ໃນການແຂ່ງຂັນບານເຕະ AFC U14 REGIONAL FESTIVAL OF FOOTBALL 2015 ຢູ່ທີ່ປະເທດບຣູໄນ ເປັນເຈົ້າພາບ ທີມຊາດລາວຢູ່ໃນກຸ່ມ B, ໃນມື້ນີ້ວັນທີ 19 ສິງຫາ 2015 ທີມຊາດ ລາວ ຈະລົງສະໜາມພົບກັບທີມຊາດ ສິງກະໂປ ໃນເວລາ 20:15 ໂມງ ຢູ່ທີ່ສະໜາມ ແທຣັກ ແອນຟິວ ສະປອດ ຄອມເພລັກຊ໌, ເຊີ່ງຜົນໃນການແຂ່ງຂັນແມ່ນ ທີມຊາດລາວ ເສຍໃຫ້ ທີມຊາດສິງກະໂປ 0-1 ປະຕູ, ທີມຊາດລາວລົງແຂ່ງຂັນ 2 ນັດ ເສຍ 2 ນັດ , ນັດທຳອິດເສຍໃຫ້ໄທ 1-2 ປະຕູ ນັດທີ 2 ເສຍໃຫ້ສິງກະໂປ 0-1 ປະຕູ ແລະ ນັດຕໍໄປແມ່ນຈະພົບກັບທີມຊາດຫວຽດນາມໃນວັນທີ 21 ສິງຫາ 2015 ເວລາ 16:00 ໂມງ