Homeລົດຍົນ-ຍານພາຫະນະເດີ ພິດຊາ ຄອມປານີ ແລະ ສະເວັນເຊັ້ນ ລາວ ມອບລາງວັນລົດໃຫຍ່ໃຫ້ແກ່ຜູ້ໂຊກດີ

ເດີ ພິດຊາ ຄອມປານີ ແລະ ສະເວັນເຊັ້ນ ລາວ ມອບລາງວັນລົດໃຫຍ່ໃຫ້ແກ່ຜູ້ໂຊກດີ

Published on

ເດີ ພິດຊາ ຄອມປານີ ແລະ ສະເວັນເຊັ້ນ ລາວ ມອບລາງວັນລົດໃຫຍ່ໃຫ້ແກ່ຜູ້ໂຊກດີ

ເນື່ອງ​ໃນ​ໂອກາດ​ສະເຫຼີມສະຫຼອງ​ຄົບຮອບ 3 ປີ​ຂອງ​ຮ້ານ ເດີ ພິດ​ຊາ ຄອມ​ປານີ ແລະ ສະ​ເວັນ​ເຊັ້ນ ລາວ ໃນ​ອາທິດ​ຜ່ານ​ມາ​ນີ້ ທາງ​ຮ້ານ ເດີ ພິດ​ຊາ ຄອມ​ປານີ ແລະ ສະ​ເວັນ​ເຊັ້ນ ລາວ ໄດ້​ມີ​ການ​ຈັບ​ລາງວັນ​ຄືນ​ກຳໄລ​ໃຫ້​ແກ່​ລູກ​ຄ້າ​ຂຶ້ນ ໂດຍ​ເປັນ​ປະທານ​ຂອງ​ທ່ານ ວິລະ​ໄຊ ສີ​ຫາ​ຈັກ ຜູ້​ຈັດການ​ບໍລິສັດ ເອັກ​​ສ​ເປຼດ​ຟູດ ກຣຸບ ຕາງໜ້າ​ໃຫ່​ແກ່​ຮ້ານ​ເດິ ພິດ​ຊາ ຄອມ​ປານີ ແລະ ສະ​ເວັນ​ເຊັ້ນ ລາວ ມີ​ບັນດາ​ແຂກ​ພາກສ່ວນ​ທີ່​ກ່ຽວຂ້ອງ ແລະ ລູກ​ຄ້າ​ຂອງ​ຮ້ານ ເຂົ້າ​ຮ່ວມ​ຢ່າງ​ຫຼວງຫຼາຍ.

ພາຍ​ໃນ​ງານ​ໄດ້​ມີ​ກິດຈະກຳ​ຫຼາຍ​ຢ່າງ ມີ​ການ​ເດີນ​ໂຊ​ເຄື່ອງນຸ່ງ​ພະນັກງານ​ຮ້ານ ແລະ ແປ້ງ​ພິດ​ຊ່າ​ສູດ​ໃໝ່ ມີ​ການ​ແຂ່ງຂັນ​ກິນ​ພິດ​ຊາ ແລະ ກະ​ແລັມ​ໄວ ມີ​ຜູ້​ເຂົ້າ​ແຂ່ງຂັນ 5 ຄົນ ໄດ້​ທີ 1 ແມ່ນ​ທ້າວ ລີ້ ພະນັກງານ​ຢາ​ມາ​ຮາ​ໄອ​ມິວ​ສິກ ໄດ້​ລາງວັນ​ເປັນ​ແທບ​ເລັດ 1 ເຄື່ອງ ຈາກ​ນັ້ນ​ກໍ​ໄດ້​ມີ​ການ​ຈັບ​ລາງວັນ​ປະເພດ​ຕ່າງໆ​ຈາກ​ຮ້ານ ມີ​ລາງວັນ​ໃຫຍ່​ເປັນ​ລົດ​ເກັງ​ຟອດ ເຟດ​ຕາ 1 ຄັນ ເຊິ່ງ​ລວມ​ມີ​ມູນ​ຄ່າ​ຫຼາຍ​ກວ່າ 400 ລ້ານ​ກວ່າ​ກີບ.

