັກສອງ​ລັດ ​ແລະ ປະຊາຊົນ​ສອງ​ຊາດ ລາວ-ຫວຽດນາມ ອ້າຍ​ນ້ອງ​ທີ່​ມີ​ມູນ​​ເຊື້ອ ​ຄວາມ​ສາມັກຄີ​ຮ່ວມ​ສູ້​ຮົບ​ນໍາ​ກັນຢ່າງ​ຍາວ​ນານ ​ໃຫ້​ນັບ​ມື້​ຫຍັບ​ເຂົ້າ​ສູ່​ລວງ​ເລິກ​ເທື່ອ​ລະ​ກ້າວ, ​ໂດຍ​ສະ​ເພາະ​​ ການ​ພົວພັນ​ຮ່ວມ​ມື ລະຫວ່າງ ​ສອງ​ກະຊວງ​ປ້ອງ​ກັນ​ປະ​ເທດ ​ລາວ-ຫວຽດນາມ​ ໃຫ້​ນັບ​ມື້​ນັບ​ແໜ້ນ​ແຟ້ນຍິ່ງໆ​ຂຶ້ນ.

ສະຫາຍ ພົນ​ໂທ ​ໂດ​ບາ​ຕີ ​ໄດ້​ຕາງໜ້າ​ຄະນະ ສະ​ແດງ​ຄວາມ​ຂອບ​ໃຈ​ຕໍ່ ສະຫາຍ ທອງ​ສິງ ທໍາ​ມະ​ວົງ ທີ່​ໄດ້​ສະຫລະ​ເວລາ​ອັນ​ມີຄ່າ​ ໃຫ້ການ​ຕ້ອນຮັບ​ຢ່າງ​ອົບ​ອຸ່ນ​ໃນ​ຄັ້ງ​ນີ້, ພ້ອມ​ທັງ​ໄດ້​ແຈ້ງ​ຈຸດປະສົງ ​ຂອງ​ການ​ເດີນທາງ​ມາ​ຢ້ຽມຢາມ ​ແລະ ​ເຮັດ​ວຽກ​ຢູ່ ສປປ ລາວ ​ຄັ້ງ​ນີ້​ໃຫ້​ ສະຫາຍ ທອງ​ສິງ ທຳ​ມະ​ວົງ ນາຍົກລັດຖະມົນຕີ​ ໄດ້​ຮັບ​ຊາບ​ຕື່ມ​.

 

ຂອບໃຈຂ່າວຈາກ:

ຂປລ

ບົດຄວາມຫຼ້າສຸດ

ແຂວງຊຽງຂວາງ ໄດ້ຊີ້ແຈງເຫດການປາຕາຍ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາ

ໃນວັນທີ 19 ພະຈິກ 2026, ຄະນະທີມງານສະເພາະກິດເມືອງແປກ ແຂວງຊຽງຂວາງ ໄດ້ຊີ້ແຈງເຫດການປາຕາຍເປັນຈໍານວນຫລາຍໃນນໍ້າຫ້ວຍຫີນລາຍ ລະຫວ່າງຊາຍແດນບ້ານຍວນ ແລະ ບ້ານໂພນງາມເໜືອ ເມືອງແປກ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາທີ່ບໍ່ຖືກຕ້ອງຕາມກົດໝາຍ ຢູ່ບ້ານໂພນງາມເໜືອ....

ໂດຍຕອບສະໜອງຄໍາເຊື້ອເຊີນຂອງສະຫາຍ ຢູນ ເຈີງ ໂຮ, ລັດຖະມົນຕີກະຊວງພົວພັນເສດຖະກິດກັບຕ່າງປະເທດ ແຫ່ງ ສປປ ເກົາຫຼີ, ສະຫາຍ ມະໄລທອງ ກົມມະສິດ, ລັດຖະມົນຕີກະຊວງອຸດສາຫະກໍາ ແລະ ການຄ້າ...

ໄລຍະ 9 ເດືອນ ປີ 2026, ແຂວງອັດຕະປື ກໍ່ຄືພະແນກໂຍທາທິການ ແລະ ຂົນສົ່ງແຂວງ ໄດ້ເປັນເຈົ້າການຕິດຕາມ ແລະ ຄວບຄຸມຄຸນນະພາບໂຄງການກໍ່ສ້າງ-ສ້ອມແປງຂົວ-ທາງ ທີ່ເປັນໂຄງການສືບຕໍ່ ຈໍານວນ...

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...