ແຊ້ມລາວພຣີເມຍລີກຈະໄດ້ຮ່ວມແຂ່ງຂັນບານເຕະລາຍການ TOYOTA MEKONG CLUB CHAMPIONSHIP 2015

ການແຂ່ງຂັນແມ່ນຈະມີຂຶ້ນໃນລະຫວ່າງວັນທີ 1 ພະຈິກ ຫາ 20 ທັນວາ 2015, ເຊິ່ງໃນປີນີ້ທາງ ໂຕໂຢຕ້າມໍເຕີ ອາຊີ ປາຊີຟິກ ແມ່ນໄດ້ປັບປຸງຮູບແບບການແຂ່ງຂັນເຊິ່ງໄດ້ຈັດຂຶ້ນຢູ່ໃນທຸກປະເທດທີ່ເຂົ້າຮ່ວມ.
ຮອບທຳອິດຈະມີຂຶ້ນໃນລະຫວ່າງວັນທີ 1 ພະຈິກ ຫາ 29 ພະຈິກ 2015 ເຊິ່ງປະກອບມີ ກໍາປູເຈຍ , ລາວ ແລະ ມຽນມາ , ວັນທີ 1 ພະຈິກ ລາວ ພົບ ກຳປູເຈຍ ແຂ່ງຂັນຢູ່ທີ່ສະຫນາມກິລາເຈົ້າອານຸວົງ ນະຄອນຫລວງວຽງຈັນ ປະເທດລາວ , ວັນທີ 22 ພະຈິກ ມຽນມາ ພົບ ລາວ ແຂ່ງຂັນຢູ່ທີ່ສະຫນາມກິລາ THUWANNA YOUTH TRAINING CENTER ນະຄອນຫລວງຢາງກຸງ ປະເທດມຽນມາ ແລະ ນັດສຸດທ້າຍ ວັນທີ 29 ພະຈິກ ກຳປູເຈຍ ພົບ ມຽນມາ ຢູ່ທີ່ສະຫນາມ ໂອແລມປິກແຫ່ງຊາດ ນະຄອນຫລວງພະນົມເປັນປະເທດ ກຳປູເຈຍ.
ສ່ວນຮອບຮອງຊະນະເລີດຈະແຂ່ງຂັນຢູ່ທີ່ປະເທດຫວຽດນາມ ເຊິ່ງທີມຈາກຫວຽດນາມແມ່ນຢືນຖ້າໃນຮອບນີ້ຖານະແຊ້ມເກ່ົາໃນປີທີ່ຜ່ານເຊິ່ງຈະພົບກັບທີມທີ່ມີຄະແນນດີທີ່ສຸດໃນຮອບທຳອິດແຂ່ງຂັນໃນວັນທີ 6 ທັນວາ ແຂ່ງຂັນຢູ່ທີ່ສະຫນາມ ຮ່າໂນຍ ຫັງເດ ນະຄອນຫລວງຮ່າໂນຍປະເທດຫວຽດນາມ ສ່ວນຮອບຊີງຊະນະເລີດຈະມີຂຶ້ນໃນວັນທີ 20 ທັນວາ 2015, ທີມຊະນະໃນຮອບຮອງຊະນະເລີດແມ່ນຈະພົບກັບທີມໄທ ເຊິ່ງແຂ່ງຂັນຢູ່ທີ່ສະຫນາມສຸກພັດຊະລາໄສ ນະຄອນຫລວງບາງກອກປະເທດໄທ.

ສຳລັບເງິນລາງວັນໃນການແຂ່ງຂັນຄັ້ງນີ້ແມ່ນອັນດັບ 1 ໄດ້ຮັບເງິນ 75.000 ໂດລາສະຫະລັດ , ອັນດັບ 2 ໄດ້ຮັບເງິນ 50.000 ໂດລາສະຫະລັດ , ອັນດັບ 3 ໄດ້ຮັບເງິນ 10.000 ໂດລາສະຫະລັດ , ອັນດັບ 4 ໄດ້ຮັບເງິນ 10.000 ໂດລາສະຫະລັດ ແລະ ອັນດັບ 5 ໄດ້ຮັບເງິນ 5000 ໂດລາສະຫະລັດ.

ນອກຈາກນັ້ນຍັງມີລາງວັນຜູ້ຫລິ້ນຊົງຄຸ່ນຄ່າໄດ້ຮັບເງິນ 3000 ໂດລາສະຫະລັດ . ນອກຈາກຈະໄດ້ຊົມການແຂ່ງຂັນບານເຕະ ຍັງມີກິດຈະກຳໃຫ້ທຸກທ່ານໄດ້ຫລິ້ນຢ່າງມ່ວນຊື່ນ, ສ່ວນປີ້ເຂົ້າຊົມນັ້ນແມ່ນມີຂາຍຢູ່ໃນຫນ້າງານ ແລະ ສໍາລັບລາຍການດັ່ງກ່າວນີ້ທາງສະຖານີໂທລະພາບ TVLAO HD ຈະທຳການຖ່າຍທອດສົດທຸກນັດທີ່ມີສະໂມສອນຈາກລາວລົງສະຫນາມ

11202651_1623205047897014_3654553396859082863_n

10989214_1623205167897002_1389217793610028443_n

11704881_1623205161230336_5310710727728518503_n

11702768_1623205144563671_7321154500734673404_n

11667389_1623205137897005_9151434771088803660_n

11707591_1623205171230335_3236591638811897316_n