ທີມຊາດລາວ ຊຸດໃຫຍ່ ກຽມແຂ່ງຂັນນັດມິດຕະພາບ 2 ນັດ ເຊິ່ງຈະ ພົບ ສະໂມສອນ ໂຄລາດ ສະວາດ ແຄສ ຈາກປະເທດ ໄທ ແລະ ທີມຊາດ ກໍາປູເຈຍ ກ່ອນແຂ່ງຂັນບານໂລກຮອບ 2018 ຮອບຄັດເລືອກ ຈະເລີ່ມຂຶ້ນໃນຕົ້ນເດືອນກັນຍາ
ເຊິ່ງລາວ ຈະອອກໄປຢາມ ສ.ເກົາຫລີ ໂດຍຈະແຂ່ງຂັນຢູ່ທີ່ສະຫນາມ Hwaseong Stadium in Hwaseong ສ.ເກົາຫລີ ໃນວັນທີ 3 ກັນຍາ ນີ້ .

ເຊິ່ງນັກເຕະຈະເຂົ້າມາລາຍງານໂຕເຝິກຊ້ອມຢູ່ທີ່ ສະຫະພັນບານເຕະແຫ່ງຊາດລາວ ໃນວັນທີ 22 ສິງຫາ ແລະ ໃນວັນທີ 26 ສິງຫາ ຈະເດີນທາງໄປ ໂຄລາດ .

ໃນການແຂ່ງຂັນບານໂລກ2018 ຮອບຄັດເລືອກ ລາວ ເຮົາຖືກຈັດຢູ່ໃນ ກຸ່ມ G , ນັດທໍາອິດ ລາວ ສະເຫມີ ມຽນມາ 2-2 ແລະ ລາວ ເສຍ ເລບານອນ 0-2 . ມີພຽງ 1 ຄະແນນ ລົງແຂ່ງຂັນ 2 ນັດ .