ສຳນັກຂ່າວຕ່າງປະເທດ ລາຍງານຂ່າວດ່ວນໃນມື້ນີ້ (3 ກໍລະກົດ) ວ່າ ເກີດເຫດແຜ່ນດິນໄຫວຂະໜາດ 6.4 ແມັກນິຈູດ ທີ່ແຂວງຊິນຈຽງ ທາງພາກຕາເວັນຕົກຂອງຈີນ ໃນຕອນເຊົ້າຂອງມື້ນີ້ ໂດຍສູນກາງແຜ່ນດິນໄຫວ ແມ່ນຢູ່ຫ່າງຈາກເມືອງໂຮຕັນ ໄປທາງຕາເວັນຕົກສຽງເໜືອ ປະມານ 160 ກິໂລແມັດ ແລະ ມີຄວາມເລິກພຽງ 10 ກິໂລແມັດເທົ່ານັ້ນ ໂດຍເບື້ອງຕົ້ນແມ່ນມີລາຍງານຜູ້ເສຍຊີວິດແລ້ວ 4 ຄົນ.
ແຫລ່ງຂ່າວໄດ້ລະບຸວ່າ ສູນກາງແຜ່ນດິນໄຫວຄັ້ງນີ້ ແມ່ນຢູ່ໃກ້ກັບເຂດກູມາ ເຊິ່ງເປັນເຂດທີ່ມີປະຊາຊົນອາໄສຢູ່ກ່ວາ 2 ແສນຄົນ ໂດຍສ່ວນໃຫຍ່ແມ່ນເປັນຊາວມຸດສະລິມ ເຜົ່າອຸຍກູ ໂດຍແຜ່ນດິນໄຫວຄັ້ງນີ້ ນັບເປັນເທື່ອທີ 8 ແລ້ວນັບຕັ້ງແຕ່ຕົ້ນປີ 2015 ມານີ້.