ເຈົ້າຊາຍຊາອຸ ຜູ້ທີ່ລວຍອັນດັບທີ 34 ຂອງໂລກ ບໍລິຈາກຊັບສິນ 3.2 ຕື້ໂດລາ ເພື່ອການກຸສົນ!

EyWwB5WU57MYnKOuXxtuCOZksj5texMvBiM8AOMUHCkiZc2SfGBp2v

ສຳນັກຂ່າວຕ່າງປະເທດ ລາຍງານໃນວັນທີ 2 ກໍລະກົດນີ້ວ່າ ເຈົ້າຊາຍອັນວາລີດ ບິນ ທາລານ ແຫ່ງຊາອຸດິອາຣະເບຍ ຜູ້ເຊິ່ງຕິດອັນດັບທີ 34 ໃນຈຳນວນ 100 ຄົນ ມະຫາເສດຖີຜູ້ທີ່ຮັ່ງມີທີ່ສຸດໃນໂລກ ໄດ້ວາງແຜນຈະບໍລິຈາກຊັບສິນສ່ວນຕົວ ມູນຄ່າລວມປະມານ 3.2 ຕື້ໂດລາ ເພື່ອການກຸສົນ ເພື່ອເປັນການເຮັດບຸນ ໂດຍທ່ານເອງມີຄວາມຫວັງວ່າ ການບໍລິຈາກຊັບສິນຈຳນວນດັ່ງກ່າວນີ້ ຈະຖືກນຳໄປໃຊ້ເຊ່ວຍໃນການສົ່ງເສີມຄວາມເຂົ້າໃຈ ກ່ຽວກັບວັດທະນະທຳທີ່ແຕກຕ່າງກັນ, ການພັດທະນາຊຸມຊົນ, ສົ່ງເສີມບົດບາດເພດຍິງ, ສ້າງໂອກາດໃຫ້ແກ່ຊາວໜຸ່ມ ແລະ ຊ່ວຍບັນເທົາທຸກຈາກໄພພິບັດ ໂດຍທ່ານເອງມີຄວາມເຊື່ອວ່າ ການບໍລິຈາກນີ້ແມ່ນເປັນໜຶ່ງໃນເນື້ອແທ້ຂອງຄວາມເຊື່ອທາງສາສະໜາອິດສະລາມ.