spot_img
Homeອຸບັດເຫດແລະປາກົດການຫຍໍ້ທໍ້ນະຄອນຫລວງວຽງຈັນ ພຽງ 3 ວັນ ມີຜູ້ເສຍຊີວິດ 4 ຄົນ ຈາກອຸປະຕິເຫດທ້ອງຖະໜົນ!

ນະຄອນຫລວງວຽງຈັນ ພຽງ 3 ວັນ ມີຜູ້ເສຍຊີວິດ 4 ຄົນ ຈາກອຸປະຕິເຫດທ້ອງຖະໜົນ!

Published on

accident

ເຈົ້າໜ້າທີ່ ຈະລາຈອນ ນະຄອນຫລວງວຽງຈັນ ໃຫ້ຮູ້ວ່າ: ເຊົ້າວັນທີ 30 ກໍລະກົດຜ່ານມານີ້, ຢູ່ 4 ແຍກ ເຂດບ້ານຊຽງຍືນ ເມືອງຈັນທະບູລີ ນະຄອນ ຫລວງວຽງຈັນ ໄດ້ມີລົດໃຫຍ່ຕໍາກັບລົດຈັກຢ່າງຮຸນແຮງ ເຮັດໃຫ້ຜູ້ຂັບຂີ່ລົດຈັກຄື: ທ້າວ ຄໍາພັນ ອາຍຸ 22 ປີ ນັກສຶກສາ, ຢູ່ບ້ານໂພນແຍງ, ເມືອງແກ້ວອຸດົມ ແຂວງວຽງຈັນ ເສຍຊີວິດຄາທີ່, ຕອນເຊົ້າມືດຂອງວັນທີ 31 ກໍລະກົດ, ຢູ່ຖະໜົນ 13 ເໜືອ, ເຂດບ້ານໜອງໜ້ຽວ ເມືອງສີໂຄດຕະບອງ ນະຄອນຫລວງວຽງຈັນ ໄດ້ມີລົດຈັກເສຍຫລັກລົ້ມລົງ ເຮັດໃຫ້ຜູ້ຂັບຂີ່ຄື: ທ້າວ ສົມສະຫວາດ, ອາຍຸ 28 ປີ ກຳມະກອນ ຢູ່ບ້ານ ດົງໜ້ຽງ ຈັນທະບູລີ ເສຍຊີວິດຄາທີ່. ຕໍ່ມາໃນຕອນສວຍຂອງວັນດຽວກັນ, ຢູ່ຖະໜົນ 13 ໄຕ້, ເຂດບ້ານນາຊອນ, ເມືອງປາກງື່ມ ໄດ້ເກີດອຸປະຕິເຫດລົດຈັກຕຳກັບລົດໃຫຍ່ ເຮັດໃຫ້ຜູ້ຂັບລົດຈັກຄື: ນາງ ອຸດົມ, ອາຍຸ 37 ປີ ຊາວນາ ຢູ່ບ້ານດົງກະລຶມ, ເມືອງປາກງື່ມ ເສຍຊີວິດຄາທີ່ ແລະ ໃນຕອນທ່ຽງຄືນຂອງວັນທີ 1 ສິງຫານີ້, ຢູ່ເຂດບ້ານບໍ່ເຫລັກ, ເມືອງປາກງື່ມ ກໍເກີດອຸປະຕິເຫດລົດໃຫຍ່ຕຳລົດຈັກ ມີຜູ້ເສຍຊີວິດ 1 ຄົນ ຄື: ນາງ ສາຍສະໝອນ ອາຍຸ 40 ປີ ກຳມະກອນ ຢູ່ບ້ານສົມປະເສີດ ເມືອງປາກງື່ມ ນະຄອນຫລວງວຽງຈັນ. ສ່ວນຜູ້ຂັບຂີ່ລົດໃຫຍ່ຄື: ທ້າວ ເວິງທອງ ອາຍຸ 49 ປີ, ອາຊີບ ຄ້າຂາຍ ຢູ່ບ້ານອຸດົມຜົນ, ເມືອງໄຊທານີ ຖືກເຈົ້າໜ້າທີ່ກັກຕົວໄວ້ ເພື່ອດໍາເນີນຄະດີ ຕໍ່ໄປ.