ຜູ້​ໂຊກ​ດີ​ທີ່​ໄດ້​ຮັບ​ລາງວັນ​ທີ 1 ເປັນ​ລົດ​ເກັງ​ຟອດ ເຟດ​ຕາ 1 ຄັນ ມູນ​ຄ່າ 190 ລ້ານ​ກວ່າ​ກີບ ຫຼື ປະມານ 25.000 ໂດ​ລາ​ສະຫະລັດ ໄດ້ແກ່​ທ້າວ ແຈກ ບ້ານ​ດົງ​ປ່າ​ແລບ ລາງວັນ​ທີ 2 ໂທລະສັບ​ຊຳ​ຊຸງ​ກາ​ແລກ​ຊີ S3 ມີ 2 ລາງວັນ ລາງວັນ​ທີ 3 ມີ 1 ລາງວັນ ເປັນ​ເຄື່ອງ​ອັດ​ເອກະສານ​ສຳລັບ​ຫ້ອງການ 1 ເຄື່ອງ ລາງວັນ​ທີ 4 ມີ 2 ລາງວັນ ເປັນ​ຄອມ​ພິວ​ເຕີ​ແລບ​ທອບ​ເດວ ລາງວັນ​ທີ 5 ມີ 3 ລາງວັນ ເປັນ​ບັນຊີ​ເງິນ​ຝາກ​ຈາກ​ທະນາຄານ​ຝຣັ່ງ​ບັນຊີ​ລະ 300 ໂດ​ລາ​ສະຫະລັດ ລາງວັນ​ທີ 6 ມີ 1 ລາງວັນ ປີ້​ຍົນ​ໄປ​ກັບ ສິງກະໂປ 1 ລາງວັນ.

ນອກຈາກ​ນີ້​ຍັງ​ມີ​ລາງວັນ​ຈັບ​ສະຫຼາກ​ຈາກ​ຜູ້​ທີ່​ມາ​ລົງທະບຽນ 30 ນາທີ​ທຳ​ອິດ​ຂອງ​ການ​ເປີດ​ງານ ເປັນ​ລາງວັນ​ຄອມ​ພິວ​ເຕີ​ໂນດ​ບຸກ 1 ລາງວັນ.

ທີ່ມາhttp://www.vientianemai.net

ບົດຄວາມຫຼ້າສຸດ

ແຂວງຊຽງຂວາງ ໄດ້ຊີ້ແຈງເຫດການປາຕາຍ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາ

ໃນວັນທີ 19 ພະຈິກ 2026, ຄະນະທີມງານສະເພາະກິດເມືອງແປກ ແຂວງຊຽງຂວາງ ໄດ້ຊີ້ແຈງເຫດການປາຕາຍເປັນຈໍານວນຫລາຍໃນນໍ້າຫ້ວຍຫີນລາຍ ລະຫວ່າງຊາຍແດນບ້ານຍວນ ແລະ ບ້ານໂພນງາມເໜືອ ເມືອງແປກ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາທີ່ບໍ່ຖືກຕ້ອງຕາມກົດໝາຍ ຢູ່ບ້ານໂພນງາມເໜືອ....

ໂດຍຕອບສະໜອງຄໍາເຊື້ອເຊີນຂອງສະຫາຍ ຢູນ ເຈີງ ໂຮ, ລັດຖະມົນຕີກະຊວງພົວພັນເສດຖະກິດກັບຕ່າງປະເທດ ແຫ່ງ ສປປ ເກົາຫຼີ, ສະຫາຍ ມະໄລທອງ ກົມມະສິດ, ລັດຖະມົນຕີກະຊວງອຸດສາຫະກໍາ ແລະ ການຄ້າ...

ໄລຍະ 9 ເດືອນ ປີ 2026, ແຂວງອັດຕະປື ກໍ່ຄືພະແນກໂຍທາທິການ ແລະ ຂົນສົ່ງແຂວງ ໄດ້ເປັນເຈົ້າການຕິດຕາມ ແລະ ຄວບຄຸມຄຸນນະພາບໂຄງການກໍ່ສ້າງ-ສ້ອມແປງຂົວ-ທາງ ທີ່ເປັນໂຄງການສືບຕໍ່ ຈໍານວນ...

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...