ຄົນສ່ວນໃຫຍ່ມັກຈະຕັດສິນໃຈຊື້ລົດດ້ວຍເຫດຜົນຂອງລາຄາຍິ່ງໃນຍຸກທີ່ສະພາວະເສດຖະກິດທີ່ບໍ່ແນ່ນອນສ່ວນເຫດຜົນຂໍ້ຕໍ່ມາຄືປະໂຫຍດໃຊ້ສອຍແລະອັດຕາການບໍລິໂພກນ້ຳມັນຂອງເຄື່ອງຍົນຕ໌ ນ້ອຍຄົນທີ່ຈະຄິດເຖິງການບຳລຸງຮັກສາເຄື່ອງຍົນຕ໌ຫຼັງຈາກໄດ້ເປັນເຈົ້າຂອງລົດແລ້ວທັງໆທີ່ເປັນສິ່ງຈຳເປັນທີ່ເຈົ້າຂອງລົດຄວນຮູ້ແລະຄຳນຶງເຖຶງ “ASTV ຜູ້ຈັດການມໍເຕີລິ່ງ”ຈຶ່ງມີຂໍ້ຄວນປະຕິບັດສຳລັບເຈົ້າຂອງລົດເພື່ອຍືດອາຍຸການໃຊ້ງານພາຫະນະຄູ່ໃຈດ້ວຍວິທີງ່າຍໆດັ່ງນີ້
1 ປະຕິບັດຕາມຄູ່ມືການໃຊ້ລົດຍົນຕ໌ທີ່ໃຫ້ມາຕອນຊື້ລົດຖ້າມີຕາລາງການຊ່ອມບຳລຸງກໍໃຊ້ເປັນແນວທາງໃນການກວດເຊັກລົດ ແຕ່ຄວນກວດເຊັກໃນຄູ່ມືອີກວ່າເຖິງເວລາປ່ຽນອະໄຫຼ່ຕອນໃດ
2 ຢ່າລືມປ່ຽນສາຍພານເມື່ອນຳໃຊ້ລົດທຸກໆ 60, 000 90, 000 ກິໂລແມັດ ການປ່ຽນສາຍພານລາຄາອາດຈະສູງແຕ່ກໍຖືກກວ່າຄ່າເສຍທີ່ເກິດຂື້ນຖ້າສາຍພານຂາດ
3 ຫຍອດກະປຸກໄວ້ສຳລັບການຊ່ອມບຳລຸງລົດເພາະໃນແຕ່ລະປີເຈົ້າຄວນຈະມີງົບໃນການບຳລຸງຮັກສາລົດ 2.000.000 – 5.00.000 ກີບ ແລ້ວແຕ່ອາຍຸການໃຊ້ງານ ຖ້າມີການສະສົມງົບເອົາໄວ້ລ່ວງໜ້າເມື່ອມີເຫດສຸກເສີນເກີດຂຶ້ນກັບລົດກໍຈະບໍ່ກະທົບກັບການເງີນຂອງເຈົ້!
4 ຫາຂໍ້ມູນກ່ຽວກັບລົດຍົນຕ໌ລຸ້ນທີ່ເຈົ້າໃຊ້ ລົດທຸກລຸ້ນມັກຈະມີເວັບໄຊຕ໌ຂອງໂຕເອງ ບອກຂໍ້ມູນ ແລະບັນຫາທີ່ມັກຈະເກີດຂຶ້ນເວລາໃຊ້ ເຈົ້າຈະໄດ້ມີຄວາມພ້ອມທີ່ຮັບມືກັບບັນຫາທີ່ອາດຈະເກີດຂຶ້ນກັບລົດຂອງເຈົ້າ
5 ເວລາຂັບຂີ່ ໃຫ້ສັງເກດວ່າມີສຽງ ຫຼື ກິ່ນທີ່ຜິດປົກກະຕິເກີດຂຶ້ນ ຫຼື ບໍ່ ຖ້າມີຄວນປຶກສາຊ່າງເພື່ອຫາສາເຫດ ຜູ້ໃຊ້ລົດເປັນປະຈຳເປັນຜູ້ທີ່ຮູ້ດີທີ່ສຸດເມື່ອລົດເກີດອາການຜິດປົກຕິ
6 ເມື່ອເກີດຄວາມເສຍຫາຍກັບລົດໃຫ້ຊ່ອມທັນທີ ເຖິງວ່າຈະເປັນຄວາມເສຍຫາຍນ້ອຍເຊັ່ນ ເບາະທີ່ນັ່ງຂາດ ຫຼື ສາຍໄຟຫຼຸດ ເພື່ອບໍ່ໃຫ້ເກີດຄວາມເສຍຫາຍເພີ່ມຂຶ້ນ ຫຼື ສ້າງຄວາມລຳຄານໃຫ້ກັບເຈົ້າເອງ
7 ໃຊ້ອະໄຫຼ່ທີ່ມີຄຸນະພາບ ຫາກມີງົບປະມານຈຳກັດບໍ່ສາມາດຊື້ອະໄຫຼ່ແທ້ຄວນປຶກສາຊ່າງເພື່ອຫາທາງເລືອກ ການຊື້ອະໄຫຼ່ແທ້ມືສອງກໍເປັນອີກທາງທີ່ຈະໄດ້ຂອງຄຸນະພາບໃນລາຄາທີ່ຍ່ອມເຍົາ
8 ເຮັດຄວາມສະອາດລົດຢ່າງສະໝ່ຳສະເໝີ ສີລົດນອກຈາກຈະຊ່ວຍໃຫ້ລົດເບິ່ງດີ ຍັງເປັນການປົກປ້ອງວັດດຸຂ້າງໃນນຳອີກ ຄວນລ້າງລົດເປັນປະຈຳ ຖ້ານ້ຳເລີ່ມບໍ່ເກາະເປັນຫຍົດໆ ເທິງສີລົດ ໃຫ້ລົງແວັກເຄືອບສີ
9 ຄວນຂັບລົດຢ່າງນີ່ມນວນ ເຖິງວ່າການຂັບລົດດ້ວຍຄວາມໄວສູງໃນບາງເທື່ອຈະຊ່ວຍໃຫ້ເຄື່ອງຍົນຕ໌ມີຄວາມຄ່ອງໂຕ ແຕ່ບໍ່ຄວນຫຍຽບຄັນເລັ່ງຈົນຈຳ ຫຼື ຂັບລົດໂດຍໃຊ້ຄວາມໄວສູງຕະຫຼອດເພາະບໍ່ເປັນຜົນດີີຕໍ່ເຄື່ອງຍົນຕ໌
ພຽງເທົ່ານີ້ເຈົ້າກໍຍິ້ມໄດ້ຢ່າງພູູມໃຈເມື່ອມີຄົນເວົ້າຢ່າງຊື່ນຊົມວ່າລົດເຈົ້າຍັງເບິ່ງໃໝ່ເຖິງວ່າຈະແລ່ນໄດ້ 150, 000 ກິໂລແມັດແລ້ວ…..