ເຈົ້າໜ້າທີ່ ຈະລາຈອນ ນະຄອນຫລວງ​ວຽງ​ຈັນ ໃຫ້ຮູ້ວ່າ: ​ອຸປະຕິເຫດສ່ວນໃຫຍ່ ແມ່ນເກີດຈາກ ​ຜູ້​ຂັບ​ຂີ່​ດື່ມ​ສິ່ງ​ມືນ​ເມົາ​​, ຂັບ​ຂີ່​ດ້ວຍ​ຄວາມ​ໄວ, ບໍ່​ໃສ່​ໝວກ​ກັນ​ກະທົບ, ຊຶ່ງ​ເຈົ້າ​ໜ້າ​ທີ່ ​ກໍໄດ້​ມີ​ການ​ຕັກ​ເຕືອນ ແຕ່ຍັງມີນັກຂັບຂີ່ຈໍານວນໜຶ່ງເມີນເສີຍ ແລະ ບໍ່ປະຕິບັດຕາມລະບຽບຈາລະຈອນ ຢ່າງເຂັ້ມງວດ ຈຶ່ງເຮັດໃຫ້ອຸປະຕິເຫດເກີດຂຶ້ນຢ່າງລຽນຕິດ, ພ້ອມ​ກັນ​ນີ້ ​ເຈົ້າ​ໜ້າ​ທີ່​ຍັງ​ໄດ້​ຮຽກຮ້ອງ​​ເຖິງ​ນັກ​ຂັບ​ຂີ່​ທຸກ​ຄົນ ​ຄວນ​ມີ​ສະຕິ​ໃນ​ການ​ຂັບ​ຂີ່ ແລະ ​​ເຄົາລົບ​ລະບຽບ​ຈະລາຈອນໃຫ້ເຂັ້ມ​ງວດ ​​ເພື່ອ​ຫລຸດ​ຜ່ອນອຸປະ​ຕິ​ເຫດທີ່​ຈະຕາມ​ມາ, ໂດຍສະເພາະ ໃນໄລຍະລະດູຝົນນີ້ ອາດມີຫລາຍສິ່ງ ພາໃຫ້ເກີດອຸປະຕິເຫດໄດ້ງ່າຍ.

 

ຂອບໃຈຂ່າວຈາກ:

ລພນ

ບົດຄວາມຫຼ້າສຸດ

ຍີ່ປຸ່ນທຸບສະຖິຕິໃໝ່! ກວດພົບຄື້ນຄວາມຮ້ອນ ອຸນຫະພູມ 41.8 ອົງສາ ພ້ອມເຕືອນໄພປະຊາຊົນໃຫ້ອອກຈາກພື້ນທີ່ສ່ຽງ

ຍີ່ປຸ່ນທຸບສະຖິຕິອາກາດຮ້ອນສູງສຸດ 41.8 ອົງສາ ເຈົ້າໜ້າທີ່ເລັ່ງອົບພະຍົບປະຊາຊົນ ພ້ອມເຕືອນໂຣກລົມແດດ 44 ແຂວງໃນຍີ່ປຸ່ນ ຂະນະດຽວກັນພາກເໜືອຮັບມືຝົນຕົກໜັກ-ສ່ຽງນ້ຳຖ້ວມຊຸ. ສຳນັກຂ່າວຕ່າງປະເທືດລາຍງານໃນວັນທີ 7 ສິງຫາ 2025 ສຳນັກງານອຸຕຸນິຍົມວິທະຍາຂອງປະເທດຍີ່ປຸ່ນ (Japan Meteorological...

