ຈາກລາຍງານຂອງເມໂຊ ນັກວິໄຈຈາກມະຫາວິທະຍາໄລໄອໂອວາ ແລະມະຫາວິທະຍາໄລນານາຊາດຟໍລິດາ ອ້າງວ່າແມ່ທ້ອງທີ່ອາໄສຢູ່ໃນຂີ້ແມວສົ່ງຜົນກະທົບຢ່າງຮ້າຍແຮງຕໍ່ຜົນການຮຽນຂອງເດັກໆ
ຈາກການທົດສອບກັບເດັກໆໃນເກນອາຍຸ 12-16 ປີ ຈຳນວນ 1755 ຄົນ ນັກວິໄຈພົບວ່າ Toxoplasma gondii ໂປໂຕຊົວແມ່ທ້ອງຊະນິດໜຶ່ງທີ່ມີຢູ່ໃນຂີ້ແມວ ອາດເປັນສ່ວນທີ່ສ້າງບັນຫາຄວາມເສື່ອມຖອຍຂອງຄວາມສາມາດໃນການອ່ານແລະຄວາມຈຳຂອງເດັກໆໃນໄວຮຽນ ແລະແມ່ທ້ອງຊະນິດດຽວກັນນີ້ຍັງເຄີຍຖືກອ້າງວ່າມີສ່ວນເຮັດໃຫ້ເກີດອາການໂລກຈິດ ໃນການວິໄຈກ່ອນໜ້ານີ້ອີກນຳ
ທັງນີ້ມີຜູ້ຄົນຫລັກພັນລ້ານຄົົນທີ່ຕິດເຊື້ອປິສິດຊະນິດນີ້ ( ລາຍງານອ້າງວ່າຄິດ ເປັນສັດສ່ວນກວ່າ 1 ໃນ 3 ຂອງປະຊາກອນໂລກ ) ເຊຶ່ງມັກຈະແພ່ກະຈາຍຈາກແມວທີ່ເປັນສັດລ້ຽງໃນບ້ານ ຜ່ານການສຳຜັດກັບຂີ້ຂອງມັນ
ເຖິງຂະນະນີ້ ຜູ້ຕິດເຊື້ອສຸຂະພາບດີສ່ວນໃຫຍ່ບໍ່ໄດ້ຮັບຜົນກະທົບທີ່ຮ້າຍແຮງຈາກແມ່ທ້ອງຊະນິດນີ້ ແຕ່ໃນປະຊາຊົນທີ່ພູມຄຸ້ມກັນຕ່ຳແມ່ທ້ອງຕົວນີ້ອາດເຮັດອັນຕະລາຍແກ່ສະຫມອງຂອງຜູ້ຕິດເຊື້ອໄດ້
ແມ່ທ້ອງຊະນິດນີ້ສາມາດພົບໄດ້ທັງໃນສະຫມອງແລະກ້າມເນື້ອເຊຶ່ງນັກວິໄຈພົບວ່າໜູທີ່ຕິດເຊື້ອດັ່ງກ່າວສົ່ງຜົນໃຫ້ເກີດການປ່ຽນແປງດ້ານພຶດຕິກຳໄດ້