ສົມກັບເປັນສາວທີ່ໄດ້ຮັບຕໍາແໜ່ງນາງສັງຂານຫລວງພະບາງປີ 2005 ແລະເປັນນັກຮ້ອງທີ່ປະສົບຄວາມສໍາເລັດກໍ່ຄື ສາວຕຸລີ ບິດາລັກ ທີ່ເປັນຄົນມີຈິດໃຈງົດງາມມັກຊ່ວຍເຫລືອເພື່ອນມະນຸດນໍາກັນເຫັນໄດ້ຈາກຫລາຍໆເທື່ອທີ່ລາຍງານໄປ ແລະ ລ່າສຸດ ສາວຕຸລີ ກໍ່ໄດ້ຊ່ວຍເຫລືອ ນ້ອງຊານ ທີ່ຖືກອຸບັດຕິເຫດລົດຈົກ ແມັກໂຄ ທັບ ຈົນໃບໜ້າກັບກະດູກຄາງຫັກແລະອັກເສບຊືມເຊື້ອມີນ້ຳໜອງໄຫຼອອກຢູ່ປະຈຳອາການຂອງນ້ອງຊານແມ່ນຕ້ອງການຮັກສາດ່ວນທີ່ສຸດ ຫລັງຈາກທີ່ສາວຕຸລີໄດ້ປະສານງານ ໄປທາງເພສຕ່າງຕ່າງ ກໍ່ມີເງິນຊ່ວຍເຫລືອຈໍານວນຫລວງຫລາຍເຂົ້າມາ ຍອດບໍລິຈາກຕອນນີ້ຢູ່ທີ່ 9,212,500 ກີບ ຕອນນີ້ນ້ອງຊານກຳລັງລໍຖ້າຜົນການວິເຄາະຈາກໝໍ ນ້ອງຊານຮັກສາຢູ່ທີ່ໂຮງໝໍມິດຕະພາບ ຕຶກສຸກເສີນ ຊັ້ນ 4 ຫ້ອງເບີ1 ໃຜຢາກໄປຢ້ຽມຢາມນ້ອງກໍ່ໄປໄດ້ເດີ້ ຄາດວ່າແມ່ນວັນພະຫັດຈະເຂົ້າຫ້ອງຜ່າຕັດ ເພາະບາດແຜຂອງນ້ອງອັກເສບຫລາຍຈາກກະດູກທີ່ອອກມາຢູ່ນອກຮ່າງກາຍເປັນເວລາດົນ ສ່ວນລາຍຈ່າຍການຜ່າຕັດແມ່ນໝໍຈະແຈ້ງໃຫຮູ້ອີກບາດຫນຶ່ງ

ທ່ານໃດທີ່ມີຄວາມປະສົງຕ້ອງການຊ່ວຍເຫຼືອຄ່າປິ່ນປົວນ້ອງຊານກໍ່ສາມາດໂອນເງິນເຂົ້າບັນຊີທະນາຄານການຄ້າຕ່າງປະເທດລາວເງິນກີບໄດ້ທຸກເວລາ

ໝາຍເລກ: 051120001117766001 ຊື່ນາງຖະໜອມ ພົງສັກ