spot_img
Homeຂ່າວການພັດທະນານັກທ່ອງທ່ຽວຈີນ ຄອງອັນດັບ 3 ເດີນທາງເຂົ້າຢ້ຽມຢາມລາວ

ນັກທ່ອງທ່ຽວຈີນ ຄອງອັນດັບ 3 ເດີນທາງເຂົ້າຢ້ຽມຢາມລາວ

Published on

chalern

ຂປລ. ​ເພື່ອ​​ປະຕິບັດ​ຕາມ ​ແນວທາງ​ນະ​ໂຍບາຍ​ ຂອງ​ພັກ ​ແລະ ລັດຖະບານ​ລາວ​ ໃນ​ການ​ຮ່ວມ​ມື​ ດ້ານ​ການທ່ອງທ່ຽວ​ ລະຫວ່າງ​ປະຊາຊົນ​ສອງ​ຊາດ​ ລາວ​-ຈີນ ມັນ​ໄດ້​​ເປັນການ​ ເພີ່ມ​ພູນ​ຄູນ​ສ້າງ ສາຍພົວພັນ ມິດຕະພາບ ​ແລະ ການ​ຮ່ວມ​ມືອັນ​ດີງາມ ​ທີ່​ເປັນ​ມູນ​ເຊື້ອ​ມາ​ແຕ່​ດົນ​ນານ​ນັ້ນ ​​ໃຫ້ຈະ​ເລີ​ນງອກ​ງາມ ​ແລະ ​ແຕກ​ດອກ​ອອກ​ຜົນ​ຍິ່ງຂຶ້ນ.

ທ່ານ ຈະ​ເລີ​ນ ວາລິນທະລາ​ສັກ ລັດຖະມົນຕີ​ຊ່ວຍ​ວ່າການ ກະຊວງ​ຖະ​ແຫລ​ງຂ່າວ, ວັດທະນະທຳ ​ແລະ ທ່ອງ​ທ່ຽວ ກ່າວ​ວ່າ: ການ​ຮ່ວມ​ມື​ ລະຫວ່າງ ປະຊາຊົນສອງ​ຊາດ​ ລາວ-ຈີນ ພວກ​ເຮົາ​ແມ່ນ​ມີ​ເງື່ອນ​ໄຂ​ ທີ່​ອຳນວຍ​ຄວາມ​ສະດວກ ​ ໃຫ້​ແກ່​ການ​ໄປມາຫາສູ່​ກັນ​ຫລາຍ​ດ້ານ​, ​ໂດຍ​ສະ​ເພາະ​ ທາງ​ພາກ​ເໜືອ​ຂອງ ​ສປປ ລາວ ​ມີ​ຊາຍ​ແດນ​ເຊື່ອມ​ຈອດ​ກັບ​ ສປ ຈີນ 504 ກິ​ໂລ​ແມັດ, ມີ​ດ່ານ​ສາກົນ 3 ​ແຫ່ງ, ພ້ອມ​ດ້ວຍ​ເສັ້ນທາງ​ເຊື່ອມ​ຕໍ່​ທັງ​ທາງບົກ, ທາງ​ນ້ຳ ​​ແລະ ທາງ​ອາກາດ. ມີ​ສາຍ​ການບິນ​ໂດຍ​ກົງ 5 ​ເສັ້ນທາງ​ບິນ. ຍ້ອນ​ການ​ເປີດ​ເສັ້ນທາງ​ບິນ​ ຫລາຍ​ເສັ້ນທາງ​ຄື​ດັ່ງກ່າວ​ນັ້ນ ​ໄລຍະ​ຜ່ານ​ມາ​ຈຳນວນ​ ນັກ​ທ່ອງ​ທ່ຽວປະ​ເທດຈີນ ທີ່​ເດີນທາງ​ມາ​ທ່ອງ​ທ່ຽວ ​ ສປປ ລາວ ຈຶ່ງ​ນັບ​ມື້​ນັບ​ເພີ່ມ​ຂຶ້ນ​ເລື້ອຍໆ ຄື: ປີ 2012 ມີ​ 199.000 ກວ່າ​ຄົນ, ປີ 2013 ມີ 245.000 ກວ່າ​ຄົນ ​ແລະ ປີ 2014 ມີ 422.000 ກວ່າ​ຄົນ ​ໄດ້​ເພີ່ມ​ຂຶ້ນ 72% ທຽບ​ໃສ່​ປີ 2013. ຈຳນວນ​ນັກ​ທ່ອງ​ທ່ຽວ​ຈີນ ​ແມ່ນ​ເປັນອັນ​ດັບ 3 ຂອງນັກ​ທ່ອງ​ທ່ຽວ​ຕ່າງປະ​ເທດ​ ທີ່​ເຂົ້າ​ມາ​ທ່ອງ​ທ່ຽວ ​ລາວ, ຖັດຈາກ​ນັກ​ທ່ອງ​ທ່ຽວ​ປະ​ເທດ​ໄທ ​ແລະ ຫວຽດນາມ. ​ໃນ​ປີ 2014 ນັກ​ທ່ອງ​ທ່ຽວ​ຕ່າງປະ​ເທດ​ເຂົ້າ​ມາ​ທ່ອງ​ທ່ຽວ​ລາວ​ ທັງ​ໝົດ 4,1 ລ້ານ​ກວ່າ​ຄົນ ​ເພີ່ມ​ຂຶ້ນ 10% ທຽບ​ໃສ່​ປີ 2013.