ຄະນະບໍລິຫານງານພັກກະຊວງປ້ອງກັນຄວາມ ສະຫງົບ ສະໄໝທີ VI ປະກອບມີ 27 ສະຫາຍ ຍິງ 1 ສະຫາຍ

ຊົມເຊີຍ ຜົນສຳເລັດກອງປະຊຸມຄັ້ງປະຖົມມະລຶກກອງປະຊຸມໃຫຍ່ຜູ້ແທນ ຄັ້ງທີ VI ອົງຄະນະພັກກະຊວງປ້ອງກັນຄວາມສະຫງົບ ໃນຕອນເຊົ້າວັນທີ 6 ສິງຫາ 2025, ສະຫາຍ ພົອ ວິໄລ ຫຼ້າຄຳຟອງ ໄດ້ລາຍງານຜົນຂອງກອງປະຊຸມຄັ້ງປະຖົມມະລຶກຄະນະບໍລິຫານງານພັກກະຊວງປ້ອງກັນຄວາມສະຫງົບ ສະໄໝທີ...

ລາວປະເຊີນບັນຫາພລາສຕິກລົ້ນຕະຫຼາດທ່າມກາງລາຄາຕົກຕໍ່າ

ເສດຖົງຢາງທີ່ເກົ່າໝອງຈົນເກືອບແຍກສີບໍ່ອອກ ບວກກັບຕຸກນໍ້າພລາສຕິກທີ່ຖືກຖິ້ມຊະຊາຍເປັນວົງກວ້າງໃນນະຄອນຫຼວງວຽງຈັນ ເປັນພຽງສ້ຽວໜຶ່ງຂອງເລື່ອງເລົ່າກ່ຽວກັບພລາສຕິກຂອງເມືອງຫຼວງແຫ່ງນີ້. ພາຍໃຕ້ມົນລະມິດທີ່ສາມາດເບິ່ງເຫັນໄດ້ດ້ວຍຕາເປົ່ານີ້ ລ້ວນແຕ່ເຊື່ອງຊ້ອນວິກິດການຂັ້ນຮ້າຍແຮງກວ່າທີ່ຄິດໄວ້. ເນື່ອງຈາກສິ່ງດັ່ງກ່າວໄດ້ກາຍເປັນໄພຂົ່ມຂູ່ຕໍ່ສິ່ງແວດລ້ອມທາງທໍາມະຊາດຂອງລາວ ທັງເປັນໄພຂົ່ມຂູ່ຕໍ່ສຸຂະພາບຂອງຜູ້ຄົນຫຼາຍຮ້ອຍ ທີ່ຕ້ອງເພິ່ງພາການຊື້-ຂາຍສິ່ງເສດເຫຼືອປະເພດພລາສຕິກ. ໃນລະຫວ່າງວັນທີ 5 ຫາ 14 ສິງຫາ, ບັນດາຜູ້ນໍາຈາກຫຼາຍປະເທດໃນໂລກຈະມາເຕົ້າໂຮມກັນທີ່ ເຈນີວາ, ປະເທດສະວິດເຊີແລນ...

ປະກາດ-ແຕ່ງຕັ້ງ ສະຫາຍ ພົນຈັດຕະວາ ແປ້ນຄໍາ ບຸດຈັດແພງ ຮັກສາການແທນເຈົ້າແຂວງ ແຂວງບໍ່ແກ້ວ (ຜູ້ໃໝ່)

ມອບ-ຮັບ ໜ້າທີ່ ລະຫວ່າງ ເລຂາຄະນະບໍລິຫານງານພັກແຂວງ, ເຈົ້າແຂວງ ແຂວງບໍ່ແກ້ວ (ຜູ້ເກົ່າ) ກັບ ຮັກສາການແທນເລຂາຄະນະບໍລິຫານງານພັກແຂວງ, ຮັກສາການເຈົ້າແຂວງ ແຂວງບໍ່ແກ້ວ (ຜູ້ໃໝ່) ປະກາດ ແລະ ມອບ-ຮັບ...