spot_img
Homeຂ່າວເຫດການອົງການຈັດຕັ້ງມະຫາຊົນຊີ້ ສສຊ ຍັງປະຕິບັດໜ້າທີ່ ບໍ່ເຕັມສ່ວນ!

ອົງການຈັດຕັ້ງມະຫາຊົນຊີ້ ສສຊ ຍັງປະຕິບັດໜ້າທີ່ ບໍ່ເຕັມສ່ວນ!

Published on

tong

ຂປລ. ຕົວ​ແທນຈາກອົງການ ​ແນວ​ລາວ​ສ້າງ​ຊາດ ​ແລະ ອົງການ​ຈັດ​ຕັ້ງ​ມະຫາຊົນ ຊີ້​ໃຫ້​ເຫັນ​ວ່າ: ​ໃນ​ສົກ​ປີຜ່ານມາ ສະພາ​ແຫ່ງ​ຊາດ ກໍ​ຄື ສະມາຊິກ​ສະພາ​ແຫ່ງ​ຊາດ​ ສສຊ ທຸກເຂດ​ເລືອກ​ຕັ້ງ ​ໄດ້​ປະຕິບັດໜ້າທີ່​ເປັນ​ຕົວ​ແທນ​ແຫ່ງ​ສິດ ​ແລະ ຜົນ​ປະ​ໂຫຍ​ດອັນ​ຊອບ​​ທຳ ​​ແກ່​ປະຊາຊົນ​ບັນດາ​ເຜົ່າ ​ໃນ​ທົ່ວ​ປະ​ເທດ​​ໄດ້ເປັນ​ຢ່າງ​ດີ, ຢ່າງ​ໃດ​ກໍ​ຕາມ ກໍຍັງ​ມີ ສສຊ ຈຳນວນໜຶ່ງຢູ່​ບາງ​ເຂດ​ເລືອກ​ຕັ້ງ ບໍ່ທັນ​ປະຕິບັດໜ້າທີ່​ຂອງ​ຕົນ ​ຢ່າງ​ເຕັມ​ສ່ວນ​ເປັນ​ຕົ້ນ: ການ​ລົງ​ພົບ​ປະ​ຢ້ຽມຢາມ ​ແລະ ຮັບ​ຊາບ​ຂໍ້​ຄິດ​ເຫັນ​ຂອງ​ປະຊາຊົນ ບໍ່​ເປັນ​ປົກກະຕິ ​ແລະ ທົ່ວ​ເຖິງ ​ໂດຍ​ສະ​ເພາະ​ ຢູ່​ເຂດ​ຫ່າງ​ໄກ​ສອກຫລີກ​ ທຸລະກັນດານ ຫລື ​ເຂດ​ພູດ​ອຍ ພິ​ເສດ​ແມ່ນ​ເຂດ​ພື້ນຖານ​ ການ​ປະຕິວັດ ​ແລະ ​ເຂດ​ວິລະ​ຊົນຕ່າງໆ ​ເພື່ອ​ນຳສະ​ເໜີ ຄວາມ​ມຸ່ງ​ມາດ​ປາຖະໜາ ​ແລະ ຄວາມ​ຕ້ອງການ​ຊ່ວຍ​ເຫລືອ ​ໃນ​ທຸກ​ດ້ານ.