ປັດຈຸບັນ ​ ສປປ ລາວ ​ມີ​ເສັ້ນທາງ​ບິນ​​ຕົງໄປ​ຍັງ​ ສປ ຈີນ​ ຄື: ວຽງ​ຈັນ-​ເຊີນ​ຕູ, ວຽງ​ຈັນ-ຄຸນ​ໝິງ, ວຽງ​ຈັນ-ຊ່າງ​ໂຈ, ວຽງ​ຈັນ-ກວາງ​ໂຈ ​ແລະ ຫລວງ​ພະ​ບາງ-ຊຽງ​ຮຸ່ງ.

 

ຂອບໃຈຂ່າວຈາກ:

ຂປລ

ບົດຄວາມຫຼ້າສຸດ

ສສກ ຈະສຸມໃສ່ປະຕິຮູບລະບົບການສຶກສາ ສາຍສາມັນ ຈາກ 5+4+3 ເປັນ 6+3+3

ອົງຄະນະພັກ ສສກ ຈະສຸມໃສ່ປະຕິຮູບລະບົບການສຶກສາ ສາຍສາມັນ ຈາກ 5+4+3 ເປັນ 6+3+3 ສະຫາຍ ຮສ.ປອ ທອງສະລິດ ມັງໜໍ່ເມກ ເລຂາທິການສູນກາງພັກ, ເລຂາຄະນະບໍລິຫານງານພັກ, ລັດຖະມົນຕີ...

ແຈ້ງເຕືອນຈາກກົມໃຫຍ່ຕຳຫຼວດ ໃຫ້ລະວັງ 10 ລັກສະນະການກໍ່ເຫດທີ່ເປັນການສໍ້ໂກງຊັບ ຖ້າພົບເຫັນເຫດລັກສະນະນີ້ ສາມາດແຈ້ງດຳເນີນຄະດີໄດ້

- ອີງຕາມ ຂໍ້ຕົກລົງຂອງລັດຖະມົນຕີກະຊວງປ້ອງກັນຄວາມສະຫງົບ ລົງວັນທີ 05 ມັງກອນ 2022 ວ່າດ້ວຍການຈັດຕັ້ງ ແລະ ການເຄື່ອນໄຫວຂອງກົມໃຫຍ່ຕໍາຫຼວດ. ເພື່ອປ້ອງກັນ ບໍ່ໃຫ້ທຸກຄົນໃນສັງຄົມ ຕົກເປັນເຫຍື່ອຂອງກຸ່ມແກ້ງສໍ້ໂກງຊັບທາງໂທລະຄົມ ແລະ...

ປະຫວັດບໍ່ທຳມະດາ ກໍລະນີແມ່ຕູ້ຄົນໄຕ້ຫວັນຖືກຖີບເທິງລົດໄຟຕອນນີ້ ຖືກກັກໂຕພ້ອມດຳເນີນຄະດີແລ້ວ

ໃນວັນທີ 01/10/2025 ທີ່ຜ່ານມາ, ສຳນັກຂ່າວໃນໄຕ້ຫວັນໄດ້ລາຍງານວ່າ ມີເຫດບໍ່ຄາດຄິດກ່ຽວກັບຜູ້ສູງ ກໍລະນີແມ່ຕູ້ທີ່ຖືກຍິງສາວປະເພດສອງ (LGBTQ) ຖີບຢູ່ໃນລົດໄຟ ໃນວັນທີ 29/09/2025 ທີ່ຜ່ານມາ, ເຊິ່ງກຳລັງເປັນກະແສດັງໃນໃນສື່ສັງຄົມອອນລາຍໃນປັດຈຸບັນ.ສາເຫດເກີດຈາກການຍາດບ່ອນນັ່ງພິເສດພາຍໃນຂະບວນລົດໄຟແຫ່ງໜຶ່ງໃນໄຕ້ຫວັນ ເນື່ອງຈາກບ່ອນນັ່ງນັ້ນເປັນບ່ອນຂອງຜູ້ສູງອາຍຸ ແມ່ຕູ້ິເລີຍພະຍາຍາມໄລ່ຍິງສາວປະເພດສອງອອກຈາກບ່ອນນັ່ງ...

ມີຜູ້ເສຍຊີວິດ 3 ຄົນຈາກຜົນກະທົບພະຍຸບົວລອຍ ພັດຜ່ານບ້ານກໍໄຮ ເມືອງອະນຸວົງ

ໜັກໜ່ວງ ພາຍຸບົວລອຍ ພັດຜ່ານບ້ານກໍໄຮ ເມືອງອະນຸວົງ ແຂວງໄຊສົມບູນ ເຮັດໃຫ້ມີຄົນເສຍຊີວິດແລ້ວ 3 ຄົນ. ແຫຼ່ງຂ່າວຈາກແຂວງໄຊສົມບູນ ແຈ້ງໃຫ້ຮູ້ວ່າ: ວັນທີ 30 ກັນຍາ 2025, ທ່ານ...