ຢາງອະໄຫລ່ທີ່ຕິດລົດມານັ້ນຈະເໝາະກັບລົດແຕ່ລະລຸ້ນຈະບໍ່ສາມາດໃຊ້ຂ້າມລຸ້ນກັນໄດ້
ເກັດຄວາມຮູ້ກ່ຽວກັບລົດໃນມື້ນີ້ທາງທີມງານຈະພາໝູ່ເພື່ອນ ໄປຮູ້ເຖິງເລື່ອງຢາງອະໄຫລ່ ທີ່ຕິດມາກັບລົດຕັ້ງແຕ່ອອກລົດມາໃໝ່ ກັບເລື່ອງທີ່ຫລາຍທ່ານນັ້ນອາດຈະບໍ່ຮູ້ມາກ່ອນໃນເລື່ອງຂອງການໃຊ້ງານຢາງອະໄຫລ່ ແລະການດູແລຮັກສາ ເຊີ່ງໃນເລື່ອງນີ້ນັ້ນມີຄວາມສຳຄັນບໍ່ແພ້ເລື່ອງການດູແລຮັກສາຢາງລົດທີ່ເຮົາໃຊ້ຢູ່ເລີຍ ດ໋ຽວເຮົາໄປເບີ່ງກັນເລີຍກັບເກັດຄວາມຮູ້ກ່ຽວກັບລົດໃນມື້ນີ້
ຢາງອະໄຫລ່ຄວນດູແລຮັກສາໃຫ້ດີເພື່ອທີ່ຈະບໍ່ເກີດບັນຫາເວລາທີ່ນຳມາໃຊ້
ເລື່ອງຂອງຢາງອາໄຫລ່ທີ່ຕິດມາກັບລົດຕັ້ງແຕ່ເຮົາອອກລົດໃໝ່ ແມ່ນກະທັງເຮົາຊື້ລົດມືສອງມາກໍຈະມີຢາງອາໄຫລ່ຕິດລົດມາດ້ວຍເຊັ່ນກັນ ເຊີ່ງຫລາຍທ່ານນັ້ນອາດຈະລືມໃຫ້ຄວາມສຳຄັນກັບຢາງອາໄຫລ່ໄປເລີຍເນື່ອງຈາກ ການທີ່ຈະໃຊ້ຢາງອາໄຫລ່ກໍຕໍ່ເມື່ອລົດຢາງອ່ອນ ຢາງຮົ່ວ ເຮົາຈຶ່ງນຳຢາງອາໄຫລ່ມາປ່ຽນ ເຊີ່ງຢາງອາໄຫລ່ເຮົາກໍຄວນດູແລຮັກສາດ້ວຍເຊັ່ນກັນບໍ່ຢ່າງນັ້ນເກີດເຫດທີ່ຕ້ອງນຳມາໃຊ້ແລ້ວຢາງອາໄຫລ່ ມີບັນຫາກໍອາດຈະເຮັດໃຫ້ເກີດບັນຫາໜັກກວ່າເກົ່າ ໂດຍປົກກະຕິແລ້ວຢາງອາໄຫລ່ທີ່ຕິດລົດມານັ້ນຈະຄຸນນະພາບຂອງຢາງທີ່ດ້ອຍກວ່າຢາງລົດທີ່ເຮົາໃຊ້ກັນຢູ່ ເຊີ່ງອາຍຸການໃຊ້ງານຂອງຢາງອາໄຫລ່ ຈະຢູ່ທີ່ປະມານ 4-6 ປີ ແມ່ນຈະເຮົາຈະນຳມາໃຊ້ຫລືບໍ່ໄດ້ໃຊ້ກໍຕາມ ດ້ວຍເຫດນີ້ເຮົາຄວນກວດເຊັກຢາງອາໄຫລ່ນຳວ່າຢູ່ໃນສະພາບພ້ອມໃຊ້ງານຫລືເກີດການເສື່ອມສະພາບແລ້ວຫລືຍັງ ໂດຍເບິ່ງຈາກເນື້ອຢາງແຂງກະດ້າງ ມີການແຕກລາຍ ນຳຫລືບໍ່ ແລະຄວນນຳຢາງອະໄຫລ່ອອກມາກວດເຊັກລົມຢາງນຳ ແລະເຕີມລົມຢາງໄວ້ໃຫ້ພ້ອມໃຊ້ງານນຳທ່ານກໍອາດຈະນຳຢາງອາໄຫລ່ອອກມາສະລັບໃຊ້ນຳກໍໄດ້ເພື່ອໃຫ້ຢາງນັ້ນຄົງສະພາບໄວ້ບໍ່ໃຫ້ເສື່ອມໄວ ອີກ 1 ສິ່ງທີ່ບໍ່ຄວນເຮັດກ່ຽວກັບຢາງອາໄຫລ່ນັ້ນກໍຄືການນຳຢາງອາໄຫລ່ມາໃຊ້ຢ່າງຖາວອນ ຄວນນຳມາໃຊ້ເມື່ອເກີດເຫດຈຳເປັນເທົ່ານັ້ນ ເຊີ່ງເມື່ອມີການປ່ຽນຢາງອາໄຫລ່ມາໃຊ້ນັ້ນ ຄວນທີ່ຈະຂັບຂີ່ດ້ວຍຄວາມໄວບໍ່ເກີນ 80 ກິໂລແມັດຕໍ່ຊົ່ວໂມງເພື່ອຄວາມປອດໄພ
ສຳລັບລົດກະບະ ຈະມີທີ່ເກັບຢາງອະາໄຫລ່ຢູ່ທາງດ້ານໃຕ້ຕົວລົດ
ເປັນຢ່າງໃດກັນແດ່ກັບເກັດຄວາມຮູ້ກ່ຽວກັບລົດທີ່ທາງທີມງານໄດ້ນຳມາໃຫ້ໝູ່ເພື່ອນໄດ້ຮູ້ກ່ຽວກັບເລື່ອງຂອງຢາງອາໄຫລ່ ເຊີ່ງຫລາຍທ່ານນັ້ນອາດຈະບໍ່ຄ່ອຍໄດ້ສົນໃຈຫລືໃຫ້ຄວາມສຳຄັນປານໃດ ແຕ່ຖ້າຫາກເກີດເຫດທີ່ຈຳເປັນຕ້ອງໃຊ້ຢາງອາໄຫລ່ ແລ້ວຢາງອາໄຫລ່ນັ້ນບໍ່ພ້ອມໃຊ້ງານ ກໍຈະເຮັດໃຫ້ການແກ້ບັນຫາທີ່ເກິດຂື້ນນັ້ນເປັນໄປຢ່າງຍາກລຳບາກ ເລື່ອງການດູແລຮັກສາກວດເຊັກຢາງອາໄຫລ່ ນັ້ນຈຶ່ງຖືວ່າເປັນເລື່ອງທີ່ບໍ່ຄວນເບີ່ງຂ້າມເລີຍ