ສ່ວນທີ່ຮ້າຍແຮງທີ່ສຸດຂອງການຮັບວັກຊີນກໍຄືການສີດຢາ ເຊີ່ງບໍ່ວ່າຈະເປັນໃຜຫລືເກັ່ງມາຈາກໃສກໍຕາມເຮົາກໍບໍ່ສາມາດທີ່ຈະປະຕິເສດໄດ້ວ່າມັນກໍຍັງເຈັບແລະເປັນເລື່ອງທີ່ໜ້າລຳຄານຢູ່ດີ ແຕ່ໃນຕອນນີ້ກຸ່ມນັກວິໄຈກຸ່ມໜຶ່ງຈາກປະເທດຍີ່ປຸ່ນໄດ້ກໍ່ການທົດສອບ “ເຂັມລະລາຍໄດ້” ທີ່ແທ້ໆແລ້ວເປັນແຜ່ນແປະທີ່ຂາດຄວາມເຈັບປວດໃດໆແລະໃຊ້ງານງ່າຍພຽງແຕ່ແປະລົງໄປທີ່ແຂນເທົ່ານັ້ນ ແຖມຍັງໃຊ້ງານໄດ້ຜົນອີກດ້ວຍ
ຮູບພາບດ້ານລຸມນີ້ສະແດງເຖິງເທກໂນໂລຍີເຂັມລະລາຍໄດ້ທີ່ຖືກເອີ້ນວ່າ MicroHyala ກ່ອນແລະຫລັງທີ່ມັນຈະກໍ່ການສົ່ງວັກຊີນທີ່ບັນຈຸໄວ້ເຂົ້າສູ່ຮ່າງກາຍ ເຊີ່ງໃນຕອນທຳອິດນັ້ນເຂັມທັງໝົດກໍຈະຕັ້ງຊື່ (ຢ່າລືມວ່າພາບນັ້ນໄດ້ຖືກຂະຫຍາຍໃຫຍ່ຂຶ້ນຢ່າງຫລາຍ) ແລະພາຍຫລັງຈາກການ “ສີດ” ວັກຊີນນັ້ນແຜນແປະນີ້ກໍຈະລຽບສະນິດ ເຊີ່ງເຂັມທັງໝົດກໍຈະຫາຍເມື່ອມັນພົບກັບນ້ຳໃນເຊວຜິວຫນັງຂອງເຮົາ ແຖມເຮົາຍັງໄດ້ຮັບວັກຊີນໂດຍທີ່ບໍ່ຮູ້ສຶກເຈັບເລີຍແມ່ນແຕ່ຫນ້ອຍດຽວອີກດ້ວຍ ເຊີ່ງທາງກຸ່ມນັກວິໄຈໄດ້ພົບວ່າເວລາທີ່ພວກພວກເຂົາໃຊ້ແຜນແປະ MicroHyala ເພື່ອໃຫ້ວັກຊີນນັ້ນມັນໄດ້ປະສິດທິພາບເທົ່າກັບການໃຊ້ເຂັມສີດຢາອີກດ້ວຍ
ນອກຈາກນັ້ນ ນີ້ກໍຍັງບໍ່ແມ່ນໜຶ່ງໃນເທກໂນໂລຍີອັນໄກໂພ້ນທີ່ອາດຈະມາເຖິງຈັກມື້ໃນອີກສິບປີຂ້າງໜ້າດ້ວຍເພາະແພດຫລາຍໆຄົນກໍໄດ້ເລີ່ມກໍ່ການທົດສອບແຜນແປະວັກຊີນກັບຄົນແລ້ວ ເຊີ່ງຜົນລັບທີ່ອອກມານັ້ນກໍດີຫລາຍ ແຜ່ນແປະຈະຖິ້ມຮອຍແດງໄວ້ປະມານ 2-3 ມື້ແລ້ວຈາກນັ້ນກໍຈະຫາຍໄປ ນອກຈາກນັ້ນແລ້ວ ມັນຍັງສາມາດໃຊ້ງານໄດ້ເລີຍໂດຍບໍ່ຕ້ອງເຂົ້າຮັບການຝຶກສອນກ່ອນອີກດ້ວຍ ໂດຍ Shinsaku Nakagawa ຜູ້ຊ່ຽວຊານດ້ານເທກໂນໂລຍີຊີວະພາບ ເຊີ່ງເປັນໜຶ່ງໃນເຈົ້າຂອງງານວິໄຈເທື່ອນີ້ຈາກ Osaka University ໄດ້ກ່າວໄວ້ວ່າຂໍ້ດີດັ່ງກ່າວຈະເຮັດໃຫ້ MicroHyala ນັ້ນ “ມີປະສິດທິຜົນເປັນພິເສດໃນການສະໜັບສະໜູນການໃຫ້ວັກຊີນໃນປະເທດທີ່ກຳລັງພັດທະນາ”
ເຊີ່ງນອກຈາກຈະເປັນເລື່ອງຈິງແລ້ວ ແຜ່ນແປະຕົວນີ້ກໍຍັງເຮັດໃຫ້ເປັນເລື່ອງງ່າຍຂຶ້ນສຳລັບພວກເຮົາທຸກຄົົນທີ່ຈະຕ້ອງໄດ້ຮັບວັກຊີນບໍ່ວ່າຈະອາຍຸເທົ່າໃດກໍຕາມ ນັບເປັນເລື່ອງໜ້າຍິນດີທີ່ໃນອະນາຄົດພວກເຮົາຈະສາມາດຮັບວັກຊີນໂດຍບໍ່ຕ້ອງຮູ້ສຶກເຈັບໄດ້ອີກຕໍ່ໄປແລ້ວ