Homeຂ່າວທ້ອງຖິ່ນກະສິກອນ ເມືອງວິລະບູລີ ປັກດຳນາປີໄດ້ແລ້ວ 40%

ກະສິກອນ ເມືອງວິລະບູລີ ປັກດຳນາປີໄດ້ແລ້ວ 40%

Published on

273

ຂປລ.​ ເຖິງ​ວ່າການຜະລິດນາປີ ຂອງປະຊາຊົນ ເມືອງວິລະບູລີ ແຂວງສະຫວັນນະເຂດ ພົບບັນຫາ​ ແຫ້ງ​ແລ້ງ ​ເນື່ອງຈາກຝົນບ່ໍຕົກ ຕາມລະດູການ, ແຕ່ຫລັງ​ເຈົ້າໜ້າ​ທີ່ຫ້ອງການ ກະສິກຳປ່າໄມ້ ເມືອງດັ່ງກ່າວ ພ້ອມດ້ວຍວິຊາການ ແນະນຳໃຫ້ຄວາມຮູ້ ເຕັກນິກວິຊາການ ແລະ ຊຸກ​ຍູ້​ແນະນຳ ​ການ​ແກ້​ໄຂ​ບັນ​ຫາດັ່ງ​ກ່າວ ຈ່ຶງເຮັດໃຫ້ການຜະລິດເຂົ້ານາປີ ໄປຕາມແຜນການທີ່ວາງໄວ້.

ຜູ້​ສື່​ຂ່າວ​ແຂວງ​ສະຫວັນ​ນະ​ເຂດ ລາຍ​ງານ​ວ່າ:ມາ​ຮອດກາງເດືອນກໍລະກົດນີ້,ຊາວນາ​ເມືອງ​ວິລະ​ບູລີ​ໄດ້ປັກດຳສຳເລັດແລ້ວ 40 % ຫລື ກວ່າ 1.600 ເຮັກຕາຂອງເນື້ອທີ່ ນາປັກດຳ 4.600 ກວ່າເຮັກຕາ ​ແລະ ຊາວນາສ່ວນຫລາຍ ໄດ້ນຳໃຊ້ແນວພັນເຂົ້າປັບປຸງ ແທນແນວພັນເຂ້ົາດັ້ງເດີມ ​ໂດຍຄາດ​ວ່າການ​ປັກ​ດຳຈະສຳເລັດ 100% ໃນທ້າຍ ເດືອນນີ້.

ນອກຈາກປູກເຂ້ົາແລ້ວ, ປະຊາຊົນເມືອງວິລະບູລີ ຍັງໄດ້ປູກພືດ​ໃນລະດູຝົນ ແລະ ລ້ຽງສັດເປັນຕົ້ນປູກສາລີ, ໝາກເຜັດ, ໝາກເຂືອ, ໝາກເລ່ັນ ແລະ ພືດຜັກຊະນິດ ເພື່ອເປັນການແກ້ໄຂ ຊີວິດການເປັນຢູ່ ທັງສ້າງລາຍຮັບ​ ເຂົ້າແກ່ຄອບຄົວ ສາມາດເພິ່ງຕົນເອງ, ກຸ້ມຕົນເອງ ແລະ ຜະລິດເປັນສິນຄ້າ.

 

ຂອບໃຈຂ່າວຈາກ:

ຂປລ

ບົດຄວາມຫຼ້າສຸດ

ແຂວງຊຽງຂວາງ ໄດ້ຊີ້ແຈງເຫດການປາຕາຍ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາ

ໃນວັນທີ 19 ພະຈິກ 2026, ຄະນະທີມງານສະເພາະກິດເມືອງແປກ ແຂວງຊຽງຂວາງ ໄດ້ຊີ້ແຈງເຫດການປາຕາຍເປັນຈໍານວນຫລາຍໃນນໍ້າຫ້ວຍຫີນລາຍ ລະຫວ່າງຊາຍແດນບ້ານຍວນ ແລະ ບ້ານໂພນງາມເໜືອ ເມືອງແປກ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາທີ່ບໍ່ຖືກຕ້ອງຕາມກົດໝາຍ ຢູ່ບ້ານໂພນງາມເໜືອ....

ໂດຍຕອບສະໜອງຄໍາເຊື້ອເຊີນຂອງສະຫາຍ ຢູນ ເຈີງ ໂຮ, ລັດຖະມົນຕີກະຊວງພົວພັນເສດຖະກິດກັບຕ່າງປະເທດ ແຫ່ງ ສປປ ເກົາຫຼີ, ສະຫາຍ ມະໄລທອງ ກົມມະສິດ, ລັດຖະມົນຕີກະຊວງອຸດສາຫະກໍາ ແລະ ການຄ້າ...

ໄລຍະ 9 ເດືອນ ປີ 2026, ແຂວງອັດຕະປື ກໍ່ຄືພະແນກໂຍທາທິການ ແລະ ຂົນສົ່ງແຂວງ ໄດ້ເປັນເຈົ້າການຕິດຕາມ ແລະ ຄວບຄຸມຄຸນນະພາບໂຄງການກໍ່ສ້າງ-ສ້ອມແປງຂົວ-ທາງ ທີ່ເປັນໂຄງການສືບຕໍ່ ຈໍານວນ...

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...