ສຳນັກຂ່າວຕ່າງປະເທດ ລາຍງານວ່າ ໃນວັນທີ 21 ກໍລະກົດຜ່ານມານີ້ ສະຫະພາບເອີຣົບ ຫລື ອີຢູ ໄດ້ລົງມະຕິເຫັນດີທີ່ຈະຮັບຜູ້ອົບພະຍົບຊາວຊີຣີ ແລະ ເອຣິເທຣຍ ປະມານ 40,000 ຄົນ ທີ່ໄດ້ຮັບການຊ່ວຍເຫລືອຂຶ້ນຝັ່ງທີ່ອີຕາລີ ແລະ ເກຣັກ ເມື່ອເດືອນເມສາທີ່ຜ່ານມາ ໄປຍັງ 28 ປະເທດໃນສະຫະພາບເອີຣົບ ພາຍໃນເດືອນທັນວາທີ່ຈະມາເຖິງນີ້ແລ້ວ.
ແນວໃດກໍຕາມ ຍັງມີຜູ້ອົບພະຍົບອີກປະມານ 8,000 ຄົນ ທີ່ຍັງບໍ່ມີປະເທດໃດຍອມຮັບຕົວ ແລະ ກອງປະຊຸມຂອງສະຫະພາບເອີຣົບ ຈະໄດ້ຫາລືບັນຫາດັ່ງກ່າວນີ້ອີກເທື່ອໜຶ່ງ ກ່ອນຈະໝົດປີ 2015 ນີ້.
.