ໄລຟ ແອນ ສະໄຕ ສື່ບັນເທີງຊື່ດັງລາຍງານວ່າຕອນໄປທ່ຽວທີ່ເກາະມິໂຄນອດ ປະເທດເກລັກ ນັ້ນ ໂລແຮນສະແດງຄວາມໃຈປ້ຳ ພາໝູ່ຜູ້ຊາຍໄປກິນເຂົ້າແລງນຳກັນ ແລະອາຫານກໍບໍ່ແມ່ນຂອງທຳມະດາແຕ່ເຕັມໄປດ້ວຍຂອງທີ່ຫລູຫລາສຸດໆນໍາອີກ
”ນາງຊວນໝູ່ຜູ້ຊາຍລາວ 10 ຄົນໄປກິນເຂົ້າແລງພ້ອມກັນຢ່າງມ່ວນຊື່ນ ແລ້ວກໍສັ່ງຂອງແບບລາຊາປູກັບກຸ້ງລັອບສະເຕີມາກິນ ຊຶ່ງມັນເປັນຂອງທີ່ແພງທີ່ສຸດໃນເມນູເລີຍ” ແຫລ່ງຂ່າວເປີດໂປງໃຫ້ສື່ດັ່ງກ່າວແບບລະອຽດ
ຕອນທໍາອິດ ໂລແຮນກໍເຮັດໂຕເປັນລູກຄ້າທີ່ດີ ບໍ່ໄດ້ກໍ່ເລື່ອງວຸ້ນວາຍຫຍັງ ແຕ່ທຸກຢ່າງປ່ຽນຈາກໜ້າມືເປັນຫລັງມືຕອນທີ່ໃບບິນມາຮອດໂຕະ ເພາະມື້ຄ່ຳມື້ນັ້ນມີຄ່າໃຊ້ຈ່າຍບໍ່ຫລາຍພຽງແຕ່ 1, 300 ໂດລາ ຫລືປະມານ ສິບລ້ານສີ່ແສນກີບ ເທົ່ານັ້ນເອງ!
”ທຸກຄົນແຍກຍ້າຍກັນໄປໂດຍທີ່ບໍ່ຈ່າຍເງິນແມ່ນແຕ່ໜ້ອຍດຽວ ລວມເຖິງລິນຊີນໍາ! ນາງບອກກັບພວກຜູ້ຊາຍວ່າບໍ່ຕ້ອງກັງວົນເລື່ອງໃບບິນດອກ” ວົງໃນເສີມ ໂດຍສຸດທ້າຍແລ້ວນັກງານຂອງຮ້ານກໍຕ້ອງເສຍເວລາຊອກຫາໂລແຮນເຖິງ 3 ມື້ ແຖມສຸດທ້າຍແລ້ວໝູ່ຄົນໜຶ່ງຂອງນາງຍັງຕ້ອງຈ່າຍແທນໃຫ້ອີກຕ່າງຫາກ
