ສຳນັກຂ່າວຕ່າງປະເທດ ລາຍງານໃນວັນທີ 19 ສິງຫານີ້ວ່າ ບໍລິສັດບັດເຄຣດິດມາສເຕີກາດ ໄດ້ເລີ່ມທົດລອງລະບົບການຈ່າຍເງິນອອນລາຍ ຜ່ານລະບົບການກວດສອບໃບໜ້າ ຊຶ່ງເປັນການທົດລອງໃຊ້ຄັ້ງທຳອິດຂອງໂລກ ໂດຍລະບຸວ່າ ໄລຍະເວລາທີ່ທຳການທົດລອງ ແມ່ນຢູ່ໃນລະຫວ່າງວັນທີ 18 ສິງຫາ ເຖິງວັນທີ 30 ພະຈິກ 2015 ນີ້ ໂດຍມີລູກຄ້າຂອງທະນາຄານ ABN Amro ຂອງໂຮນລັງ ຈຳນວນ 750 ຄົນ ໄດ້ສະໝັກໃຈເຂົ້າຮ່ວມທົດລອງໃຊ້ລະບົບດັ່ງກ່າວ ຊຶ່ງແຕ່ລະຄົນຈະມີສະມາດໂຟນທີ່ມີໂປຣແກຣມສະເພາະສຳລັບການທົດສອບດັ່ງກ່າວນີ້.