ສຳນັກຂ່າວຕ່າງປະເທດ ລາຍງານໃນວັນທີ 14 ສິງຫານີ້ວ່າ ເກີດເຫດການໂຈມຕີດ້ວຍລະເບີດ ທີ່ເຊື່ອງໄວ້ໃນລົດບັນທຸກ ຢູ່ຕະຫລາດສົດແຫ່ງໜຶ່ງໃນເຂດ ຊາດາ ຊິຕີ້ ນະຄອນຫລວງແບກແດດ ປະເທດອີຣັກ ໃນວັນພະຫັດທີ 13 ສິງຫາຜ່ານມາ ເປັນເຫດເຮັດໃຫ້ມີຜູ້ເສຍຊີວິດຢ່າງໜ້ອຍ 76 ຄົນ ແລະ ມີຜູ້ໄດ້ຮັບບາດເຈັບອີກປະມານ 200 ຄົນ ໂດຍພາຍຫລັງເກີດເຫດ ກຸ່ມລັດອິດສະລາມ ຫລື ໄອເອັສ ໄດ້ອອກຖະແຫລງການຜ່ານທາງສື່ສັງຄົມອອນລາຍ ອ້າງວ່າເປັນຜູ້ຢູ່ເບື້ອງຫລັງຂອງການກໍ່ເຫດຄັ້ງນີ້.