ຕອນເຊົ້າວັນທີ 4 ກັນຍາ 2013 ນີ້, ຢູ່ທີ່ສະໂມສອນກອງ ບັນຊາການທະຫານແຂວງອຸດົມໄຊ, ໄດ້ຈັດຕັ້ງເຜີຍແຜ່ ເຊື່ອມຊຶມຂໍ້ກຳນົດວ່າດ້ວຍ ການຄຸ້ມຄອງຕົວເມືອງໆໄຊ ໂດຍສະເພາະແມ່ນການຈັດ ຕັ້ງປະຕິບັດ “4 ສໍ” ຄື: ສໍ ສີ ຂຽວ, ສໍ ສະອາດ, ສໍ ສະຫວ່າງ ແລະ ສໍ ສະຫງົບ.
ໂດຍການເຜີຍແຜ່ຂອງສະຫາຍພັນໂທ ສົມເພັດ ສຸລິວັນ, ຄະນະພັກກອງບັນຊາການ, ຫົວໜ້າຫ້ອງການກອງ
ບັນຊາການທະຫານແຂວງອຸດົມໄຊ, ມີຫົວໜ້າພະແນກ- ຮອງພະແນກ, ພະນັກງານຫຼັກ ແຫລ່ງ, ພະນັກງານ-ນັກຮົບ ກົມກອງອ້ອມຂ້າງກອງບັນ ຊາການທະຫານແຂວງເຂົ້າຮ່ວມຮັບຟັງ 100 ກວ່າສະ ຫາຍ. ຊຶ່ງຂໍ້ກຳນົດ, ກົດລະ ບຽບດັ່ງກ່າວມີທັງໝົດ 9 ໝວດ, 16 ມາດຕາ.
ຈຸດປະສົງແມ່ນເພື່ອເຮັດໃຫ້ ນາຍ ແລະ ພົນທະຫານເຮົາ ຮັບຮູ້ເຖິງຄວາມສຳຄັນໃນ ມາດຕະການ ແລະ ຂໍ້ກຳນົດ ໃນການຄຸ້ມຄອງ ແລະ ພັດ ທະນາຕົວເມືອງໂດຍສະ ເພາະເມືອງໄຊ, ເຊິ່ງເປັນເທ ສະບານເມືອງ ໄຊ ໃຫ້ໄດ້ຮັບ ການຄຸ້ມຄອງດ້ວຍສະຕິປະ ຕິບັດລະບຽບກົດໝາຍ, ຕົວ ເມືອງໄດ້ຮັບການປົກປັກຮັກ ສາ ແລະ ພັດທະນາຢ່າງຖຶກ ຕ້ອງຕາມແນວທາງແຜນນະ ໂຍບາຍຂອງພັກ-ລັດວາງ ອອກໃນແຕ່ລະໄລຍະ, ຮັບປະ ກັນໃຫ້ແກ່ຊີວິກການເປັນຢູ່, ຊັບ ສິນ, ກົມກອງລວມ ໝູ່, ບຸກຄົນ, ຄອບຄົວໃຫ້ມີສະ ຫງົບປອດໄພ, ຕົວເມືອງມີ ຄວາມເປັນລະບຽບຮຽບ ຮ້ອຍ, ຖະຫນົນຫົນທາງ, ສະ ຖານທີ່ສາທາລະນະ, ສຳນັກ ງານອົງການໃຫ້ມີຄວາມສະ ອາດສວຍງາມ, ທັງເປັນການ ສ້າງຜົນງານຕ້ອນຮັບວັນສ້າງຕັ້ງກອງທັບປະຊາຊົນລາວຄົບຮອບ 65 ປີ ແລະ ງານມະຫາກຳກິລາຄັ້ງທີ 10 ປີ 2014 ທີ່ແຂວງອຸດົມໄຊ ເປັນເຈົ້າພາບ.
![mon9sep1](https://laopost.com/wp-content/uploads/2013/09/mon9sep1.png)