spot_img
Homeມຸມຂ່າວ AECອາຊຽນ ຈະດຶງດູດນັກທ່ອງທ່ຽວໃຫ້ໄດ້ 123 ລ້ານ ເທື່ອຄົນໃນປີ 2020

ອາຊຽນ ຈະດຶງດູດນັກທ່ອງທ່ຽວໃຫ້ໄດ້ 123 ລ້ານ ເທື່ອຄົນໃນປີ 2020

Published on

400PSW-Lao-016

ຂປລ.ຕາມຂ່າວຕ່າງປະເທດ, ສະພາການເດີນທາງ ແລະ ທ່ອງທ່ຽວໂລກ ຄາດການວ່າ: ແຕ່ນີ້ ຮອດປີ 2020 ປະເທດອາຊຽນ ຈະສາມາດດຶງດູດ ນັກທ່ອງທ່ຽວຕ່າງປະເທດ ໃຫ້ໄດ້ 123 ລ້ານ ເທື່ອຄົນ, ໃນປີ 2025 ຈະເພີ່ມຂຶ້ນເປັນ 152 ລ້ານ ເທື່ອຄົນ ແລະ ປີ 2030 ຈະເພີ່ມຂຶ້ນເຖິງ 187 ລ້ານ ເທື່ອຄົນ. ສຳລັບ ການທ່ອງທ່ຽວ ໄດ້ກວມເອົາອັດຕາ ສ່ວນ ຜະລິດຕະພັນ ພາຍໃນ(GDP)ກວ່າ10% ໃນກຳປູ ເຈຍ, ລາວ, ມາ ເລເຊຍ, ຟີລິບປິນ ແລະ ໄທ.

ດັ່ງນັ້ນ, ໃນກອງປະຊຸມ ກ່ຽວກັບ ແຜນຍຸດທະສາດ ພັດທະນາ ການທ່ອງທ່ຽວ ອາຊຽນປີ 2016-2020 ຄັ້ງທີ 4 ​ໄດ້​ຈັດ​ຂຶ້ນຢູ່ເກາະບາຫລີ ຂອງອິນໂດເນເຊຍ ໃນວັນທີ 16 ສິງຫາປີນີ້ ໄດ້ກຳນົດ ແຜນຍຸດທະຍຸດ ອອກມາເປັນ 2 ແນວທາງໃຫຍ່ຄື: ການສ້າງສະຖານທີ່ ທ່ອງທ່ຽວອາຊຽນ ເຊື່ອມຕໍ່ກັນ ແລະ ຮັບປະກັນ ໃຫ້ການທ່ອງທ່ຽວ ພັດທະນາ ແບບ ຍືນຍົງ ໂດຍບັນດາຜູ້ເຂົ້າຮ່ວມ ໄດ້ກຳນົດແຜນຍຸດທະສາດ ການຮ່ວມມືກັນ ໃນ 10 ປີຕໍ່ໜ້າ ເປັນຕົ້ນ: ການປັບປຸງສິນຄ້າ ການທ່ອງທ່ຽວ, ໂຄສະນາ ການທ່ອງທ່ຽວ ຂອງປະເທດ ອາຊຽນ, ສົ່ງເສີມການ​ຝຶກ​ອ​ົບຮົມ ບຸກຄະລາກອນ, ຍົກລະດັບ ການລົງທຶນ ດ້ານການທ່ອງທ່ຽວ, ສ້າງສິ່ງ ອຳນວຍຄວາມສະດວກ ໃຫ້ການທ່ອງທ່ຽວ ພ້ອມທັງ ຂະຫຍາຍເຄືອ ຂ່າຍ ການທ່ອງທ່ຽວ ແລະ ເພີ່ມຄວາມປອດໄພ ໃນການທ່ອງທ່ຽວ ໃຫ້ຕິດພັນກັບ ການຮັກສາ ສະແພບແວດລ້ອມ.