ທ່ານ ຕົງ​ ​ເຢີ​ທໍ ຜູ້​ປະຈຳການ-ຮອງ​ປະທານ​ ສູນ​ກາງ​ແນວ​ລາວ​ສ້າງ​ຊາດ ​ໄດ້​ສະ​ເໜີ​ເຫດຜົນ​ສຳຄັນ​ດັ່ງ ກ່າວ​ຕໍ່ທີ່​ປະຊຸມ​ສະ​ໄໝສາມັນ​ ເທື່ອ​ທີ 9 ຂອງ​ສະພາ​ແຫ່ງ​ຊາດ ​ຊຸດ​ທີ VII ພ້ອມຍັງ​ໄດ້ຮຽກຮ້ອງ​ໃຫ້ ສສຊ ​ຕັ້ງໜ້າລົງ​ຕິດຕາມ​ກວດກາ ​ບັນດາ​ໂຄງການ​ລົງທຶນ​ຂອງ​ລັດ ​ເຊັ່ນ: ການກໍ່ສ້າງ​ລະບົບ​ຊົນລະປະທານ, ​ເສັ້ນທາງ​ຄົມມະນາຄົມ, ອາຄານ​ສຳນັກງານ​ຂອງ​ລັດ ​ຢູ່​ທ້ອງ​ຖິ່ນ ​ແລະ ອື່ນໆ ທີ່ ​ມີ​ມູນ​ຄ່າ​ສູງ​ເກີນ​ຄວນ ​ແຕ່​ຄຸນ​ນະພາ​ບຕ່ຳ, ອາຍຸ​ການ​ນຳ​ໃຊ້​ສັ້ນ ​ເຮັດ​ໃຫ້​ລັດ​ສູນ​ເສຍ​ງົບປະມານ​ ຢ່າງ​ຫລວງຫລາຍ ​ແຕ່​ບຸກຄົນ ​ແລະ ນິຕິບຸກຄົນ ຈຳນວນ​ບໍ່ໜ້ອຍພັດ​ຮັ່ງມີ​ຂຶ້ນ​ແບບ​ຜິ​ດປົກກະຕິ. ນອກ​ນີ້​ຍັງ​ມີ​ສະມາຊິກ​ພັກ ​ແລະ ພະນັກງານ​ຈຳນວນໜຶ່ງ ຢູ່​ບາງ​ຂະ​ແໜງການ ​ແລະ ທ້ອງ​ຖິ່ນ ໄດ້​ປ່ຽນ​ແປງຕົນ​ເອງ ​ໄປ​ໃນ​ທາງ​ທີ່​ບໍ່ຖືກຕ້ອງ. ຄວາມ​ສາມັກຄີ, ຄວາມສະ​ເໝີພາບ​ ​ແລະ ຄວາມ ​ຍຸຕິ​ທຳໃນ​ສັງ ຄົມຢູ່​ຫລາຍ​ທ້ອງ​ຖິ່ນ ​ເຖິງ​ວ່າ​ມີ​ຄວາມໜັກ​ແໜ້ນ ​ແຕ່​ເມື່ອ​ສົມທຽບກັບ​ແນວທາງ​ນະ​ໂຍບາຍ​ ການ​ປ່ຽນ​ແປງ​ໃໝ່ ຂອງ​ພັກ ​ແລະ ກົດໝາຍຂອງ​ລັດ ​ເຫັນ​ວ່າ​ຍັງ​ມີ​ຫລາຍ​ດ້ານ ​ຕ້ອງ​ເພີ່ມ​ທະວີ​ການ​ປັບປຸງ​ແກ້​ໄຂ ​ໃຫ້​ສອດຄ່ອງ ​ແລະ ທັນ​ການ.

ໄລຍະຜ່ານ​ມາ ສະພາ ​ແຫ່ງ​ຊາດ ​ໄດ້​ຮັບຮອງ​ເອົາ​ກົດໝາຍ​ໃນ​ຂົງ​ເຂດ​ຕ່າງໆ ຫລາຍ​ສະບັບ ​ແລະ ​ໄດ້​ຈັດ​ຕັ້ງ​ການ​ເຜີຍ​ແຜ່​ ກົດໝາຍ​ເຫລົ່າ​ນັ້ນ​ຢ່າງ​ຕໍ່​ເນື່ອງ​ ແຕ່​ການຈັດ​ຕັ້ງ​ປະຕິບັດ​ກົດໝາຍດັ່ງກ່າວ ​ບໍ່ທັນ​ໄດ້​ດີ​ເທົ່າ​ທີ່​ຄວນ ​ເຊິ່ງ ສະ​ແດງ​ອອກ​ ທີ່​ຄວາມ​ຮັບ​ຮູ້ ​ແລະ ສະຕິ​ເຄົາລົບ​ກົດໝາຍ ຂອງພະນັກງານ-ລັດຖະກອນ, ທະຫານ-ຕຳຫລວດ ​ແລະ ປະຊາຊົນ​ທຸກ​ຊັ້ນ​ຄົນໂດຍ​ສະ​ເພາະ​ແມ່ນ​ຊາວໜຸ່ມ, ນັກ​ສຶກສາ ຜູ້​ທີ່​ເປັນ​ອະນາຄົດ​ຂອງ​ປະ​ເທດ​ຊາດ ​ກໍຍັງ​ບໍ່ທັນ​ດີ, ປະກົດ​ການ​ຍໍ້​ທໍ້​ໃນ​ສັງຄົມ ກໍ​ຍັງ​ເກີດ​ຂຶ້ນ​ຢ່າງ​ຫລວງຫລາຍ. ດ້ວຍ​ເຫດ​ນີ້ ຈຶ່ງ​ສະ​ເໜີ ​ໃຫ້ ສສຊ ຊ່ວຍ​ພິຈາລະນາ ​ແລະ ດຳ​ເນີນ​ການ​ຕາມ​ພາລະ​ບົດບາດ ​ແລະ ສິດໜ້າທີ່ ​ເປັນ​ຕົວ​ແທນ​ປະຊາຊົນ ​ໃນ​ການ​ຕິດຕາມ​ກວດກາ​ ຊອກ​ເຫັນ​ຈຸດ​ບົກ​ຜ່ອງ ​ໃນ​ການ​ປະຕິບັດໜ້າທີ່​ຂອງ​ລັດຖະບານ ​ເພື່ອ​ນຳ​ໄປ​ແກ້​ໄຂ​ຢ່າງ​ທັນ​ການ. ນອກ​ນີ້ ຕົວ​ແທນ​ຂອງ​ອົງການ​ຈັດ​ຕັ້ງ​ມະຫາຊົນ ຍັງ​ໄດ້​ນຳ​ເອົາ​​ຄຳ​ຄິດ​ເຫັນຈາກ​ພາກສ່ວນ​ຕ່າງໆ​ໃນ​ສັງຄົມ 22 ຂໍ້ ມາສະ​ເໜີຕໍ່ກອງ​ປະຊຸມ ສະພາຄັ້ງ​ນີ້ ​ເພື່ອພິຈາລະນາ​​ແກ້​ໄຂ​ໃນຕໍ່ໜ້າ​ເຊິ່ງມີ​ຄວາມ​ສຳຄັນ ​ແລະ ກວມ​ເອົາ​ທຸກ​ຂົງ​ເຂດວຽກງານ.

 

ແຫລ່ງຂ່າວ: ສຳນັກຂ່າວສານປະເທດລາວ

 

ບົດຄວາມຫຼ້າສຸດ

ສສກ ຈະສຸມໃສ່ປະຕິຮູບລະບົບການສຶກສາ ສາຍສາມັນ ຈາກ 5+4+3 ເປັນ 6+3+3

ອົງຄະນະພັກ ສສກ ຈະສຸມໃສ່ປະຕິຮູບລະບົບການສຶກສາ ສາຍສາມັນ ຈາກ 5+4+3 ເປັນ 6+3+3 ສະຫາຍ ຮສ.ປອ ທອງສະລິດ ມັງໜໍ່ເມກ ເລຂາທິການສູນກາງພັກ, ເລຂາຄະນະບໍລິຫານງານພັກ, ລັດຖະມົນຕີ...

ແຈ້ງເຕືອນຈາກກົມໃຫຍ່ຕຳຫຼວດ ໃຫ້ລະວັງ 10 ລັກສະນະການກໍ່ເຫດທີ່ເປັນການສໍ້ໂກງຊັບ ຖ້າພົບເຫັນເຫດລັກສະນະນີ້ ສາມາດແຈ້ງດຳເນີນຄະດີໄດ້

- ອີງຕາມ ຂໍ້ຕົກລົງຂອງລັດຖະມົນຕີກະຊວງປ້ອງກັນຄວາມສະຫງົບ ລົງວັນທີ 05 ມັງກອນ 2022 ວ່າດ້ວຍການຈັດຕັ້ງ ແລະ ການເຄື່ອນໄຫວຂອງກົມໃຫຍ່ຕໍາຫຼວດ. ເພື່ອປ້ອງກັນ ບໍ່ໃຫ້ທຸກຄົນໃນສັງຄົມ ຕົກເປັນເຫຍື່ອຂອງກຸ່ມແກ້ງສໍ້ໂກງຊັບທາງໂທລະຄົມ ແລະ...

ປະຫວັດບໍ່ທຳມະດາ ກໍລະນີແມ່ຕູ້ຄົນໄຕ້ຫວັນຖືກຖີບເທິງລົດໄຟຕອນນີ້ ຖືກກັກໂຕພ້ອມດຳເນີນຄະດີແລ້ວ

ໃນວັນທີ 01/10/2025 ທີ່ຜ່ານມາ, ສຳນັກຂ່າວໃນໄຕ້ຫວັນໄດ້ລາຍງານວ່າ ມີເຫດບໍ່ຄາດຄິດກ່ຽວກັບຜູ້ສູງ ກໍລະນີແມ່ຕູ້ທີ່ຖືກຍິງສາວປະເພດສອງ (LGBTQ) ຖີບຢູ່ໃນລົດໄຟ ໃນວັນທີ 29/09/2025 ທີ່ຜ່ານມາ, ເຊິ່ງກຳລັງເປັນກະແສດັງໃນໃນສື່ສັງຄົມອອນລາຍໃນປັດຈຸບັນ.ສາເຫດເກີດຈາກການຍາດບ່ອນນັ່ງພິເສດພາຍໃນຂະບວນລົດໄຟແຫ່ງໜຶ່ງໃນໄຕ້ຫວັນ ເນື່ອງຈາກບ່ອນນັ່ງນັ້ນເປັນບ່ອນຂອງຜູ້ສູງອາຍຸ ແມ່ຕູ້ິເລີຍພະຍາຍາມໄລ່ຍິງສາວປະເພດສອງອອກຈາກບ່ອນນັ່ງ...

ມີຜູ້ເສຍຊີວິດ 3 ຄົນຈາກຜົນກະທົບພະຍຸບົວລອຍ ພັດຜ່ານບ້ານກໍໄຮ ເມືອງອະນຸວົງ

ໜັກໜ່ວງ ພາຍຸບົວລອຍ ພັດຜ່ານບ້ານກໍໄຮ ເມືອງອະນຸວົງ ແຂວງໄຊສົມບູນ ເຮັດໃຫ້ມີຄົນເສຍຊີວິດແລ້ວ 3 ຄົນ. ແຫຼ່ງຂ່າວຈາກແຂວງໄຊສົມບູນ ແຈ້ງໃຫ້ຮູ້ວ່າ: ວັນທີ 30 ກັນຍາ 2025, ທ່ານ...