 

ຂອບໃຈຂ່າວຈາກ:

ຂປລ

ບົດຄວາມຫຼ້າສຸດ

ປັບສູງສຸດ 2,000 ໂດລາ ສິງກະໂປເຂັ້ມງວດ ຈັດຢາສູບໄຟຟ້າ ຢູ່ໃນໝວດຢາເສບຕິດ

ສິງກະໂປເຂັ້ມງວດ ຈັດຢາສູບໄຟຟ້າ ຢູ່ໃນໝວດຢາເສບຕິດ ພ້ອມທັງຕັ້ງຄ່າປັບໄໝສູງສຸດ 2,000 ໂດລາ ຫຼື ປະມານ 45 ລ້ານກີບ ສຳນັກຂ່າວຕ່າງປະເທດລາຍງານໃນວັນທີ 18 ສິງຫາ 2025 ຜ່ານມາ,...

ປະຫວັດ “ບຸນຫໍ່ເຂົ້າປະດັບດິນ” ປະເພນີລາວທີ່ສືບທອດມາແຕ່ບູຮານນະການ

ວັນບຸນຫໍ່ເຂົ້າປະດັບດິນ ບຸນປະເພນີທີ່ບູຮານໄດ້ພາກັນປະຕິບັດກັນມາ ເພື່ອເປັນການອຸທິດບຸນກຸສົນ ໃຫ້ກັບຍາດຕິພີ່ນ້ອງ ຜູ້ທີ່ລ່ວງລັບໄປແລ້ວ ລວມທັງສັມພະເວສີ ຜີທີ່ບໍ່ມີຍາດ. ຄວາມ​ໝາຍ​ຄວາມ​ສໍາຄັນ​ຂອງ​ບຸນ​ຫໍ່​ເຂົ້າປະດັບດິນ: ຫໍ່​ເຂົ້າປະດັບດິນ ໝາຍ​ເຖິງ ການ​ນໍາ​ເອົາ​ອາຫານ​ຫວານ​ຄາວ ຊີ້ນ​ແຫ້ງ​ປາ​ຕາຍ, ເຂົ້າຕົ້ມເຂົ້າໜົມ, ໝາກ​ໄມ້​ນານາ​ຊະນິດ ແລະ...

ເງື່ອນໄຂ-ການປະຕິບັດນະໂຍບາຍ ຕໍ່ຄູອາສາສະໝັກ ທີ່ຈະເຂົ້າເປັນລັດຖະກອນປ້ອງກັນຊາດ

ເປີດເງື່ອນໄຂ-ການປະຕິບັດນະໂຍບາຍ ຕໍ່ຄູອາສາສະໝັກ ທີ່ຈະເຂົ້າເປັນລັດຖະກອນປ້ອງກັນຊາດ ໃນລະຫວ່າງວັນທີ 15-19 ສິງຫາ 2025 ນີ້, ຄະນະຮັບຜິດຊອບການບັນຈຸຄູອາສາສະໝັກເຂົ້າເປັນກຳລັງປ້ອງກັນຊາດ ນຳໂດຍ ທ່ານ ນາງ ຄຳພັດ ໄຊຍະລິນຄຳ ຮອງຫົວໜ້າກົມສ້າງຄູ...

ກອງປະຊຸມຄະນະກຳມະການນະໂຍບາຍເງິນຕາ ຂອງສະພາບໍລິຫານທະນາຄານແຫ່ງ ສປປ ລາວ ຄັ້ງທີ III ປະຈຳປີ 2025

ກອງປະຊຸມຄະນະກຳມະການນະໂຍບາຍເງິນຕາ ຂອງສະພາບໍລິຫານທະນາຄານແຫ່ງ ສປປ ລາວ ຄັ້ງທີ III ປະຈຳປີ 2025 ໃນອາທິດຜ່ານມາ, ທະນາຄານແຫ່ງ ສປປ ລາວ (ທຫລ) ໄດ້ຈັດກອງປະຊຸມຄະນະກຳມະການນະໂຍບາຍເງິນຕາ ຄັ້ງທີ...